# ಶಕ್ತಿ ಮತ್ತು ಸಿದ್ಧಾಂತದ ಸಮರ: ಆರ್‌ಎಸ್‌ಎಸ್ ಕುರಿತ ರಾಹುಲ್ ಗಾಂಧಿ ಅವರ ವಿವಾದಾತ್ಮಕ ಹೇಳಿಕೆ

- Link: https://hosakannada.com/news/the-battle-of-power-and-principle-rahul-gandhis-controversial-statement-about-rss/
- Published: 2026-10-21T14:29:09+00:00
- Author: ಹೊಸಕನ್ನಡ ನ್ಯೂಸ್

ಆಡಳಿತಾರೂಢ ಬಿಜೆಪಿಯ ಮೂಲಾಧಾರವಾಗಿರುವ ರಾಷ್ಟ್ರೀಯ ಸ್ವಯಂಸೇವಕ ಸಂಘ (ಆರ್‌ಎಸ್‌ಎಸ್‌) ಮತ್ತು ಕಾಂಗ್ರೆಸ್
ನಾಯಕ ರಾಹುಲ್ ಗಾಂಧಿ ನಡುವಿನ ವಾಕ್ಸಮರ ಸದಾ ಕುತೂಹಲದ ಕೇಂದ್ರಬಿಂದು. ಇತ್ತೀಚೆಗೆ ರಾಹುಲ್ ಗಾಂಧಿ
ಅವರು ಆರ್‌ಎಸ್‌ಎಸ್ ಅನ್ನು “ಪುರುಷ ಪ್ರಾಧ್ಯಾನ್ಯತೆಯ, ಸಂವಿಧಾನ ವಿರೋಧಿ ಪಂಥ” ಎಂದು ತೀವ್ರವಾಗಿ
ಟೀಕಿಸಿರುವುದು ರಾಜಕೀಯ ವಲಯದಲ್ಲಿ ಹೊಸ ಚರ್ಚೆಗೆ ನಾಂದಿ ಹಾಡಿದೆ.
 ​ **ಏನಿದು ವಿವಾದ?** ರಾಹುಲ್
ಗಾಂಧಿ ಅವರು ಆರ್‌ಎಸ್‌ಎಸ್ ಸಂಘಟನೆಯ ರಚನೆ ಹಾಗೂ ಅದರ ಆಂತರಿಕ ಸಿದ್ಧಾಂತವನ್ನು ನೇರವಾಗಿ ಗುರಿಯಾಗಿಸಿದ್ದಾರೆ.
ಈ ಸಂಘಟನೆಯು ಮಹಿಳೆಯರನ್ನು ಸಮಾನರನ್ನಾಗಿ ಕಾಣುವುದಿಲ್ಲ ಹಾಗೂ ಇದು ಕೇವಲ ಪುರುಷರನ್ನು ಮಾತ್ರ ಒಳಗೊಂಡಿರುವ
ಒಂದು ಪಂಥ ಎಂದು ಬಣ್ಣಿಸಿದ್ದಾರೆ. ಸಂವಿಧಾನದ ಮೂಲ ತತ್ವಗಳಾದ ಸಮಾನತೆ ಮತ್ತು ಸ್ವಾತಂತ್ರ್ಯಕ್ಕೆ 
ಈ ಸಿದ್ಧಾಂತ ವಿರುದ್ಧವಾಗಿದೆ ಎಂಬುದು ಅವರ ಮುಖ್ಯ ವಾದ. ಭಾರತದ ರಾಜಕೀಯ ವೇದಿಕೆಯಲ್ಲಿ ಆರ್‌ಎಸ್‌ಎಸ್‌ನ
ಸಾಂಸ್ಥಿಕ ಸ್ವರೂಪದ ಮೇಲೆ ಇಂತಹ ತೀವ್ರ ವಾಗ್ದಾಳಿ ನಡೆಸಿರುವುದು ರಾಜಕೀಯವಾಗಿ ಮಹತ್ವ ಪಡೆದುಕೊಂಡಿದೆ.​**
ಸಿದ್ಧಾಂತಗಳ ಸಂಘರ್ಷ: ಶಿವ-ಶಕ್ತಿ vs ಆರ್‌ಎಸ್‌ಎಸ್** ಆರ್‌ಎಸ್‌ಎಸ್ ಸಿದ್ಧಾಂತದ ವಿರುದ್ಧದ ತಮ್ಮ
ಹೋರಾಟವನ್ನು ಅವರು ಭಾರತೀಯ ಪರಂಪರೆಯ ‘ಶಿವ-ಶಕ್ತಿ’ ಪರಿಕಲ್ಪನೆಗೆ ತಳಕುಹಾಕಿದ್ದಾರೆ. ಆರ್‌ಎಸ್‌ಎಸ್
ಅನ್ನು ಎದುರಿಸುವುದರಲ್ಲಿ ತಮಗೆ ಯಾವುದೇ ಅಂಜಿಕೆ ಇಲ್ಲ, ಬದಲಿಗೆ ಅದೊಂದು ಹೆಮ್ಮೆ ಮತ್ತು ಆನಂದದ 
ವಿಷಯ ಎಂದು ಅವರು ಬಹಿರಂಗವಾಗಿ ಘೋಷಿಸಿದ್ದಾರೆ.

Sponsored

**​ಮಹಿಳಾ ಪ್ರಾತಿನಿಧ್ಯ ಮತ್ತು ರಾಜಕೀಯ ಅಸ್ತ್ರ**
 ಆರ್‌ಎಸ್‌ಎಸ್‌ನ ಸಿದ್ಧಾಂತವನ್ನು ವಿರೋಧಿಸುತ್ತಿರುವ
ಸಂಘಟನೆಯದೇ ಕುಟುಂಬಗಳ ಮಹಿಳೆಯರು ಅಥವಾ ಆ ವಲಯದ ಮಹಿಳೆಯರು ಸಹ ತಮ್ಮ ನೈಜ ರಾಜಕೀಯ ಹೋರಾಟದೊಂದಿಗೆ
ನಿಲ್ಲಲಿದ್ದಾರೆ ಎಂದು ಅವರು ವಿಶ್ವಾಸ ವ್ಯಕ್ತಪಡಿಸಿದ್ದಾರೆ.

Advertisement

Advertisement

 **ರಾಹುಲ್‌ ಗಾಂಧಿ ಈ ಹೇಳಿಕೆಗಳ ವಿರುದ್ಧ ವಾಗ್ದಾಳಿ ಮಾಡಿದ ಮಹಾರಾಷ್ಟ್ರದ ಬಿಜೆಪಿ ಶಾಸಕ ರಾಮ್‌
ಕದಮ್‌, ಅವರಿಗೆ ವಿಷಯದ ಕುರಿತು ಸರಿಯಾದ ಅರಿವಿಲ್ಲ ಎಂದು ಟೀಕಿಸಿದರು. ಅಲ್ಲದೆ ಆರ್‌ಎಸ್‌ಎಸ್‌ನಲ್ಲಿ
ಮಹಿಳಾ ವಿಭಾಗವೊಂದು ಸಕ್ರಿಯವಾಗಿ ಕಾರ್ಯ ನಿರ್ವಹಿಸುತ್ತಿದೆ ಎಂದು ಅವರು ಹೇಳಿದರು.**

 

Advertisement
