# ಕ್ಷಮೆಯನ್ನು ಸ್ವೀಕರಿಸುವ ದೊಡ್ಡತನವೂ ಇಲ್ಲವೇ? ಯಾಕೆ ಇಷ್ಟೊಂದು ದ್ವೇಷ – ಸೋಷಿಯಲ್ ಮೀಡಿಯಾದಲ್ಲಿ ಉಪೇಂದ್ರ ಪ್ರಶ್ನೆ

- Link: https://hosakannada.com/news/upendra-questions-on-social-media/
- Published: 2023-08-13T21:31:37+00:00
- Author: ಹೊಸಕನ್ನಡ

Upendra :ನಟ ಉಪೇಂದ್ರ (Upendra) ಸಮುದಾಯವೊಂದನ್ನು ನಿಂದಿಸಿದ ಆರೋಪದ ಮೇಲೆ ಎಫ್ಐಆರ್ ಇಂದು, ಆಗಸ್ಟ್
13 ರಂದು ಪ್ರಕರಣ ದಾಖಲಾಗಿರುವ ವಿಷಯ ಎಲ್ಲರಿಗೂ ತಿಳಿದೇ ಇದೆ. ಅದಕ್ಕೆ ನಂತರ ಉಪ್ಪಿ ಕ್ಷಮೆಯನ್ನು
ಯಾಚಿಸಿದ್ದರು. ಇದೀಗ ಈ ವಿಚಾರಕ್ಕೆ ಸಂಬಂಧಿಸಿದಂತೆ ಉಪೇಂದ್ರ ಪ್ರತಿಕ್ರಿಯೆ ನೀಡಿದ್ದಾರೆ. ಇಷ್ಟಕ್ಕೂ
ಕ್ಷಮೆಯನ್ನು ಸ್ವೀಕರಿಸುವ ದೊಡ್ಡತನವೂ ಇಲ್ಲವೇ? ಯಾಕೆ ಇಷ್ಟೊಂದು ದ್ವೇಷ ಎಂದು ತಮ್ಮ ಸೋಷಿಯಲ್ ಮೀಡಿಯಾ
ಖಾತೆಯಲ್ಲಿ ಉಪೇಂದ್ರ ಪ್ರಶ್ನೆ ಮಾಡಿದ್ದಾರೆ. ಜತೆಗೆ ಬೇಸರ ಭರಿತ ಆಕ್ರೋಶ ಹೊರಹಾಕಿದ್ದಾರೆ.

Sponsored

ಏನಂದ್ರು ಉಪೇಂದ್ರ ?

Advertisement

Advertisement

“ಇಂದು ನನ್ನ ವಿರುದ್ಧ ಮಾತನಾಡುತ್ತಿರುವ ಹಲವರು ಅಂದು ಹುಟ್ಟೇ ಇರಲಿಲ್ಲ. 50 ವರ್ಷಗಳ ಹಿಂದೆ ನನ್ನ
ಬಾಲ್ಯ ನಾನು ಎಂತಹ ಪರಿಸರದಲ್ಲಿ ಬೆಳೆದೆ.. ಆ ಬಾಲ್ಯದಲ್ಲಿ ನಾನು ಕಂಡ ಆ ಕ್ರೂರ ಬಡತನ, ನನ್ನ ಕಣ್ಣ
ಮುಂದೆಯೇ ಬೆಂಕಿ ಹಚ್ಚಿಕೊಂಡು ಆದ ಆತ್ಮಹತ್ಯೆಗಳು, ಹಸಿವು, ಅಪಮಾನ, ತುಳಿತ …. ಇದನ್ನು ಅನುಭವಿಸಿ
ಬೆಳೆದ ನಾನು ಇಂದು ಒಂದು ವರ್ಗದ ಜನರ ಬಗ್ಗೆ ಅವಮಾನಕಾರಿಯಾಗಿ ಮಾತನಾಡುತ್ತೇನೆಯೇ ? ನನಗೆ ಹುಚ್ಚೇ?
ಅದಕ್ಕೆ ಕಾರಣವಾದರೂ ಏನು ? ಅದರಿಂದ ನನಗೆ ಸಿಗುವ ಲಾಭವಾದರೂ ಏನು ? ಇಷ್ಟಕ್ಕೂ ಕ್ಷಮೆಯನ್ನು ಸ್ವೀಕರಿಸುವ
ದೊಡ್ಡತನವೂ ಇಲ್ಲವೇ ? ಯಾಕೆ ಇಷ್ಟೊಂದು ದ್ವೇಷ ?” – ಎಂದು ನಟ ಉಪೇಂದ್ರ (Upendra) ಸೋಷಿಯಲ್ ಮೀಡಿಯಾದಲ್ಲಿ
ತಮ್ಮ ಬೇಸರ ಹೊರ ಹಾಕಿದ್ದಾರೆ.

 

ಈಗ ಎಸ್ಸಿ-ಎಸ್ಟಿ ದೌರ್ಜನ್ಯ ತಡೆ ಕಾಯ್ದೆ ಅಡಿ ಉಪೇಂದ್ರ ಮೇಲೆ ಪ್ರಕರಣ ದಾಖಲಾಗಿದ್ದು, ಎಸಿಪಿ ಮಟ್ಟದ
ಅಧಿಕಾರಿಯಿಂದ ತನಿಖೆ ನಡೆಯುತ್ತಿದೆ. ತಾವು ಬಾಯ್ತಪ್ಪಿನಿಂದ ಹೇಳಿದ ಹೇಳಿಕೆಗೆ ಕ್ಷಮೆ ಯಾಚಿಸಿದ ಮೇಲೆ
ಕೂಡಾ ಉಪೇಂದ್ರ ಮೇಲೆ ಸಮುದಾಯವೊಂದನ್ನು ನಿಂದಿಸಿದ ವಿರುದ್ಧ ಕಾನೂನು ಹೋರಾಟ ಶುರುವಾಗಿವೆ. ಕ್ಷಮೆ
ಕೇಳಿದ ಮೇಲೆ ಕೂಡಾ ಯಾಕೆ ಇಷ್ಟು ದ್ವೇಷ ಎಂದು ಉಪೇಂದ್ರ ಸಕಾರಣವಾಗಿ ಪ್ರಶ್ನೆ ಕೇಳಿದ್ದಾರೆ.

 

ಉಪೇಂದ್ರ ಯಾವ ಸಂದರ್ಭದಲ್ಲಿ ಬಾಯಿ ತಪ್ಪಿದ್ರು ?

ಇತ್ತೀಚೆಗೆ ಲೈವ್ ವಿಡಿಯೋನಲ್ಲಿ ಮಾತನಾಡಿ, ‘ ರಾಜ್ಯ ವಿಧಾನಸಭೆ ಚುನಾವಣೆಯಲ್ಲಿ ತಮ್ಮ ಪಕ್ಷದ ಅಭ್ಯರ್ಥಿಗಳು
ರಾಷ್ಟ್ರೀಯ ಪಕ್ಷಗಳನ್ನು ಹೊರತುಪಡಿಸಿ ತಮ್ಮದೇ ವಾರಗೆಯ ಇತರೆ ಕೆಲವು ರಾಜಕೀಯ ಪಕ್ಷಗಳಿಗಿಂತಲೂ ಹೆಚ್ಚು
ಮತವನ್ನು ಯಾವುದೇ ಪ್ರಚಾರವಿಲ್ಲದೆ ಪಡೆದಿದ್ದಾರೆ ‘ ಎಂದು ಹೆಮ್ಮೆಯಿಂದ ಹೇಳಿದ್ದರು. ಕೆಲವರು ಎಲ್ಲದರಲ್ಲೂ
ತಪ್ಪು ಹುಡುಕುತ್ತಾರೆ. ಊರೆಂದರೆ ಹೊಲೆಗೇರಿ ಇದ್ದೇ ಇರುತ್ತದೆ ಎಂದು ಹೊಲೆಗೇರಿಯನ್ನು ತುಚ್ಛವಾಗಿ
ಕಾಣುವ ರೀತಿ ಮಾತಾಡಿದ್ದರು. ಅದು ತಪ್ಪೇ. ಉಪೇಂದ್ರರ ಈ ಮಾತಿಗೆ ತೀವ್ರ ಆಕ್ಷೇಪ ವ್ಯಕ್ತವಾಗಿ ಅದು
ದೊಡ್ಡದು ಆಗಿ ಮೊದಲೇ ಅವರು ಕ್ಷಮಾಪಣೆ ಕೇಳಿದ್ದರು. ಆದ್ರೆ ಅದು ಅಲ್ಲಿಗೇ ನಿಂತಿಲ್ಲ. ಕ್ಷಮಾಪಣೆ 
ಕೇಳಿದರೂ, ಇದೀಗ ವ್ಯಕ್ತಿಯೊಬ್ಬರು ಉಪೇಂದ್ರ ಮೇಲೆ ಕೇಸು ದಾಖಲು ಮಾಡಿದ್ದಾರೆ.

ಇದನ್ನೂ ಓದಿ : [ಅಜ್ಜಯ್ಯನ ಮೇಲೆ ಆಣೆ ಹಾಕಲು ಡಿಕೆಶಿಗೆ ಒತ್ತಾಯ](https://hosakannada.com/2023/08/13/karnataka-political-news-bjp-ex-mla-ct-ravi-salms-dcm-dk-shivakumar/)

Advertisement