# ಉರ್ದು ಶಾಲೆಯಲ್ಲಿ ಲಾಂಗ್ ಹಿಡಿದು ಸಾಲು ಸಾಲು ಕೇಕ್ ಕಟ್ ಮಾಡಿದ | ಭಯ ಹುಟ್ಟಿಸಿದ ಕಾರಣಕ್ಕೆ ಅರೆಸ್ಟ್ ಆದ

- Link: https://hosakannada.com/news/urdu-school-cake-cutting/
- Published: 2021-07-30T09:55:55+00:00
- Author: ಹೊಸಕನ್ನಡ

ಜನ್ಮದಿನದ ಆಚರಣೆ ವೇಳೆ ಯುವಕನೊಬ್ಬ ಲಾಂಗ್‌ನಿಂದ ಕೇಕ್ ಕಟ್ ಮಾಡಿ ಮೈಮೇಲೆ ಕೇಸು ಎಳೆದುಕೊಂಡಿದ್ದಾನೆ.
ಈ ಘಟನೆ ಹಾವೇರಿ ಜಿಲ್ಲೆಯ ಉರ್ದು ಶಾಲಾ ಆವರಣದಲ್ಲಿ ನಡೆದಿರುವುದು ಬೆಳಕಿಗೆ ಬಂದಿದೆ.

Sponsored

ಹೊಸರಿತ್ತಿ ಗ್ರಾಮದ ಮಹಮ್ಮದ್ ಸಾಧಿಕ್ ಹವಾಲ್ದಾರ ಎಂಬ ಯುವಕ 4 ದಿನಗಳ ಹಿಂದೆ ಜನ್ಮದಿನದ ಆಚರಣೆ ವೇಳೆ
ಸಾಲು ಸಾಲಾಗಿ ಒಟ್ಟು 8 ಕೇಕ್‌ಗಳನ್ನು ಇಟ್ಟು ಲಾಂಗ್‌ನಿಂದ ಕಟ್ ಮಾಡಿರುವ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ
ವೈರಲ್ ಆಗಿತ್ತು.

Advertisement

Advertisement

ಆ ದೃಶ್ಯವನ್ನು ನೋಡಿದ ಗ್ರಾಮಸ್ಥರು ಆತಂಕ ವ್ಯಕ್ತಪಡಿಸಿದ್ದಾರೆ. ಸರ್ಕಾರಿ ಉರ್ದು ಶಾಲೆಯ ಆವರಣದಲ್ಲಿ
ಮಾರಾಕಾಸ್ತ್ರಗಳನ್ನು ಬಳಸಿ ಜನ್ಮದಿನ ಆಚರಿಸಿರುವುದಕ್ಕೆ ಎಲ್ಲೆಡೆ ಆಕ್ರೋಶ ವ್ಯಕ್ತವಾಗಿದೆ. ಹಾಗಾಗಿ
ಈ ಪ್ರಕರಣಕ್ಕೆ ಸಂಬಂಧಿಸಿದಂತೆ ಮಹಮ್ಮದ್ ಸಾಧಿಕ್‌ನನ್ನು ಬಂಧಿಸಲಾಗಿದೆ.

ಕಳೆದ ಕೆಲವು ದಿನಗಳ ಹಿಂದೆ ಇದೇ ರೀತಿಯಲ್ಲಿ ಗ್ರಾಮದ ಯುವಕನೊಬ್ಬ ಸಹ ಜನ್ಮದಿನವನ್ನು ಆಚರಿಸಿಕೊಂಡಿದ್ದ.
ಆತನಿಂದ ಪ್ರೇರಣೆಗೊಂಡ ಸಾಧಿಕ್ ಕೂಡ ಈ ರೀತಿಯಲ್ಲಿ ಹುಟ್ಟುಹಬ್ಬ ಆಚರಿಸಿಕೊಂಡಿದ್ದಾಗಿ ತಿಳಿದು ಬಂದಿದೆ.

Advertisement
