# ಗಂಡಸರ ಜೇಬಿಗೆ ಕತ್ತರಿ ಹಾಕೋಕೆ ಸಾರಿಗೆ ಇಲಾಖೆಯಿಂದ ಮುಹೂರ್ತ ಫಿಕ್ಸ್

- Link: https://hosakannada.com/news/transport-department-sets-the-date-to-hit-mens-pockets/
- Published: 2026-10-05T17:21:42+00:00
- Author: ಹೊಸಕನ್ನಡ ನ್ಯೂಸ್

ಹಾಲಿನ ದರ ಏರಿಕೆ ಬಗ್ಗೆ ಚರ್ಚೆ ಬೆನ್ನಲ್ಲೇ ರಾಜ್ಯ ಸರ್ಕಾರ ಜನ ಸಾಮಾನ್ಯರಿಗೆ ಮತ್ತೊಂದು ಶಾಕ್​ 
ನೀಡಲು ಮುಂದಾಗಿದ್ದು ಈ ತಿಂಗಳಲ್ಲೇ ಕೆಎಸ್‌ಆರ್‌ಟಿಸಿ, ಬಿಎಂಟಿಸಿ ಸೇರಿದಂತೆ ನಾಲ್ಕು ಸಾರಿಗೆ ನಿಗಮಗಳ
ಬಸ್ ಟಿಕೆಟ್ ದರ ಏರಿಕೆಗೆ ಸಿದ್ಧತೆ ನಡೆಸಲಾಗಿದ್ದು, ಬಸ್​ ಟಿಕೆಟ್​ ದರ ಏರಿಕೆ ಬಹುತೇಕ ಏರಿಕೆಯಾಗುವ
ಸಾಧ್ಯತೆ ಇದೆ.

Sponsored

ಅತುಲ್ ತಿವಾರಿ ನೇತೃತ್ವದ ದರ ನಿಗದಿ ಸಮಿತಿ ವರದಿ ಸ್ವೀಕರಿಸುವ ಸಾರಿಗೆ ಇಲಾಖೆ, ಮುಂದಿನ ಸಚಿವ ಸಂಪುಟ
ಸಭೆಯಲ್ಲಿ ದರ ಏರಿಕೆಗೆ ಅನುಮತಿ ಪಡೆಯುವ ಸಾಧ್ಯತೆ ಇದೆ ಎನ್ನಲಾಗಿದೆ. ಇನ್ನು, 2025-26ನೇ ಸಾಲಿನಲ್ಲಿ
ನಾಲ್ಕು ಸಾರಿಗೆ ನಿಗಮಗಳಿಗೆ ₹1,527 ಕೋಟಿ ನಷ್ಟ ಉಂಟಾಗಿದೆ ಎಂಬ ಮಾಹಿತಿ ಸಿಕ್ಕಿದೆ. ನಾಲ್ಕು ನಿಗಮಗಳ
ಆದಾಯ ₹14,991 ಕೋಟಿ ಆಗಿದ್ರೆ, ವೆಚ್ಚ ₹16,519 ಕೋಟಿ ಆಗಿದೆ.

Advertisement

Advertisement

ಕಳೆದ ಮೂರು ವರ್ಷಗಳಿಂದ ಸಾರಿಗೆ ನಿಗಮಗಳಿಗೆ ನಿರಂತರ ನಷ್ಟ ಅನುಭವಿಸುತ್ತಿದೆ. ಡೀಸೆಲ್ ಬೆಲೆ ಏರಿಕೆಯಿಂದ
ನಿಗಮಗಳ ಮೇಲಿನ ಹೆಚ್ಚುವರಿ ಹೊರೆ ಉಂಟಾಗಿದೆ. ಕಳೆದ ಏಳು ತಿಂಗಳಲ್ಲಿ ಡೀಸೆಲ್ ದರ ಲೀಟರ್‌ಗೆ ₹8 ಏರಿಕೆ
ಕಂಡಿದ್ದು, ಡೀಸೆಲ್ ದರ ಏರಿಕೆಯಿಂದ ತಿಂಗಳಿಗೆ ಸುಮಾರು ₹40 ಕೋಟಿ ಹೆಚ್ಚುವರಿ ಹೊರೆ ಅನುಭವಿಸುತ್ತಿದೆ
ಎಂಬ ಮಾಹಿತಿ ಸಿಕ್ಕಿದೆ. ಇದು ಹೀಗೆ ಮುಂದುವರೆದರೆ, ವರ್ಷಕ್ಕೆ ಬರೋಬ್ಬರಿ ₹480 ಕೋಟಿ ಹೊರೆ ಬೀಳುವ
ಸಾಧ್ಯತೆ ಇದೆ ಎನ್ನಲಾಗಿದೆ.

ಕಳೆದ ಜನವರಿಯಲ್ಲೇ ಕೆಎಸ್‌ಆರ್‌ಟಿಸಿ, ಬಿಎಂಟಿಸಿ ಸೇರಿದಂತೆ ನಾಲ್ಕು ನಿಗಮಗಳ ಟಿಕೆಟ್ ದರ ಶೇ.15ರಷ್ಟು
ಏರಿಕೆಯಾಗಿತ್ತು, ಇದೀಗ ಮತ್ತೆ ದರ ಏರಿಕೆ ಬಗ್ಗೆ ಈಗಾಗಲೇ ಸಿಎಂ ಹಾಗೂ ಸಾರಿಗೆ ಸಚಿವರಿಗೆ ಅಧಿಕಾರಿಗಳಿಂದ
ಮನವಿ ಮಾಡಿದ್ದು, ಮತ್ತೊಮ್ಮೆ ದರ ಏರಿಕೆಯಾದರೆ ಪ್ರಯಾಣಿಕರ ಜೇಬಿಗೆ ಕತ್ತರಿ ಬೀಳಲಿದೆ.

Advertisement