# ಸೌಜನ್ಯ ಪ್ರಕರಣ ಮರುತನಿಖೆ ಆದೇಶ ಅಣ್ಣಪ್ಪ ಕೊಟ್ಟ ತೀರ್ಪು- ಮಹೇಶ್ ಶೆಟ್ಟಿ ತಿಮರೋಡಿ

- Link: https://hosakannada.com/news/the-verdict-delivered-by-nnnappa-ordering-a-re-investigation-into-the-sowjanya-case-mahesh-shetty-thimarodi/
- Published: 2026-09-23T07:42:31+00:00
- Author: ಹೊಸಕನ್ನಡ ನ್ಯೂಸ್

ದಶಕಗಳಿಂದ ಹಾಗೆ ಉಳಿದಿದ್ದ ಧರ್ಮಸ್ಥಳದ ಸೌಜನ್ಯ ಕೊಲೆ ಪ್ರಕರಣದ ಮರು ತನಿಖೆ ನಡೆಸಲು ಸುಪ್ರೀಂ ಕೋರ್ಟ್
ಮಹತ್ವದ ಆದೇಶವನ್ನು ಹೊರಡಿಸಿ ಸರ್ಕಾರಕ್ಕೆ ಮೂರು ತಿಂಗಳ ಗಡುವು ನೀಡಿದೆ. ಸುಪ್ರೀಂ ಕೋರ್ಟ್ ಕೊಟ್ಟ
ಈ ಆದೇಶವು ಅಣ್ಣಪ್ಪ ಸ್ವಾಮಿ ನೀಡಿದ ತೀರ್ಪು ಎಂದು ಸೌಜನ್ಯ ಪರ ಹೋರಾಟಗಾರ ಮಹೇಶ್ ಶೆಟ್ಟಿ ತಿಮರೋಡಿ
ಹೇಳಿದ್ದಾರೆ.

Sponsored

ಖಾಸಗಿವಾಹಿನಿಯೊಂದಿಗೆ ಮಾತನಾಡಿದ ಅವರು, ಸೌಜನ್ಯ ಕೇವಲ ಹೆಣ್ಣಲ್ಲ, ಆಕೆ ಒಂದು ಶಕ್ತಿ. ಸುಪ್ರೀಂ 
ಸುಪರ್ದಿಯಲ್ಲಿ ನಡೆಯುವ ತನಿಖೆಯಿಂದ ಸತ್ಯಕ್ಕೆ ಜಯವಾಗಲಿದೆ. ಸಾಕ್ಷಾತ್ ಅಣ್ಣಪ್ಪ ಸ್ವಾಮಿ, ಮಂಜುನಾಥ
ಸ್ವಾಮಿಯೇ ಬಂದು ಆದೇಶ ಮಾಡಿದಂತಾಗಿದೆ. ನಮ್ಮಲ್ಲಿರುವ ಸಾಕ್ಷ್ಯಗಳನ್ನು ಸುಪ್ರೀಂಕೋರ್ಟ್‌ಗೆ ನೀಡಿದ್ದೇವೆ,
ದಕ್ಷ ಅಧಿಕಾರಿಗಳ ಮೂಲಕ ಪ್ರಕರಣದ ಮರು ತನಿಖೆ ನಡೆಯಲಿ ಎಂದಿದ್ದಾರೆ.

Advertisement

Advertisement

ತನಿಖೆಯಲ್ಲಿ ಲೋಪದೋಷಗಳಿದ್ರೆ ಪ್ರಶ್ನಿಸುವ ಹಕ್ಕು ಸುಪ್ರೀಂ ಕೋರ್ಟ್ ನೀಡಿದೆ. ಹಿಂದಿನ ತನಿಖಾ ಸಂಸ್ಥೆಗಳ
ತನಿಖೆಯಲ್ಲಿ ಪಾರದರ್ಶಕತೆ ಇರಲಿಲ್ಲ, ಪ್ರಾಥಮಿಕ ಹಂತದಲ್ಲಿ ಪೊಲೀಸರು ಸಾಕ್ಷ್ಯ ನಾಶ ಮಾಡಿದ್ದಾರೆ .
ರಾಜ್ಯ ಸರಕಾರ ದಕ್ಷ ಅಧಿಕಾರಿಗಳನ್ನ ಎಸ್‌ಐಟಿಗೆ ನಿಯೋಜಿಸಬೇಕು ಎಂದು ಅವರು ಹೇಳಿದ್ದಾರೆ.

Advertisement
