# ನೀಟ್ ಪರೀಕ್ಷೆ : ಪ್ರಶ್ನೆಗಳನ್ನು ನೆನಪಿಟ್ಟುಕೊಂಡು ಲೀಕ್ ಮಾಡಿದ ಅಧ್ಯಾಪಕರು – CBI ತನಿಖೆಯಲ್ಲಿ ಸ್ಫೋಟಕ ಸತ್ಯ ಬಹಿರಂಗ!!

- Link: https://hosakannada.com/news/teachers-who-memorized-questions-and-leaked-them-cbi-investigation-reveals-explosive-truth/
- Published: 2026-08-07T09:27:50+00:00
- Author: ಹೊಸಕನ್ನಡ ನ್ಯೂಸ್

ಪ್ರತಿಷ್ಠಿತ ನೀಟ್-ಯುಜಿ 2026ಪರೀಕ್ಷೆಯ ಪ್ರಶ್ನೆಪತ್ರಿಕೆ ಸೋರಿಕೆಯ ಕುರಿತು ಸಿಬಿಐ ತನಿಖೆ ನಡೆಸುತ್ತಿದ್ದು
ಇದೀಗ ಸ್ಪೋಟಕ ಸತ್ಯವೊಂದನ್ನು ಬಹಿರಂಗಪಡಿಸಿದೆ. ಅದೇನೆಂದರೆ ಪ್ರಶ್ನೆಪತ್ರಿಕೆ ಸಿದ್ಧಪಡಿಸುವುದು 
ಮತ್ತು ಅದನ್ನು ಮರಾಠಿಗೆ ಭಾಷಾಂತರಿಸುವ ಎರಡೂ ಜವಾಬ್ದಾರಿಗಳನ್ನು ಒಂದೇ ವ್ಯಕ್ತಿಗಳ ತಂಡಕ್ಕೆ ನೀಡಿದ್ದೇ
ಈ ಅಕ್ರಮಕ್ಕೆ ಪ್ರಮುಖ ಕಾರಣ ಎಂಬುದು ತನಿಖೆಯಿಂದ ತಿಳಿದುಬಂದಿದೆ.

Sponsored

ಪ್ರಶ್ನೆಪತ್ರಿಕೆ ತಯಾರಿಸುವ ಪ್ರಕ್ರಿಯೆಯಲ್ಲಿ ಕೆಮಿಸ್ಟ್ರಿ ಶಿಕ್ಷಕ ಪಿ.ವಿ. ಕುಲಕರ್ಣಿ, ಫಿಸಿಕ್ಸ್
ಶಿಕ್ಷಕಿ ಮನೀಷಾ ಗುರುನಾಥ್ ಮಾಂಧರೆ ಹಾಗೂ ಬಯಾಲಜಿ ಶಿಕ್ಷಕಿ ಮನೀಷಾ ಸಂಜಯ್ ಹವಾಲ್ದಾರ್ ಭಾಗಿಯಾಗಿದ್ದರು.
ಮೇ 3 ರಂದು ನಡೆದ ಪರೀಕ್ಷೆಗಾಗಿ ಪ್ರಶ್ನೆಪತ್ರಿಕೆ ಸಿದ್ಧಪಡಿಸುವ ಮತ್ತು ಮರಾಠಿಗೆ ಅನುವಾದಿಸುವ ಜವಾಬ್ದಾರಿಯನ್ನು
ಈ ಮೂವರಿಗೇ ನೀಡಲಾಗಿತ್ತು. ಇದರಿಂದಾಗಿ ಅಂತಿಮ ಪ್ರಶ್ನೆಪತ್ರಿಕೆಯ ಸಂಪೂರ್ಣ ಮಾಹಿತಿ ಇವರ ಬಳಿಯಲ್ಲೇ
ಇತ್ತು.

Advertisement

Advertisement

ಪ್ರಶ್ನೆಪತ್ರಿಕೆ ಸಿದ್ಧಪಡಿಸುವಾಗ ಇವರನ್ನು ಪ್ರತ್ಯೇಕ ಹಾಗೂ ಭದ್ರತೆಯ ವಾತಾವರಣದಲ್ಲಿ ಇರಿಸಲಾಗಿದ್ದರೂ,
ಪ್ರತಿದಿನ ಸಂಜೆ ಮನೆಗೆ ಹೋಗಲು ಅನುಮತಿ ನೀಡಲಾಗಿತ್ತು. ಇದನ್ನೇ ದುರುಪಯೋಗಪಡಿಸಿಕೊಂಡ ಶಿಕ್ಷಕರು,
ಪರೀಕ್ಷೆಯ ಅಂತಿಮ ಪ್ರಶ್ನೆಗಳನ್ನು ತಮ್ಮ ನೆನಪಿನಲ್ಲೇ ಇಟ್ಟುಕೊಂಡು ಬಂದು ಹೊರಗಡೆ ಪುನಃ ಬರೆದಿದ್ದಾರೆ.
ನಂತರ ತಮ್ಮ ಖಾಸಗಿ ಕೋಚಿಂಗ್ ಕ್ಲಾಸ್‌ಗಳ ಆಯ್ದ ವಿದ್ಯಾರ್ಥಿಗಳಿಗೆ “ಇವು ಅತ್ಯಂತ ಪ್ರಮುಖ ಪ್ರಶ್ನೆಗಳು”
ಎಂದು ಹೇಳಿ ನೀಡಿದ್ದಾರೆ. ಆದರೆ ಇವು ನೀಟ್ ಪರೀಕ್ಷೆಯದ್ದೇ ಪ್ರಶ್ನೆಗಳು ಎಂಬುದನ್ನು ಅವರು ಬಹಿರಂಗಪಡಿಸಿರಲಿಲ್ಲ.

ಅನುವಾದದ ಕರಡು ಕೆಲಸಕ್ಕಾಗಿ ಈ ತಜ್ಞರಿಗೆ ಎನ್‌ಟಿಎ ಗೋಪ್ಯ ವಿಭಾಗದ ಒಳಗೆ ಖಾಲಿ ಕಾಗದದ ಹಾಳೆಗಳನ್ನು
ನೀಡಲಾಗಿತ್ತು. ಕುಲಕರ್ಣಿ ಅವರು ಈ ಹಾಳೆಗಳನ್ನು ಬಳಸಿ ಸಣ್ಣ ಚೀಟಿಗಳನ್ನು ತಯಾರಿಸಿ, ಬ್ರೇಫ್ ಆಗಿ
135 ರಸಾಯನಶಾಸ್ತ್ರದ ಪ್ರಶ್ನೆಗಳು ಮತ್ತು ಉತ್ತರಗಳ ಆಯ್ಕೆಗಳನ್ನು ಬರೆದುಕೊಂಡಿದ್ದರು. ಮತ್ತೋರ್ವ
ಆರೋಪಿ ಮನೀಷಾ ವಾಘಮರೆ ಅವರ ಸಹಾಯದಿಂದ ವಿಶೇಷ ತರಬೇತಿ ತರಗತಿಗಳನ್ನು ಆಯೋಜಿಸಿ, ವಿದ್ಯಾರ್ಥಿಗಳಿಗೆ
ಪ್ರಶ್ನೆಗಳು, ಆಯ್ಕೆಗಳು ಹಾಗೂ ಸರಿಯಾದ ಉತ್ತರಗಳನ್ನು ಡಿಕ್ಟೇಟ್ ಮಾಡಿಕೊಡುತ್ತಿದ್ದರು ಎಂದು ತನಿಖೆಯಿಂದ
ತಿಳಿದುಬಂದಿದೆ. ಕುಲಕರ್ಣಿ ಅವರು ಮಾರ್ಚ್ 31 ರಿಂದ ಏಪ್ರಿಲ್ 2 ರವರೆಗೆ ಮೂರು ಸೆಟ್ ಪ್ರಶ್ನೆಗಳಿಗೆ
ಬ್ಯಾಕ್ ಟ್ರಾನ್ಸ್‌ಲೇಶನ್ ಕೆಲಸ ಮಾಡಿದ್ದರು.

ಕೋಚಿಂಗ್ ಕ್ಲಾಸ್ ವಿದ್ಯಾರ್ಥಿಗಳಿಗೆ ನೀಡಿದ ಈ ಪ್ರಶ್ನೆಗಳ ಜಾಲ ಅಲ್ಲಿಗೇ ನಿಲ್ಲಲಿಲ್ಲ. ಸ್ಥಳೀಯ 
ಬ್ಯೂಟಿಷಿಯನ್ ಕೆಲವು ವಿದ್ಯಾರ್ಥಿಗಳಿಂದ ಈ ಪ್ರಶ್ನೆಗಳನ್ನು ಪಡೆದುಕೊಂಡಿದ್ದಾಳೆ. ಬಳಿಕ ಆ ಪ್ರಶ್ನೆಗಳನ್ನು
ಪ್ರತ್ಯೇಕ ಪೇಪರ್ ಮಾದರಿಯಲ್ಲಿ ಟೈಪ್ ಮಾಡಿ ಧನಂಜಯ್ ಲೋಖಂಡೆ ಎಂಬಾತನಿಗೆ ಮಾರಾಟ ಮಾಡಿದ್ದಾಳೆ. ಲೋಖಂಡೆ
ಹಾಗೂ ಆತನ ಮಧ್ಯವರ್ತಿಗಳ ಜಾಲ ಈ ಪ್ರಶ್ನೆಪತ್ರಿಕೆಯನ್ನು ವಿವಿಧ ರಾಜ್ಯಗಳಲ್ಲಿ ಲಕ್ಷಾಂತರ ರೂಪಾಯಿಗೆ
ಮಾರಾಟ ಮಾಡಿದೆ ಎಂದು ತನಿಖಾಧಿಕಾರಿಗಳು ತಿಳಿಸಿದ್ದಾರೆ.

Advertisement