# Puttur : ಪುತ್ತೂರಲ್ಲಿ ‘ದಿ ಕೇರಳ ಸ್ಟೋರಿ 2’ ಉಚಿತ ಪ್ರದರ್ಶನ- ಪುತ್ತಿಲ ಪರಿವಾರ ಕಾರ್ಯಕರ್ತರಿಗೆ ವಿದೇಶದಿಂದ ಬೆದರಿಕೆ!!

- Link: https://hosakannada.com/news/the-kerala-story-2-free-screening-in-puttur-puttila-parivar-activists-receive-threats-from-abroad/
- Published: 2026-03-07T10:43:25+00:00
- Author: ಹೊಸಕನ್ನಡ ನ್ಯೂಸ್

Puttur : ‘ದಿ ಕೇರಳ ಸ್ಟೋರಿ -2’ ಇಡೀ ದೇಶಾದ್ಯಂತ ಸಂಚಲನವನ್ನು ಸೃಷ್ಟಿಸಿದೆ. ಸಿನಿಮಾದ ವಿರುದ್ಧ
ಕೆಲವು ಸಮುದಾಯಗಳು ಆಕ್ರೋಶವನ್ನು ವ್ಯಕ್ತಪಡಿಸಿದ್ದರು ಕೂಡ, ಹಿಂದೂ ಪರ ಸಂಘಟನೆಗಳು ಇದನ್ನು ಉಚಿತವಾಗಿ
ಪ್ರದರ್ಶಿಸುತ್ತಿವೆ. ಅಂತೆಯೇ ಇದೀಗ ಕರಾವಳಿಯ ಪುತ್ತಿಲ ಪರಿವಾರವು ‘ದಿ ಕೇರಳ ಸ್ಟೋರಿ 2’ ಉಚಿತ ಪ್ರದರ್ಶನ
ಆಯೋಜಿಸಿದ್ದು, ಇದನ್ನು ಮಾಡದಂತೆ ಕಾರ್ಯಕರ್ತರಿಗೆ ವಿದೇಶದಿಂದ ಬೆದರಿಕೆ ಕರೆ ಬಂದಿರುವ ಆರೋಪ ಕೇಳಿ
ಬಂದಿದೆ.

Sponsored

ಪುತ್ತೂರಿನ ಜಿಎಲ್ ಒನ್ ಮಾಲ್‌ನಲ್ಲಿ ಸೀತಾ ಪರಿವಾರ ಸಂಘಟನೆಯಿಂದ 16 ರಿಂದ 22 ವರ್ಷದ ಕಾಲೇಜು ವಿದ್ಯಾರ್ಥಿನಿಯರಿಗೆ
ಉಚಿತವಾಗಿ ಸಿನಿಮಾ ಪ್ರದರ್ಶನ ನೀಡುವ ವ್ಯವಸ್ಥೆ ಮಾಡಲಾಗಿತ್ತು. ಗುರುವಾರ ಸಂಜೆ ಮೂರು ಪ್ರದರ್ಶನಗಳನ್ನು
ಆಯೋಜಿಸಲಾಗಿದ್ದು, ಇದಕ್ಕೆ ಬಿಜೆಪಿ ಹಾಗೂ ಹಿಂದು ಸಂಘಟನೆಗಳ ಮುಖಂಡರು ಸಹ ಬೆಂಬಲ ವ್ಯಕ್ತಪಡಿಸಿದ್ದರು.

Advertisement

Advertisement

ಈ ಕಾರ್ಯಕ್ರಮಕ್ಕೆ ಸಂಬಂಧಿಸಿದಂತೆ ಸಾಮಾಜಿಕ ಜಾಲತಾಣಗಳಲ್ಲಿ ಕೆಲವು ಸಂದೇಶಗಳು ವೈರಲ್ ಆಗಿದ್ದು, 
ಜಿಎಲ್ ಒನ್ ಮಾಲ್‌ಗೆ ಮುಸ್ಲಿಂ ಸಮುದಾಯದವರು ಹೋಗಬಾರದು, ಮಾಲ್‌ನ್ನು ಬಹಿಷ್ಕರಿಸುವಂತೆ, ಇನ್ನು ಮುಂದೆ
ಜಿಎಲ್ ಮಾಲ್‌ಗೆ ಹೋಗುವ ಮುಸ್ಲಿಂ ಯುವತಿಯರು ಎಚ್ಚರಿಕೆಯಿಂದಿರಿ ಎಂಬ ಸಂದೇಶಗಳು ಹರಿದಾಡಿವೆ. 

ಈ ಕುರಿತಂತೆ ಮಾಧ್ಯಮಗಳೊಂದಿಗೆ ಮಾತನಾಡಿದ ಪುತ್ತಿಲ ಪರಿವಾರದ ಅರುಣ್ ಕುಮಾರ್ ಪುತ್ತಿಲ, ಲವ್ ಜಿಹಾದ್
ಮತ್ತು ಮತಾಂತರ ಕುರಿತಂತೆ ಇರುವ ಕೇರಳ ಸ್ಟೋರಿ ಸಿನೆಮಾದ ಉಚಿತ ಪ್ರದರ್ಶನಕ್ಕೆ ಮಹಿಳೆಯರಿಗೆ ಮಾಲ್
ನಲ್ಲಿ ಅವಕಾಶ ಕಲ್ಪಿಸಲಾಗಿತ್ತು. ಸಿನೆಮಾದ ಟಿಕೆಟ್ ಬುಕ್ಕಿಂಗ್ ಗಾಗಿ ಪೋಸ್ಟರ್ ಗಳನ್ನು ಡಿಸೈನ್ 
ಮಾಡಲಾಗಿತ್ತು, ಅದರಲ್ಲಿ ಪುತ್ತಿಲ ಪರಿವಾರದ ಮಹಿಳೆಯರ ನಂಬರ್ ಗಳನ್ನು ಹಾಕಲಾಗಿತ್ತು. ಈ ನಂಬರ್ ಗಳಿಗೆ
ವಿದೇಶದಿಂದ ಕರೆ ಮಾಡಿ ಅವಾಚ್ಯ ಶಬ್ದಗಳಿಂದ ನಿಂದನೆ ಮಾಡಿ ಬೆದರಿಕೆ ಹಾಕಿದ್ದಾರೆ ಎಂದು  ಆರೋಪಿಸಿದ್ದಾರೆ.
ವಿದೇಶದಿಂದ ಕರೆ ಮಾಡಿ ಬೆದರಿಕೆ ಹಾಕಿದ್ದಾರೆ. ಅಲ್ಲದೆ ಈ ಬಗ್ಗೆ ಪೊಲೀಸ್ ಇಲಾಖೆ ಗಮನಿಸಬೇಕು, ಈ 
ಬೆದರಿಕೆಗೆ ನಾವು ಜಗ್ಗಲ್ಲ, ಮುಂದೆ ಕೂಡ ಜಾಗೃತಿ ಕೆಲಸ ಮುಂದುವರೆಯುತ್ತೆ ಎಂದ ಪುತ್ತಿಲ ಹೇಳಿದ್ದಾರೆ.

Advertisement