# ಉಡುಪಿ: ಶಿರೂರು ಪರ್ಯಾಯ: ವಾಹನ ಸವಾರರಿಗೆ ಹೊಸ ಮಾರ್ಗಸೂಚಿ-ಜಿಲ್ಲಾಧಿಕಾರಿ

- Link: https://hosakannada.com/news/udupi-shiroor-paryaya-new-guidelines-for-motorists-district-magistrate/
- Published: 2026-01-16T20:27:17+00:00
- Author: ಹೊಸಕನ್ನಡ ನ್ಯೂಸ್

ಉಡುಪಿ: ನಗರದ ಶ್ರೀ ಕೃಷ್ಣ ಮಠದ ಪರ್ಯಾಯ ಮಹೋತ್ಸವ ಸಂದರ್ಭದಲ್ಲಿ ಭಕ್ತರ ಸುಗಮ ಸಂಚಾರಕ್ಕೆಂದು ಉಡುಪಿ
ಜಿಲ್ಲಾಧೀಕಾರಿ ಸ್ವರೂಪ ಟಿ.ಕೆ. ಅವರು ವಾಹನ ಸಂಚಾರದಲ್ಲಿ ಬದಲಾವಣೆ ಮಾಡಿದ್ದಾರೆ.

Sponsored

**1. ಕಾರ್ಕಳ: ಮಣಿಪಾಲ ಕಡೆಯಿಂದ ಉಡುಪಿ ನಗರಕ್ಕೆ ಬರುವಂತಹ ವಾಹನಗಳು:**
 ಜ. 17ರ ಸಂಜೆ 7 ಗಂಟೆಯವರೆಗೆ:
ಕಾರ್ಕಳ ಮತ್ತು ಮಣಿಪಾಲದಿಂದ ಬರುವ ವಾಹನಗಳು ನೇರವಾಗಿ ಕಲ್ಸಂಕ ಮಾರ್ಗವಾಗಿ ಉಡುಪಿ ಸಿಟಿ ಮತ್ತು ಸರ್ವಿಸ್
ಬಸ್ ನಿಲ್ದಾಣಕ್ಕೆ ಪ್ರವೇಶಿಸಬಹುದು. ಜ. 17ರ ಸಂಜೆ 7 ರಿಂದ ಜ. 18ರ ಬೆಳಗ್ಗೆ 7 ರವರೆಗೆ: ಈ ಅವಧಿಯಲ್ಲಿ
ಉಡುಪಿ ನಗರಕ್ಕೆ ಎಲ್ಲಾ ರೀತಿಯ ವಾಹನಗಳ. ಪ್ರವೇಶವನ್ನು ಸಂಪೂರ್ಣವಾಗಿ ನಿಷೇಧಿಸಲಾಗಿದೆ.

Advertisement

Advertisement

**2. ರಾತ್ರಿ ವೇಳೆಯ ಬದಲಿ ಮಾರ್ಗ (ಸಂಜೆ 7 ರಿಂದ ಬೆಳಗ್ಗೆ 7 ರವರೆಗೆ):**
 ಮಣಿಪಾಲ ಸಿಂಡಿಕೇಟ್
ಸರ್ಕಲ್‌ನಿಂದ ಬರುವ ವಾಹನಗಳು ಲಕ್ಷ್ಮೀಂದ್ರ ನಗರ – ಸಗ್ರಿ ನೊಳೆ ರಸ್ತೆ – ಪೆರಂಪಳ್ಳಿ ಎಫ್.ಸಿ.ಐ(
ಭಾರತೀಯ ಆಹಾರ ನಿಗಮ) ಮುಂಭಾಗದಿಂದ ಅಂಬಾಗಿಲು ಜಂಕ್ಷನ್ ತಲುಪಿ ರಾಷ್ಟ್ರೀಯ ಹೆದ್ದಾರಿ 66ಕ್ಕೆ ಸೇರಬೇಕು.
ಅಲ್ಲಿಂದ ನಿಟ್ಟೂರು ಮಾರ್ಗವಾಗಿ ಕರಾವಳಿ ಜಂಕ್ಷನ್‌ಗೆ ಆಗಮಿಸಬೇಕು. ಕರಾವಳಿ ಜಂಕ್ಷನ್ ವಾಹನಗಳ ಅಂತಿಮ
ನಿಲುಗಡೆಯಾಗಿರುತ್ತದೆ. ವಾಪಸು ಹೋಗುವಾಗಲೂ ಇದೇ ಮಾರ್ಗವಾಗಿ (ಕರಾವಳಿ ಜಂಕ್ಷನ್ – ನಿಟ್ಟೂರು – ಅಂಬಾಗಿಲು–
ಪೆರಂಪಳ್ಳಿ – ಸಗ್ರಿ ನೊಳೆ – ಲಕ್ಷ್ಮೀಂದ್ರ ನಗರ – ಮಣಿಪಾಲ) ಸಂಚರಿಸಬೇಕು.

ಉಳಿದ ಮಾರ್ಗಗಳ ಸಂಚಾರ ಬದಲಾವಣೆ ಮತ್ತು ಪಾರ್ಕಿಂಗ್ ನಿಷೇಧದ ಕುರಿತು ಈ ಹಿಂದೆ ಹೊರಡಿಸಲಾದ ಅಧಿಸೂಚನೆಯಲ್ಲಿ
ಯಾವುದೇ ಬದಲಾವಣೆ ಇರುವುದಿಲ್ಲ ಎಂದು ಜಿಲ್ಲಾಧಿಕಾರಿಗಳ ಕಚೇರಿ ಪ್ರಕಟಣೆ ತಿಳಿಸಿದೆ.

Advertisement