# ಬರಿಗಾಲಿನಲ್ಲೇ ನಡೆದಂತೆ ಕಾಣುವ ಈ ಚಪ್ಪಲಿ ಬೆಲೆ ₹2.7 ಲಕ್ಷ!

- Link: https://hosakannada.com/news/these-slippers-that-look-like-they-were-worn-barefoot-cost-2-7-lakh/
- Published: 2026-09-02T14:40:20+00:00
- Author: ಹೊಸಕನ್ನಡ ನ್ಯೂಸ್

ಕಾಲ ಬದಲಾದಂತೆ ಫ್ಯಾಶನ್ ಲೋಕದಲ್ಲಿ ಹೊಸ ಹೊಸ ರೀತಿಯ ಉತ್ಪನ್ನಗಳು ಮನುಷ್ಯರ ಬದುಕಿಗೆ ಎಂಟ್ರಿ ಕೊಡುತ್ತಿವೆ.
ಕೆಲವು ಉತ್ಪನ್ನಗಳನ್ನು ಜನರು ಬಾರಿ ಮೆಚ್ಚಿಕೊಂಡರೆ ಮತ್ತೆ ಕೆಲವನ್ನು ಚರ್ಚಾತ್ಮಕ ವಿಷಯವಾಗಿ ನೋಡುತ್ತಾರೆ.
ಇದೀಗ ಐಷಾರಾಮಿ ಫ್ಯಾಶನ್ ಬ್ರ್ಯಾಂಡ್ ಚಾನೆಲ್ ಪರಿಚಯಿಸಿರುವ ವಿಭಿನ್ನ ವಿನ್ಯಾಸದ ಸ್ಯಾಂಡಲ್ಸ್ ಸಾಮಾಜಿಕ
ಜಾಲತಾಣದಲ್ಲಿ ಗಮನ ಸೆಳೆಯುತ್ತಿದೆ.

Sponsored

ಫ್ಯಾಶನ್ ಶೋನಲ್ಲಿ ಚಾನೆಲ್‌ನ ವಿಶಿಷ್ಟ ಸ್ಯಾಂಡಲ್ಸ್‌ ಧರಿಸಿ ಮಾಡೆಲ್‌ಗಳು ರ್ಯಾಂಪ್ ವಾಕ್ ಮಾಡಿದರು.
ಈ ಸ್ಯಾಂಡಲ್ಸ್‌ಗಳ ವಿಶೇಷತೆ ಎಂದರೆ, ಸಾಮಾನ್ಯ ಚಪ್ಪಲಿಗಳಂತೆ ಕಾಲಿನ ಮುಂಭಾಗವನ್ನು ಸಂಪೂರ್ಣವಾಗಿ
ಮುಚ್ಚುವುದಿಲ್ಲ. ಕಾಲಿನ ಹಿಂಭಾಗಕ್ಕೆ ಮಾತ್ರ ಬೆಂಬಲ ನೀಡುವ ಈ ವಿನ್ಯಾಸದಿಂದಾಗಿ, ಮುಂಭಾಗದಿಂದ ನೋಡಿದಾಗ
ಮಾಡೆಲ್‌ಗಳು ಬರಿಗಾಲಿನಲ್ಲಿ ನಡೆದಂತೆ ಕಾಣುತ್ತಿದ್ದರು. ಈ ವಿಭಿನ್ನ ವಿನ್ಯಾಸ ಈಗ ಫ್ಯಾಶನ್ ಪ್ರಿಯರ
ಗಮನ ಸೆಳೆದಿರುವುದರ ಜೊತೆಗೆ, ಇದರ ಬೆಲೆ ಕೂಡ ಭಾರಿ ಚರ್ಚೆಗೆ ಕಾರಣವಾಗಿದೆ. ಕಾರಣ ‘ಬೇರ್‌ಫೂಟ್’ 
ಸ್ಯಾಂಡಲ್ಸ್‌ನ ಬೆಲೆ ಬರೋಬ್ಬರಿ ₹2.7 ಲಕ್ಷದಷ್ಟಿರುವುದು!!

Advertisement

Advertisement

 

 ದೊಡ್ಡ ದೊಡ್ಡ ಬ್ರಾಂಡ್ಗಳ ಚಪ್ಪಲಿಗಳಿಗೆ ಲಕ್ಷಗಟ್ಟಲೆ ಇರುವುದು ಹೊಸ ವಿಚಾರ ಏನಲ್ಲ. ಆದರೆ ಬಹುತೇಕ
ಭಾಗ ಬರಿಗಾಲಿನಲ್ಲೇ ಇರುವಂತೆ ಕಾಣುವ ಸ್ಯಾಂಡಲ್ಸ್‌ಗೆ ₹2.7 ಲಕ್ಷ ಬೆಲೆ ನಿಗದಿಪಡಿಸಿರುವುದು ನೆಟ್ಟಿಗರಲ್ಲಿ
ಹಲವು ಪ್ರಶ್ನೆಗಳನ್ನು ಹುಟ್ಟುಹಾಕಿದೆ. “ಇಂತಹ ಚಪ್ಪಲಿಗೆ ₹2.7 ಲಕ್ಷ ಏಕೆ ಖರ್ಚು ಮಾಡಬೇಕು?”, “
ಇದನ್ನು ಧರಿಸುವುದಕ್ಕಿಂತ ಬರಿಗಾಲಿನಲ್ಲೇ ನಡೆಯಬಹುದಲ್ಲವೇ?” ಎಂಬ ರೀತಿಯ ಪ್ರತಿಕ್ರಿಯೆಗಳು ಸಾಮಾಜಿಕ
ಜಾಲತಾಣಗಳಲ್ಲಿ ವ್ಯಕ್ತವಾಗುತ್ತಿವೆ.

ಆದರೆ ಫ್ಯಾಶನ್ ಕ್ಷೇತ್ರದ ದೃಷ್ಟಿಯಿಂದ ನೋಡಿದರೆ, ಇಂತಹ ವಿನ್ಯಾಸಗಳ ಹಿಂದಿನ ಉದ್ದೇಶ ಕೇವಲ ಬಳಕೆಗೆ
ಸೀಮಿತವಾಗಿರುವುದಿಲ್ಲ. ಐಷಾರಾಮಿ ಬ್ರ್ಯಾಂಡ್‌ಗಳು ತಮ್ಮ ಉತ್ಪನ್ನಗಳಲ್ಲಿ ವಿಭಿನ್ನ ವಿನ್ಯಾಸ, ಹೊಸ
ಪರಿಕಲ್ಪನೆ ಮತ್ತು ವಿಶಿಷ್ಟ ಬ್ರ್ಯಾಂಡ್ ಗುರುತನ್ನು ಮೂಡಿಸಲು ಪ್ರಯತ್ನಿಸುತ್ತವೆ. ಉತ್ಪನ್ನದ ಗುಣಮಟ್ಟದ
ಜೊತೆಗೆ ಬ್ರ್ಯಾಂಡ್ ಮೌಲ್ಯ, ವಿನ್ಯಾಸದ ಅಪರೂಪತೆ ಮತ್ತು ಪ್ರತಿಷ್ಠೆಯನ್ನೂ ಬೆಲೆಯ ಭಾಗವಾಗಿ ಪರಿಗಣಿಸಲಾಗುತ್ತದೆ.
ಒಟ್ಟಿನಲ್ಲಿ, ₹2.7 ಲಕ್ಷ ಬೆಲೆಯ ಈ ‘ಬರಿಗಾಲಿನಂತೆ ಕಾಣುವ’ ಸ್ಯಾಂಡಲ್ಸ್‌ಗಳು ಸದ್ಯ ಫ್ಯಾಶನ್ ಜಗತ್ತಿನಲ್ಲಿ
ಹೊಸ ಟ್ರೆಂಡ್‌ಗಿಂತಲೂ ಬೆಲೆ ಮತ್ತು ವಿನ್ಯಾಸದ ಕಾರಣಕ್ಕೆ ಹೆಚ್ಚು ಚರ್ಚೆಯಾಗುತ್ತಿವೆ.

Advertisement