# Blood moon Lunar eclipse: ಇಂದು ವರ್ಷದ ಕೊನೆಯ ಗ್ರಹಣ; ಮಧ್ಯಾಹ್ನವೇ ದೇವಾಲಯಗಳು ಬಂದ್

- Link: https://hosakannada.com/news/today-is-the-last-eclipse-of-the-year-temples-will-be-closed-in-the-afternoon/
- Published: 2025-09-07T11:58:42+00:00
- Author: ಹೊಸಕನ್ನಡ ನ್ಯೂಸ್

Blood moon Lunar eclipse: ಈ ವರ್ಷದ ಎರಡನೇ ಮತ್ತು ಕೊನೆಯ ಚಂದ್ರಗ್ರಹಣ (Blood moon Lunar
eclipse) ಇಂದು ನಡೆಯಲಿದೆ. ಈ ಗ್ರಹಣದ ಎಫೆಕ್ಟ್ ದೇವರಿಗೂ ತಟ್ಟಲಿದ್ದು, ಬೆಂಗಳೂರಿನ ಬಹುತೇಕ ದೇವಾಲಯಗಳು
ಮಧ್ಯಾಹ್ನವೇ ಬಂದ್ ಆಗಲಿವೆ.

Sponsored

ಇಂದು ಭಾರತದಲ್ಲಿ ಚಂದ್ರಗ್ರಹಣ ಸಂಭವಿಸಲಿದ್ದು, ಈ ಹಿನ್ನೆಲೆಯಲ್ಲಿ ಬೆಂಗಳೂರಿನ ಬಹುತೇಕ ದೇವಾಲಯಗಳು
ಮಧ್ಯಾಹ್ನವೇ ಕ್ಲೋಸ್ ಆಗಲಿವೆ. ನಗರದ ಪ್ರಸಿದ್ಧ ದೇಗುಲಗಳ ಸಮಯವೂ ಬದಲಾವಣೆಯಾಗಲಿದೆ. ನಗರದ ಗವಿಪುರಂನ
ಗವಿಗಂಗಾಧರೇಶ್ವರ ದೇವಾಲಯ ಇಂದು ಬೆಳಗ್ಗೆ 11 ಗಂಟೆಗೆ ಬಂದ್ ಆಗಲಿದ್ದು, ಗ್ರಹಣಕ್ಕೂ ಮೊದಲೇ ಸುಮಾರು
6 ಗಂಟೆ ದೇವಾಲಯ ಬಂದ್ ಆಗಲಿದೆ. ಗ್ರಹಣದ ಮರುದಿನ ಸೋಮವಾರ ಬೆಳಗ್ಗೆ 6 ಗಂಟೆಗೆ ಶುದ್ಧೀಕರಣ, ಪುಣ್ಯ
ಮಾಡಿ ದರ್ಶನ ವ್ಯವಸ್ಥೆ ಮಾಡಲಾಗಿದೆ.

Advertisement

Advertisement

ಇನ್ನೂ, ಗ್ರಹಣದ ದಿನ ಅಂದ್ರೆ ಇಂದು ಬನಶಂಕರಿ ದೇವಿ ಜನ್ಮದಿನೋತ್ಸವವಿದ್ದು, ಸಂಜೆ 4 ಗಂಟೆಯವರೆಗೆ
ಚಂಡಿಕಾ ಹೋಮ ಸೇರಿದಂತೆ ದೇವಿಗೆ ವಿಶೇಷ ಅಲಂಕಾರ ಮಾಡಲಾಗುತ್ತದೆ. ರಾಹುಕಾಲದ ಪೂಜೆ ಮುಗಿಸಿ 6 ಗಂಟೆಗೆ
ದೇವಾಲಯದ ಎಲ್ಲಾ ಕಡೆ ದರ್ಬೆ ಇಟ್ಟು ಬಾಗಿಲು ಕ್ಲೋಸ್ ಮಾಡಲಾಗಿದೆ. ಮರುದಿನ ಬೆಳಗ್ಗೆ 5 ಗಂಟೆಗೆ ದೇವಾಲಯ
ಶುದ್ಧೀಕರಣ ಮಾಡಿ, ಬೆಳಗ್ಗೆ 6 ಗಂಟೆಯಿಂದ ಭಕ್ತರಿಗೆ ದೇವಿ ದರ್ಶನಕ್ಕೆ ಅವಕಾಶ ನೀಡಲಾಗಿದೆ.

ನಗರದ ಕಾಡುಮಲ್ಲೇಶ್ವರ ದೇವಾಲಯ, ಮಧ್ಯಾಹ್ನ 12:30ಕ್ಕೆ ಕ್ಲೋಸ್ ಆಗಲಿದೆ. ನಾಳೆ ಅಂದರೇ ಸೋಮವಾರ ಬೆಳಿಗ್ಗೆ
4 ಗಂಟೆಗೆ ದೇವಾಲಯ ಒಪನ್ ಆಗಲಿದ್ದು, ಶುದ್ಧೀಕರಣ ಕಾರ್ಯ, ನಂತರ ಗ್ರಹಣ ಶಾಂತಿಗಾಗಿ ರುದ್ರ ಹೋಮ, 
ಪ್ರಸಾದ ಸೇವೆಯಿದೆ.

ನಗರದ ಗಾಳಿ ಆಂಜನೇಯ ದೇವಸ್ಥಾನ ಇಂದು ಮಧ್ಯಾಹ್ನ 3 ಗಂಟೆಗೆ ಕ್ಲೋಸ್ ಆಗಲಿದ್ದು, ದೇವಾಲಯವನ್ನ ದರ್ಬೆ
ಹಾಕಿ ಮುಚ್ಚಲಾಗಿದೆ. ನಾಳೆ ಬೆಳಗ್ಗೆ 4ಕ್ಕೆ ಗ್ರಹಣ ಮುಕ್ತಿ ಶುಚಿತ್ವ ಕಾರ್ಯ ನಡೆಸಲಿದ್ದು, 6 ಗಂಟೆಯ
ನಂತರ ಭಕ್ತರಿಗೆ ದೇವರ ದರ್ಶನಕ್ಕೆ ವ್ಯವಸ್ಥೆ ಮಾಡಲಾಗಿದೆ.

[ಇದನ್ನೂ ಓದಿ:ಟ್ರಾಫಿಕ್ ಫೈನ್’ಗೆ 50% ಡಿಸ್ಕೌಂಟ್ ಆಫರ್: ಕೊನೆಯ ದಿನಾಂಕ ಗಮನಿಸಿ](https://hosakannada.com/2025/09/07/50-percent-iscount-offer-on-traffic-fines-note-the-last-date/)

ಇನ್ನು ಅಣ್ಣಮ್ಮ ದೇವಿ ದೇವಾಲಯದಲ್ಲಿ ಹುಣ್ಣುಮೆಯ ದಿನ ವಿಶೇಷ ಪೂಜೆಯಿದ್ದು, ಸಂಜೆ 8 ಗಂಟೆಗೆ ದೇವಾಲಯ
ಬಂದ್ ಆಗಲಿದೆ. ಅದಕ್ಕಿಂತ ಮೊದಲೇ 7:30ಕ್ಕೆ ಮಹಾ ಮಂಗಳಾರತಿ ಮಾಡಿ, ದರ್ಬೆ ಹಾಕಿ ದೇವಸ್ಥಾನ ಕ್ಲೋಸ್
ಮಾಡಲಾಗಿದೆ.

ಬಂಡೆ ಮಹಾಕಾಳಿ ದೇವಾಲಯ ಭಾನುವಾರ ಬೆಳಗ್ಗೆ 6 ಗಂಟೆಯಿಂದ ಸಂಜೆ 7ರವರೆಗೆ ಮಾತ್ರ ಓಪನ್ ಇರಲಿದೆ. ಸಂಜೆ
ವಿಶೇಷ ಪೂಜೆ ಮಾಡಿ ದೇವಾಲಯ ಕ್ಲೋಸ್ ಆಗಲಿದೆ.

Advertisement