# Viral Video : ಕೋಳಿ, ಕುರಿ ಅಲ್ಲಾ ಗುರೂ… ಒಂಟೆಯ ಕೈಕಾಲು ಕಟ್ಟಿ ಲಗೇಜ್ ರೀತಿ ಬೈಕ್ ನಲ್ಲಿ ಸಾಗಿಸಿದ ಕಿರಾತಕರು!! ವಿಡಿಯೋ ವೈರಲ್, ನೆಟ್ಟಿಗರು ಕಿಡಿ ಕಿಡಿ

- Link: https://hosakannada.com/news/thieves-tie-camel-s-legs-and-transport-it-on-a-bike-like-luggage-video-goes-viral/
- Published: 2024-12-06T15:47:52+00:00
- Author: ಹೊಸಕನ್ನಡ ನ್ಯೂಸ್

Viral Video : ನಾವು ಬೈಕಿನಲ್ಲಿ ಹೋಗುವಾಗ ಒಮ್ಮೊಮ್ಮೆ ನಮ್ಮ ಜೊತೆಗೆ ಕೋಳಿ, ಕುರಿ, ಮೇಕೆಗಳನ್ನು
ಹಿಡಿದುಕೊಂಡು ಹೋಗುತ್ತೇವೆ. ಹಳ್ಳಿ ಭಾಗಗಳಲ್ಲಿ ಇದು ಸಾಮಾನ್ಯ ವಿಚಾರ. ಆದರೆ ಇಲ್ಲೊಂದಿಬ್ಬರು ಆಸಾಮಿಗಳು
ತಮ್ಮ ಬೈಕಿನಲ್ಲಿ ಒಂಟೆಯನ್ನು ಕೂರಿಸಿಕೊಂಡು ಹೋದಂತಹ ವಿಚಿತ್ರ ಘಟನೆ ಬೆಳಕಿಗೆ ಬಂದಿದೆ.

Sponsored

>  
> Advertisement
> Advertisement
> View this post on Instagram
>  
> [A post shared by Jist (@jist.news)](https://www.instagram.com/reel/DDHgMkeP35w/?utm_source=ig_embed&utm_campaign=loading)

ಹೌದು, ಇಬ್ಬರು ವ್ಯಕ್ತಿಗಳು 8-9 ಅಡಿ ಎತ್ತರದ ಒಂಟೆಯನ್ನು ಬೈಕಿನಲ್ಲಿ ಸಾಗಿಸುತ್ತಿರುವ ವಿಡಿಯೋ 
ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ಈ ವಿಡಿಯೋದಲ್ಲಿ ಒಂಟೆಯನ್ನು ಕಟ್ಟಿಹಾಕಿ ಬೈಕಿನಲ್ಲಿ ಸಾಗಿಸುತ್ತಿರುವುದನ್ನು
ಕಾಣಬಹುದು. ಒಂಟೆ ತಕಿರುಚಾಡುತ್ತಾ ಬೈಕ್ ನಲ್ಲಿ ಕಾಲುಮುದುರಿಕೊಂಡು ಈ ಇಬ್ಬರು ಅಸಾಮಿಗಳ ನಡುವೆ ಕೂತಿದೆ.
ಈ ಕೃತ್ಯದ ವಿರುದ್ಧ ಸಾಮಾಜಿಕ ಮಾಧ್ಯಮ ಬಳಕೆದಾರರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.

ವೈರಲ್ ವಿಡಿಯೊ(Viral Video ) ದಲ್ಲಿ, ಇಬ್ಬರು ಬೈಕ್‍ನಲ್ಲಿ ಒಂಟೆಯೊಂದರ ಕಾಲುಗಳನ್ನು ಕಟ್ಟಿಕೊಂಡು
ಕೂರಿಸಿದ್ದಾರೆ. ಹಿಂದೆ ಕುಳಿತ ವ್ಯಕ್ತಿ ಒಂಟೆಯನ್ನು ಗಟ್ಟಿಯಾಗಿ ಹಿಡಿದುಕೊಂಡಿದ್ದಾನೆ. ಬೈಕ್ ಮುಂದೆ
ಸಾಗುವಾಗ ಒಂಟೆ ಕೂಗುತ್ತಾ ಸವಾರಿ ಮಾಡಿದೆ. ಈ ಅಸಾಮಾನ್ಯ ದೃಶ್ಯವನ್ನು ಕಂಡು ದಾರಿಹೋಕರು ಆಶ್ಚರ್ಯಗೊಂಡಿದ್ದಾರೆ.
ಒಂಟೆಯನ್ನು ಬೈಕ್‍ನಲ್ಲಿ ಕಟ್ಟಿಕೊಂಡು ಸಾಗಿಸುವುದು ನಂಬಲಾಗದ ವಿಚಾರವಾಗಿದೆ. ಹಾಗಾಗಿ ಈ ದೃಶ್ಯ ಎಲ್ಲರಿಗೂ
ವಿಚಿತ್ರವಾಗಿ ಕಂಡಿದೆ.

ಈ ವಿಡಿಯೊ ಸೋಶಿಯಲ್ ಮೀಡಿಯಾದಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗಿದೆ. ಈ ವಿಡಿಯೊಗೆ ಅನೇಕರು ನಾನಾ ಬಗೆಯ
ಕಮೆಂಟನ್ನು ಮಾಡಿದ್ದಾರೆ. ಪ್ರಾಣಿ ಹಿಂಸೆ ಮಾಡುತ್ತಿರುವುದಕ್ಕೆ ಕೆಲವರು ಮರುಗಿದರೆ ಮತ್ತೆ ಕೆಲವರು
ಪ್ರಾಣಿ ದಯಾ ಸಂಘಕ್ಕೆ ಕಂಪ್ಲೇಂಟ್ ನೀಡಿ ಕಮೆಂಟಿಸಿದ್ದಾರೆ.

Advertisement