# ಬಕ್ರೀದ್ ಗೆ ಬಲಿಯಾಗಬೇಕಿದ್ದ ‘ಟ್ರಂಪ್ ಎಮ್ಮೆ’ ರಕ್ಷಣೆ – ಮೃಗಲಾಯಕ್ಕೆ ಶಿಫ್ಟ್

- Link: https://hosakannada.com/news/trump-buffalo-to-be-sacrificed-for-bakrid-rescued-shift-to-zoo/
- Published: 2026-05-29T14:53:30+00:00
- Author: ಹೊಸಕನ್ನಡ ನ್ಯೂಸ್

ಇತ್ತೀಚಿಗೆ ಅಮೆರಿಕದ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ (Donald Trump) ಅವರ ಕಣ್ಣುಗಳನ್ನು ಹೋಲುವ ಎಮ್ಮೆಯೊಂದರ
ವೀಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಭಾರೀ ವೈರಲ್ ಆಗಿತ್ತು. ಈ ಎಮ್ಮೆಯನ್ನು ಬಕ್ರೀದ್‌ಗೆ ಬಲಿ ಕೊಡಲು
ಮುಸ್ಲಿಮರು ಖರೀದಿ ಮಾಡಿದ್ದರು. ಆದರೆ, ಈ ಎಮ್ಮೆಯನ್ನು ಇದೀಗ ರಕ್ಷಿಸಿ ಬಾಂಗ್ಲಾದೇಶದ ರಾಷ್ಟ್ರೀಯ
ಮೃಗಾಲಯಕ್ಕೆ ಸ್ಥಳಾಂತರಿಸಲಾಗಿದೆ ಎನ್ನಲಾಗಿದೆ.

Sponsored

ಬಾಂಗ್ಲಾದೇಶದ ಫಾರ್ಮ್ ಒಂದರಲ್ಲಿ ಈ 4 ವರ್ಷದ ಆಲ್ಬಿನೋ ತಳಿಯ ಎಮ್ಮೆಯನ್ನು ಸಾಕಲಾಗಿತ್ತು. ತಿಳಿ 
ಗುಲಾಬಿ ಬಣ್ಣದ ಚರ್ಮ ಹಾಗೂ ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರ ವಿಶಿಷ್ಟ ಹೇರ್‌ಸ್ಟೈಲ್ ಅನ್ನು
ಹೋಲುವ ಹೊಂಬಣ್ಣದ ಕೂದಲನ್ನು ಈ ಎಮ್ಮೆ ಹೊಂದಿತ್ತು. ಈ ವಿಶಿಷ್ಟ ನೋಟದಿಂದಾಗಿಯೇ ಇದಕ್ಕೆ “ಡೊನಾಲ್ಡ್
ಟ್ರಂಪ್” ಎಂದು ಹೆಸರಿಡಲಾಗಿತ್ತು. ಬಕ್ರೀದ್ (ಈದ್ ಉಲ್ ಅದಾ) ಹಬ್ಬದ ಕುರ್ಬಾನಿಗಾಗಿ (ಬಲಿ ನೀಡಲು)
ಢಾಕಾದ ಉದ್ಯಮಿಯೊಬ್ಬರು ಈ ಎಮ್ಮೆಯನ್ನು ಬರೋಬ್ಬರಿ 3.85 ಲಕ್ಷ ಬಾಂಗ್ಲಾದೇಶಿ ಟಾಕಾ (ಸುಮಾರು 3 ಲಕ್ಷ
ಭಾರತೀಯ ರೂಪಾಯಿ) ನೀಡಿ ಖರೀದಿಸಿದ್ದರು.

Advertisement

Advertisement

ಆದರೆ, ಇದರ ಸಾರ್ವಜನಿಕ ಕ್ರೇಜ್ ಹೆಚ್ಚಾದ ಕಾರಣ ಮೃಗಾಲಯದ ಅಧಿಕಾರಿಗಳು ಮತ್ತು ಸಚಿವಾಲಯದ ಅಧಿಕಾರಿಗಳು
ಮಧ್ಯಪ್ರವೇಶಿಸಿದರು. ಹೆಚ್ಚಿನ ಸಾರ್ವಜನಿಕ ಆಸಕ್ತಿ ಮತ್ತು ಭದ್ರತೆಯ ದೃಷ್ಟಿಯಿಂದ ಈ ಅಪರೂಪದ ಪ್ರಾಣಿಯನ್ನು
ಬಲಿ ನೀಡುವುದರಿಂದ ಮುಕ್ತಗೊಳಿಸಲು ಕೊನೆಯ ಕ್ಷಣದಲ್ಲಿ ನಿರ್ಧರಿಸಲಾಯಿತು ಎಂದು ಸಚಿವಾಲಯದ ಅಧಿಕಾರಿಗಳು
ತಿಳಿಸಿದ್ದಾರೆ. ಮಾಲೀಕರಿಗೆ ಸೂಕ್ತ ಪರಿಹಾರ ನೀಡಿ ಎಮ್ಮೆಯನ್ನು ಮೃಗಾಲಯಕ್ಕೆ ಒಪ್ಪಿಸಲಾಗಿದೆ.

Advertisement
