# Tejas Express : ದೇಶದ ಮೊದಲ ಖಾಸಗಿ ರೈಲು ‘ತೇಜಸ್’ ಬಗ್ಗೆ ನಿಮಗೆಷ್ಟು ಗೊತ್ತು? ಟಿಕೆಟ್ ಬೆಲೆ, ಸೌಕರ್ಯದ ಬಗ್ಗೆ ಕೇಳಿದ್ರೆ ಸುಸ್ತು ಹೊಡೆಯುತ್ತೀರಾ

- Link: https://hosakannada.com/news/tejas-express-how-much-do-you-know-about-the-countrys-first-private-train-tejas/
- Published: 2025-10-29T11:18:13+00:00
- Author: ಹೊಸಕನ್ನಡ ನ್ಯೂಸ್

Tejas Express : ಭಾರತೀಯ ರೈಲ್ವೆ ಇಲಾಖೆ ಬಗ್ಗೆ ನಿಮಗೆಲ್ಲರಿಗೂ ತಿಳಿದೇ ಇದೆ. ಭಾರತೀಯ ರೈಲ್ವೆ
ಜಾಲವು ವಿಶ್ವದ ಅತಿ ದೊಡ್ಡ ರೈಲ್ವೆ ಜಾಲಗಳಲ್ಲಿ ಒಂದು. ಇದು ಸಂಪೂರ್ಣವಾಗಿ ಕೇಂದ್ರ ಸರ್ಕಾರದ ಅಧೀನದಲ್ಲಿ
ಇರುತ್ತದೆ. ಆದರೆ ಭಾರತದಲ್ಲಿ ಖಾಸಗಿ ರೈಲು ಒಂದು ಇದೆ ಎಂಬುದು ನಿಮಗೆ ಗೊತ್ತಾ? ಅದರ ಬಗ್ಗೆ ಏನಾದರೂ
ತಿಳಿದುಕೊಂಡಿದ್ದೀರಾ? ಅದರ ಟಿಕೆಟ್ ದರದ ಬಗ್ಗೆ ಏನಾದರೂ ಮಾಹಿತಿ ಇದೆಯಾ? ಅದೆಲ್ಲದರ ಕಂಪ್ಲೀಟ್ ಡಿಟೇಲ್ಸ್
ಇಲ್ಲಿದೆ ನೋಡಿ.

Sponsored

ದೇಶದ ಮೊದಲ ಖಾಸಗಿ ರೈಲು 2019 ರಲ್ಲಿ ಪ್ರಾರಂಭವಾಯಿತು. ಈ ಮೊದಲ ಖಾಸಗಿ ರೈಲಿಗೆ ‘ತೇಜಸ್ ಎಕ್ಸ್‌ಪ್ರೆಸ್’
ಎಂದು ಹೆಸರಿಡಲಾಯಿತು. ದೇಶದ ಮೊದಲ ಖಾಸಗಿ ರೈಲು ದೆಹಲಿ-ಲಕ್ನೋ ಮಾರ್ಗದಲ್ಲಿ ಓಡಾಡುತ್ತಿದೆ. 2019
ರಲ್ಲಿ ಪ್ರಾರಂಭವಾದ ಈ ತೇಜಸ್ ಎಕ್ಸ್‌ಪ್ರೆಸ್ ರೈಲಿನ ಟಿಕೆಟ್ ಬೆಲೆಗಳು ಇತರ ರೈಲುಗಳಿಗಿಂತ ಹೆಚ್ಚಿದ್ದರೂ,
ಇದು ರೈಲು ಪ್ರಯಾಣಿಕರಿಗೆ ಸೌಕರ್ಯ, ಸರಿಯಾದ ಸಮಯಕ್ಕೆ ತಲುಪುವುದು ಮತ್ತು ಅತ್ಯಾಧುನಿಕ ಸೇವೆಗಳಂತಹ
ಅತ್ಯುತ್ತಮ ಪ್ರಯಾಣದ ಅನುಭವವನ್ನು ಒದಗಿಸುತ್ತದೆ.

Advertisement

Advertisement

ಉತ್ತರ ಭಾರತದ ಅತ್ಯಂತ ಜನನಿಬಿಡ ಮಾರ್ಗಗಳಲ್ಲಿ ಓಡಾಡುವ ರೈಲುಗಳಲ್ಲಿ ಒಂದಾದ ತೇಜಸ್ ಎಕ್ಸ್‌ಪ್ರೆಸ್,
ಪ್ರಯಾಣಿಕರಿಂದ ಅಗಾಧ ಪ್ರತಿಕ್ರಿಯೆಯನ್ನು ಪಡೆಯುತ್ತಿದೆ. ಪ್ರಾರಂಭವಾದ ಒಂದು ತಿಂಗಳೊಳಗೆ, IRCTC
ಸುಮಾರು 7.73 ಲಕ್ಷ ಕೋಟಿ ರೂ. ಕಾರ್ಯಾಚರಣಾ ಆದಾಯವನ್ನು (Operating income) ದಾಖಲಿಸಿದೆ. ಇದು
ಪ್ರೀಮಿಯಂ ಸೇವೆಗಳ ಬೇಡಿಕೆಯನ್ನು ಪ್ರತಿಬಿಂಬಿಸುತ್ತದೆ.

**ತುಂಬಾ ದುಬಾರಿ :**
 ಇತರ ಪ್ರೀಮಿಯಂ ರೈಲುಗಳಿಗಿಂತ ತೇಜಸ್ ಎಕ್ಸ್‌ಪ್ರೆಸ್ ಇನ್ನೂ ಹೆಚ್ಚು ದುಬಾರಿಯಾಗಿದೆ.
ದೆಹಲಿ-ಲಕ್ನೋ ಮಾರ್ಗದಲ್ಲಿ ಈ ತೇಜಸ್ ಎಕ್ಸ್‌ಪ್ರೆಸ್‌ನ ಎಸಿ ಚೇರ್ ಕಾರ್‌ನ ಬೆಲೆ 1,679 ರೂ., ಎಕ್ಸಿಕ್ಯೂಟಿವ್
ಚೇರ್ ಕಾರ್ 2,457 ರೂ. ಅದೇ ಮಾರ್ಗದಲ್ಲಿರುವ ಶತಾಬ್ದಿ ಎಕ್ಸ್‌ಪ್ರೆಸ್ ರೈಲಿನ ಎಸಿ ಚೇರ್ ಕಾರ್ ಬೆಲೆ
1,255 ರೂ. ಮತ್ತು ಎಕ್ಸಿಕ್ಯೂಟಿವ್ ಚೇರ್ ಕಾರ್ ಬೆಲೆ 1,955 ರೂ. ವಂದೇ ಭಾರತ್ ಎಕ್ಸ್‌ಪ್ರೆಸ್ ರೈಲಿನ
ಎಸಿ ಚೇರ್ ಕಾರ್ ಬೆಲೆ 1255 ರೂ. ಎಕ್ಸಿಕ್ಯೂಟಿವ್ ಚೇರ್ ಕಾರ್ ಅನ್ನು ರೂ.2,415 ಎಂದು ನಿಗದಿಪಡಿಸಲಾಗಿದೆ.

**ಸೌಕರ್ಯಗಳು** :
 ತೇಜಸ್ ಒಳಗೆ ಅತ್ಯಾಧುನಿಕ ಸೌಲಭ್ಯಗಳಿವೆ. ರೈಲು ಪ್ರಯಾಣಿಕರಿಗೆ ಉತ್ತಮ ಸೌಕರ್ಯವನ್ನು
ಒದಗಿಸಲು ತೇಜಸ್ ಎಕ್ಸ್‌ಪ್ರೆಸ್‌ನಲ್ಲಿ ಆಧುನಿಕ ಸೌಲಭ್ಯಗಳನ್ನು ಒದಗಿಸಲಾಗಿದೆ. ಹವಾನಿಯಂತ್ರಿತ ಕೋಚ್‌ಗಳು,
ಸ್ವಯಂಚಾಲಿತ ಬಾಗಿಲುಗಳು, ಆನ್‌ಬೋರ್ಡ್ ಇನ್ಫೋಟೈನ್‌ಮೆಂಟ್, ವೈ-ಫೈ, ಸಿಸಿಟಿವಿ ಕ್ಯಾಮೆರಾ, ವೈಯಕ್ತಿಕ
ಓದುವ ದೀಪಗಳು ಮತ್ತು ತಿಂಡಿ ಟ್ರೇಗಳನ್ನು ಇರಿಸಲಾಗಿದೆ.

**ವೇಗ :**
 ರೈಲ್ವೆ ಸಚಿವಾಲಯ ಬಹಿರಂಗಪಡಿಸಿದ ವಿವರಗಳ ಪ್ರಕಾರ, ತೇಜಸ್ ಕೋಚ್‌ಗಳನ್ನು ಗಂಟೆಗೆ 200
ಕಿ.ಮೀ. ವೇಗದಲ್ಲಿ ಚಲಿಸುವಂತೆ ವಿನ್ಯಾಸಗೊಳಿಸಲಾಗಿದೆ. ಆದರೂ ರೈಲು ಹಳಿಗಳ ಮಿತಿಗಳಿಂದಾಗಿ, ಅವು 
ಪ್ರಸ್ತುತ ಗಂಟೆಗೆ 160 ಕಿ.ಮೀ ವೇಗದಲ್ಲಿ ಚಲಿಸುತ್ತಿವೆ. ಪಂಜಾಬ್‌ನ ಕಪುರ್ತಲಾದಲ್ಲಿರುವ ರೈಲು ಕೋಚ್
ಕಾರ್ಖಾನೆಯಲ್ಲಿ ನಿರ್ಮಿಸಲಾದ ಈ ಕೋಚ್‌ಗಳು ಸ್ಟೀಲ್ ಬ್ರೇಕ್ ಡಿಸ್ಕ್‌ಗಳಂತಹ ಸುಧಾರಿತ ನಿಯಂತ್ರಣ 
ವ್ಯವಸ್ಥೆಗಳನ್ನು ಹೊಂದಿವೆ.

Advertisement