# ಉಡುಪಿ : ಪೆಟ್ರೋಲ್ ಬಂಕ್ ಬಳಿ ನಿಲ್ಲಿಸಿದ್ದ ಖಾಸಗಿ ಬಸ್ ಕಳ್ಳತನ

- Link: https://hosakannada.com/news/udupi-private-bus-parked-near-petrol-bunk-stolen/
- Published: 2026-09-30T13:36:46+00:00
- Author: ಹೊಸಕನ್ನಡ ನ್ಯೂಸ್

ಉಡುಪಿಯ ಚಿಟ್ಪಾಡಿಯಲ್ಲಿರುವ ಹನುಮಾನ್ ಪೆಟ್ರೋಲ್ ಬಂಕ್ ಹಿಂಭಾಗದಲ್ಲಿ ಪಾರ್ಕ್ ಮಾಡಲಾಗಿದ್ದ ಖಾಸಗಿ
ಬಸ್ ಕಳುವಾಗಿದ್ದು, ಪೊಲೀಸರು ಕೆಲವೇ ಗಂಟೆಗಳಲ್ಲಿ ಅದನ್ನು ಪತ್ತೆಹಚ್ಚಿದ್ದಾರೆ.

Sponsored

ಸೆಪ್ಟೆಂಬರ್ 28ರ ರಾತ್ರಿ ಸುಮಾರು 9:48 ಕ್ಕೆ ‘ಶ್ರೀ ದುರ್ಗಾಂಬ’ (KA-20-AD-1931) ಹೆಸರಿನ ಖಾಸಗಿ
ಬಸ್ಸನ್ನು ಪೆಟ್ರೋಲ್ ಬಂಕ್ ಹಿಂಭಾಗದಲ್ಲಿ ನಿಲ್ಲಿಸಲಾಗಿತ್ತು. ಸೆಪ್ಟೆಂಬರ್ 29ರ ಮುಂಜಾನೆ ಬಸ್ ನಿರ್ವಾಹಕ
ಕೃಷ್ಣ ಅವರು ಬಂದು ನೋಡಿದಾಗ ಬಸ್ ನಾಪತ್ತೆಯಾಗಿದೆ. 

Advertisement

Advertisement

ಬಳಿಕ ದೂರು ನೀಡಿ ಸಿಸಿ ಕ್ಯಾಮೆರಾ ಗಳನ್ನು ಪರಿಶೀಲಿಸಿದಾಗ ರಾತ್ರಿ ವೇಳೆ ಇಬ್ಬರು ಹೆಲ್ಮೆಟ್ ದಾರಿಗಳು
ಸ್ಕೂಟರ್ ನಲ್ಲಿ ಬಂದು ಯಾರು ಇಲ್ಲದ್ದನ್ನು ಖಚಿತಪಡಿಸಿಕೊಂಡು ಬಸ್ ಅನ್ನು ಎಗರಿಸಿದ್ದಾರೆ. ಅದರಲ್ಲಿ
ಒಬ್ಬ ಅನುಮಾನ ಬಾರದಿರಲಿ ಎಂದು ಡ್ರೈವರ್ ರೀತಿ ಸಮವಸ್ತ್ರವನ್ನು ಧರಿಸಿದ್ದ. ಆತ ಬಸ್ ಏರಿ ಸಲೀಸಾಗಿ
ಚಾಲು ಮಾಡಿಕೊಂಡು ಕೊಂಡೊಯ್ದಿದ್ದಾನೆ. ಮತ್ತೊಬ್ಬ ಸ್ಕೂಟರ್ ಓಡಿಸಿಕೊಂಡು ಬಸ್ಸನ್ನು ಹಿಂಬಾಲಿಸಿರುವುದು
ದೃಶ್ಯದಲ್ಲಿ ಸರಿಯಾಗಿದೆ.

 ಬಳಿಕ ಮಾಲೀಕರು ವಿಷಯ ತಿಳಿದು ಪೊಲೀಸರಿಗೆ ದೂರು ನೀಡಿದ್ದಾರೆ. ತನಿಖೆ ಚುರುಕುಗೊಳಿಸಿದ ಪೊಲೀಸರು
ಕಳವಾದ ಕೆಲವೇ ಗಂಟೆಗಳಲ್ಲಿ ಬಸ್ಸನ್ನು ಶಿರ್ವಾ ಸಮೀಪದ ಮುದರಂಗಡಿಯ ಮುದ್ದಾಡಿ ಎಂಬಲ್ಲಿನ ಅರಣ್ಯ ಪ್ರದೇಶದಲ್ಲಿ
ಪತ್ತೆ ಹಚ್ಚಿದ್ದಾರೆ. ಕಳ್ಳರು ಬಸ್ಸನ್ನು ಅಲ್ಲಿಯೇ ಬಿಟ್ಟು ಪರಾರಿಯಾಗಿದ್ದಾರೆ. ಕಳ್ಳರಿಗಾಗಿ ಪೊಲೀಸರು
ಬಲೆ ಬೀಸಿದ್ದಾರೆ.

Advertisement