# SmartPhone new features: ಈ ಮೊಬೈಲ್ ಕೊಂಡುಕೊಂಡ್ರೆ ಯಾವುದೇ ಭಾಷೆಯಲ್ಲೂ ನೀವು ಮಾತಾಡ್ಬೋದು – ಅರೆ ಹೇಗೆ ಅಂತೀರಾ..!?

- Link: https://hosakannada.com/news/technology-news-new-features-this-smartphone-can-translate-any-language-call-into-your-language/
- Published: 2023-11-10T11:10:08+00:00
- Author: ಕಾವ್ಯ ವಾಣಿ

SmartPhone new features: ಜನಪ್ರಿಯ ಮೊಬೈಲ್​ ಕಂಪೆನಿಗಳಲ್ಲಿ ಒಂದಾದ ಸ್ಯಾಮ್​ಸಂಗ್ ತನ್ನ ಕಂಪೆನಿಯಿಂದ
ಹಲವಾರು ಸ್ಮಾರ್ಟ್​​ಫೋನ್​ಗಳನ್ನು ಬಿಡುಗಡೆ ಮಾಡುವ ಮೂಲಕ ಮಾರುಕಟ್ಟೆಯಲ್ಲಿ ಬಹಳಷ್ಟು ಜನಪ್ರಿಯತೆಯನ್ನು
ಪಡೆದುಕೊಂಡಿದೆ. ಇದೀಗ ಮತ್ತೊಂದು ಮಹತ್ವದ ಬೆಳವಣಿಗೆ ಎಂಬಂತೆ ಇದುವರೆಗೆ ಯಾವ ಮೊಬೈಲ್​ ಕಂಪನಿಯು 
ಮಾರುಕಟ್ಟೆಗೆ ತಂದಿರದ ಒಂದು ಹೊಸ ವೈಶಿಷ್ಟ್ಯವನ್ನು (SmartPhone new features) ತರೋಕೆ ಸ್ಯಾಮ್​
ಸಂಗ್ ​ (Samsung) ಕಂಪನಿಯು ಮುಂದಾಗಿದೆ.

Sponsored

ಸ್ಯಾಮ್​ಸಂಗ್​ Galaxy AI ಯನ್ನು ಪರಿಚಯಿಸಿದ್ದು ಈ ಹೊಸ ವೈಶಿಷ್ಟ್ಯವು ಯಾವ ರೀತಿ ಇದೆ ಎಂದರೆ ಮತ್ತೊಬ್ಬರ
ಭಾಷೆ ನಿಮಗೆ ಅರ್ಥವಾಗದೇ ಇದ್ದರೂ ಸಹ ನೀವು ನಿರಾಳವಾಗಿ ಅವರೊಂದಿಗೆ ಮಾತನಾಡಬಹುದಾಗಿದೆ. ಹೆಸರೇ ತಿಳಿಸುವಂತೆ
ಈ ಆಯ್ಕೆಯು ನಿಮಗೆ ಕರೆಯನ್ನು ಅನುವಾದ ಮಾಡಲು ಸಹಾಯ ಮಾಡುತ್ತದೆ. AI ತಂತ್ರಜ್ಞಾನವನ್ನು ಬಳಕೆ ಮಾಡಿಕೊಂಡು
ನೀವು ಬೇರೆ ಭಾಷೆಯ ಕರೆಗಳು ಹಾಗೂ ಮೆಸೇಜ್​ಗಳನ್ನು ನಿಮಗೆ ಗೊತ್ತಿರುವ ಭಾಷೆಗೆ ಅನುವಾದಿಸಿಕೊಳ್ಳಬಹುದಾಗಿದೆ.
ಅಲ್ಲದೇ ಈ ವೈಶಿಷ್ಟ್ಯವು ನಿಮ್ಮ ಡೇಟಾ ಹಾಗೂ ಗೌಪ್ಯತೆಗೆ ಯಾವುದೇ ರೀತಿಯ ತೊಂದರೆಯನ್ನೂ ಉಂಟು ಮಾಡೋದಿಲ್ಲ
ಎಂದು ಸ್ಯಾಮ್​ಸಂಗ್​ ಕಂಪನಿಯು ಮಾಹಿತಿ ನೀಡಿದೆ.

Advertisement

Advertisement

AI ತಂತ್ರಜ್ಞಾನವನ್ನು ಬಳಸಿ ಮೊಬೈಲ್​ ಕರೆಗಳನ್ನು ಅನುವಾದ ಮಾಡುವ ಈ ಹೊಸ ವೈಶಿಷ್ಟ್ಯವು ಶೀಘ್ರದಲ್ಲಿಯೇ
ಗ್ಯಾಲಕ್ಸಿ ಫೋನ್​ ಬಳಕೆದಾರರಿಗೆ ಸಿಗಲಿದೆ ಎನ್ನಲಾಗಿದೆ. ಇದರಿಂದ ನೀವು ಈ ರೀತಿಯ ಕೆಲಸಕ್ಕಾಗಿ ಯಾವುದೋ
ಥರ್ಡ್ ಪಾರ್ಟಿ ಅಪ್ಲಿಕೇಶನ್​ಗಳನ್ನು ಬಳಕೆ ಮಾಡಿ ಗೌಪ್ಯತೆಗಳ ಬಗ್ಗೆ ಅನುಮಾನ ಪಡುವ ಅಗತ್ಯ ಇರೋದಿಲ್ಲ.
ಇದರಿಂದ ನೀವು ನಿಮಗೆ ಗೊತ್ತಿಲ್ಲದ ಭಾಷೆಯನ್ನು ಮಾತನಾಡುವ ವ್ಯಕ್ತಿಯೊಂದಿಗೂ ನಿರಾಳವಾಗಿ ಮಾತನಾಡಬಹುದಾಗಿದೆ.

Galaxy AI 2024 ಆರಂಭದಲ್ಲಿ ಲಾಂಚ್​ಗೊಳ್ಳಲು ಎಲ್ಲಾ ರೀತಿಯ ತಯಾರಿ ನಡೆಸುತ್ತಿದೆ. ಆದರೆ ಸ್ಯಾಮ್​
ಸಂಗ್​ನ ಯಾವ ಫೋನ್​ನಿಂದ ಈ ಸೌಕರ್ಯ ಸಿಗಲಿದೆ ಎಂಬುದರ ಬಗ್ಗೆ ಕಂಪನಿಯು ಇನ್ನೂ ಯಾವುದೇ ಗುಟ್ಟನ್ನೂ
ಬಿಟ್ಟುಕೊಟ್ಟಿಲ್ಲ.

ಇದನ್ನೂ ಓದಿ: [ವಾಟ್ಸಪ್ ಗೆ ಬಂತು ಮತ್ತೊಂದು ಹೊಸ ಅಪ್ಡೇಟ್- ಏನೆಂದು ತಿಳಿದ್ರೆ ಖಂಡಿತಾ ಬೆರಗಾಗ್ತೀರಾ!!](https://hosakannada.com/2023/11/10/technology-news-whatsapp-introduce-new-features-to-protect-ip-address-in-calls/)

Advertisement