# ಚಲಿಸುವ ಲಿಫ್ಟ್ ನಲ್ಲಿ ತಲೆ ಸಿಲುಕಿ ಉದ್ಯೋಗಿ ದಾರುಣ ಸಾವು

- Link: https://hosakannada.com/news/thiruvananthapuram-man-dies-after-head-gets-stuck-between-lift-doors/
- Published: 2022-05-11T15:15:22+00:00
- Author: ಹೊಸಕನ್ನಡ ನ್ಯೂಸ್

ಲಿಫ್ಟ್ ನಲ್ಲಿ ಸರಕುಗಳನ್ನು ಸಾಗಿಸುವಾಗ ವ್ಯಕ್ತಿಯೋರ್ವನ ತಲೆ ಲಿಫ್ಟ್ ಬಾಗಿಲಿನ ಮಧ್ಯೆ ಸಿಲುಕಿಕೊಂಡು,
ಮೃತಪಟ್ಟ ದಾರುಣ ಘಟನೆಯೊಂದು ತಿರುವನಂತಪುರದಲ್ಲಿ ನಡೆದಿದೆ.

Sponsored

ನೇಮೊಮ್ ನಿವಾಸಿ ಸತೀಶ್ ಕುಮಾರ್(54) ಎಂಬಾತನೇ ಈ ಅವಘಡಕ್ಕೆ ಸಿಲುಕಿ ಮೃತನಾದ ವ್ಯಕ್ತಿ.
ಅಂಬಲಮುಕ್ಕಿನಲ್ಲಿರುವ
ಸ್ಯಾನಿಟರಿ ಅಂಗಡಿಯಲ್ಲಿ ಉದ್ಯೋಗಿಯಾಗಿದ್ದ ಸತೀಶ್ ಕುಮಾರ್ ಅವರು ನೆಲಮಹಡಿ ಮತ್ತು 4ನೇ ಮಹಡಿ ನಡುವಿನ
ಕಾರ್ಗೋ ಲಿಫ್ಟ್ ನಲ್ಲಿ ಸರಕುಗಳನ್ನು ಸಾಗಿಸುತ್ತಿದ್ದ ವೇಳೆ ಈ ಘಟನೆ ನಡೆದಿದೆ. ಸತೀಶ್ ಕುಮಾರ್ ಕಳೆದ
ಕೆಲವು ವರ್ಷಗಳಿಂದ ಈ ಅಂಗಡಿಯಲ್ಲಿ ಉದ್ಯೋಗಿಯಾಗಿದ್ದರು. ಅವರು ಒಬ್ಬರೇ ಲಿಫ್ಟ್‌ನಲ್ಲಿದ್ದಾಗ ಈ ಘಟನೆ
ಸಂಭವಿಸಿದೆ.

Advertisement

Advertisement

ಎಷ್ಟೊತ್ತಾದರೂ ಸತೀಶ್ ಕುಮಾರ್ ಬರದಿದ್ದನ್ನು ನೋಡಿದ ಇತರ ಸಿಬ್ಬಂದಿ ಸಂಶಯಗೊಂಡು ಲಿಫ್ಟ್ ನ ಹತ್ತಿರ
ಬಂದಾಗ ಈ ಘಟನೆ ಬೆಳಕಿಗೆ ಬಂದಿದೆ.

ತಿರುವನಂತಪುರಂ ಘಟಕದ ಅಗ್ನಿಶಾಮಕ ದಳದ ಅಧಿಕಾರಿಗಳ ಪ್ರಕಾರ, ಲಿಫ್ಟ್‌ನಲ್ಲಿದ್ದಾಗ ಏನನ್ನೋ ಪರೀಕ್ಷಿಸಲು
ಆತ ಕುತ್ತಿಗೆಯನ್ನು ಹೊರಗೆ ಹಾಕಿರಬಹುದು. ಈ ಸಮಯದಲ್ಲಿ ಲಿಫ್ಟ್ ಆತನ ಕುತ್ತಿಗೆಗೆ ಸಿಲುಕಿಕೊಂಡಿದೆ.
ಅಗ್ನಿ ಶಾಮಕ ದಳದ ತಂಡ ಲಿಫ್ಟ್‌ನಿಂದ ಹೊರ ತೆಗೆಯುವ ವೇಳೆಗೆ ಆತ ಸಾವನ್ನಪ್ಪಿದ್ದನು ಎಂದು ತಿಳಿಸಿದ್ದಾರೆ.

Advertisement