# ಬಸ್ಸಿನ ಛಾವಣಿಗಿಂತ ಎತ್ತರವಿದ್ದ ಕಂಡಕ್ಟರ್​- ಕೆಲಸವನ್ನೇ ಬದಲಿಸಿದ ಸಾರಿಗೆ ಇಲಾಖೆ

- Link: https://hosakannada.com/news/the-conductor-who-was-taller-than-the-roof-of-the-bus-the-transport-department-changed-his-job/
- Published: 2026-05-06T12:49:41+00:00
- Author: ಹೊಸಕನ್ನಡ ನ್ಯೂಸ್

ಕಂಡಕ್ಟರ್ ಒಬ್ಬರು ಬಸ್ಸಿನ ಮೇಲ್ಚಾವಣಿಗಿಂತ ಎತ್ತರವಿದ್ದ ಕಾರಣ ನಿರಂತರ ಅವರಿಗೆ ಬೆನ್ನು ಮತ್ತು 
ಕುತ್ತಿಗೆಯ ನೋವು ಕಾಡುತ್ತಿತ್ತು. ಹೀಗಾಗಿ ತೆಲಂಗಾಣ ಸಾರಿಗೆ ಇಲಾಖೆ ಕರುಣೆ ಕೆಲಸವನ್ನೇ ಬದಲಿಸಿದೆ.

Sponsored

ಯಸ್, ಸುಮಾರು 198 ಸೆಂಟಿಮೀಟರ್ (6 ಅಡಿ 6 ಇಂಚು) ಎತ್ತರವಿರುವ ಕಂಡಕ್ಟರ್ ಅಮೀನ್ ಅಹ್ಮದ್ ಅನ್ಸಾರಿ
ಅವರಿಗೆ ಬಸ್ಸಿನ ಒಳಗಿನ ಇಕ್ಕಟ್ಟಾದ ಜಾಗದಲ್ಲಿ ಕೆಲಸ ಮಾಡುವುದು ಒಂದು ದೊಡ್ಡ ಶಿಕ್ಷೆಯಾಗಿತ್ತು. 
ಬಸ್ಸಿನ ಒಳಗೆ ನೇರವಾಗಿ ನಿಲ್ಲಲು ಸಾಧ್ಯವಾಗದ ಕಾರಣ, ಅವರು ಸದಾ ಕುತ್ತಿಗೆ ಬಗ್ಗಿಸಿಯೇ ಟಿಕೆಟ್ ನೀಡಬೇಕಿತ್ತು.
ಈ ಕಾರಣದಿಂದಾಗಿ ಅವರು ತೀವ್ರವಾದ ಕುತ್ತಿಗೆ ಮತ್ತು ಬೆನ್ನು ನೋವಿನಿಂದ ಬಳಲುತ್ತಿದ್ದರು. ಏಪ್ರಿಲ್
28 ರಂದು ಅವರ ತಾತ್ಕಾಲಿಕ ಬದಲಿ ಕರ್ತವ್ಯದ ಅವಧಿ ಮುಗಿದು ಮತ್ತೆ ಬಸ್ಸಿಗೆ ಮರಳಿದಾಗ, ಅವರ ನೋವು 
ಉಲ್ಬಣಿಸಿತ್ತು.

Advertisement

Advertisement

ಅನ್ಸಾರಿ ಅವರ ಈ ವಿಶೇಷ ಪರಿಸ್ಥಿತಿಯನ್ನು ಗಮನಿಸಿದ ತೆಲಂಗಾಣ ರಾಜ್ಯ ರಸ್ತೆ ಸಾರಿಗೆ ನಿಗಮವು (TGSRTC),
ಮೇ 5 ರಂದು ಹೈದರಾಬಾದ್‌ನ ಬಸ್ ಭವನದಿಂದ ಅನ್ಸಾರಿ ಅವರಿಗೆ ಅವರ ಎತ್ತರಕ್ಕೆ ಪೂರಕವಾದ ಕರ್ತವ್ಯವನ್ನು
ಮರು ನಿಯೋಜಿಸಲಾಗಿದೆ. ಇನ್ನು ಮುಂದೆ ಅವರನ್ನು ಬಸ್ ಪಾಸ್ ವಿಭಾಗಗಳಲ್ಲಿ ಅಥವಾ ರಾಜೀವ್ ಗಾಂಧಿ ಅಂತಾರಾಷ್ಟ್ರೀಯ
ವಿಮಾನ ನಿಲ್ದಾಣದಂತಹ ಕಚೇರಿ ಆಧಾರಿತ ಕೆಲಸಗಳಲ್ಲಿ ಬಳಸಿಕೊಳ್ಳಲು ನಿರ್ಧರಿಸಲಾಗಿದೆ. ನಿಗಮದ ಈ ಪ್ರಾಯೋಗಿಕ
ನಿರ್ಧಾರವು ಸಾಮಾಜಿಕ ಜಾಲತಾಣಗಳಲ್ಲಿ ವ್ಯಾಪಕ ಮೆಚ್ಚುಗೆಗೆ ಪಾತ್ರವಾಗಿದೆ.

Advertisement
