# ಗೃಹಪ್ರವೇಶಕ್ಕೆ ಮನೆ ಮುಂದೆ ವಂದೇ ಮಾತರಂ ಪೂರ್ಣ ಗೀತೆಯ ಸೆಲ್ಫಿ ಸ್ಪಾಟ್ ಹಾಕಿಸಿದ ಶಿಕ್ಷಕಿ!!

- Link: https://hosakannada.com/news/teacher-posts-selfie-spot-of-full-vande-mataram-song-in-front-of-house-for-housewarming/
- Published: 2026-08-29T07:51:44+00:00
- Author: ಹೊಸಕನ್ನಡ ನ್ಯೂಸ್

ಗೃಹಪ್ರವೇಶವೆಂದರೆ ಅಲ್ಲಿ ಮನೆಗೆ ಸುಂದರವಾಗಿ ಅಲಂಕಾರ ಮಾಡಿ ವಿವಿಧ ಬಗೆಯ ಲೈಟಿಂಗ್ಸ್ ಗಳಿಂದ ಕಂಗೊಳಿಸುವಂತೆ
ಮಾಡಿರುತ್ತಾರೆ. ಆದರೆ ಇನ್ನೊಬ್ಬ ಶಿಕ್ಷಕಿ ತನ್ನ ಮನೆಯ ಗೃಹಪ್ರವೇಶದ ಸಂದರ್ಭದಲ್ಲಿ ಮನೆಯ ಮುಂದೆ 
ಸಂಪೂರ್ಣ ವಂದೇ ಮಾತರಂ ಗೀತೆಯ ಸೆಲ್ಫಿ ಸ್ಪಾಟ್ ಹಾಕಿಸಿ ಸುದ್ದಿಯಾಗುತ್ತಿದ್ದಾರೆ.

Sponsored

ಮೂಲತಃ ಕೊಪ್ಪಳ ಜಿಲ್ಲೆಯ ಸಿದ್ದಾಪುರದವರಾದ ಅನ್ನಪೂರ್ಣ ಸಜ್ಜನ್ ಅವರು ಕಾರಟಗಿ ಸರ್ಕಾರಿ ಶಾಲೆಯಲ್ಲಿ
ಹಿರಿಯ ಶಿಕ್ಷಕಿಯಾಗಿ ಸೇವೆ ಸಲ್ಲಿಸುತ್ತಿದ್ದಾರೆ. ಸಿದ್ದಾಪುರದ ಬಳಿಯ ರವಿನಗರದಲ್ಲಿ ಇತ್ತೀಚೆಗೆ 
ಹೊಸ ಮನೆ ನಿರ್ಮಿಸಿರುವ ಅವರು ಗುರುವಾರ ಗೃಹಪ್ರವೇಶ ಕಾರ್ಯಕ್ರಮ ಆಯೋಜಿಸಿದ್ದರು. ಮನೆಗೆ ಆಗಮಿಸಿದ
ಅತಿಥಿಗಳಿಗೆ ವಂದೇ ಮಾತರಂ ಮಹತ್ವ ತಿಳಿಸುವ ಉದ್ದೇಶದಿಂದ ಮನೆಯ ಮುಂಭಾಗದಲ್ಲಿ ವಂದೇ ಮಾತರಂ ಗೀತೆಯ
ಪೂರ್ಣ ಸಾಲುಗಳನ್ನು ಒಳಗೊಂಡ ಸೆಲ್ಫಿ ಸ್ಪಾಟ್ ನಿರ್ಮಿಸಿದ್ದಾರೆ. ಮನೆ ನೋಡಲು ಬಂದವರು ಸೆಲ್ಫಿ ಸ್ಪಾಟ್
ಕಂಡು ಕುತೂಹಲದಿಂದ ಅಲ್ಲೇ ನಿಂತು ಫೋಟೋ ತೆಗೆಸಿಕೊಂಡರು, ಸೆಲ್ಫಿ ತೆಗೆದುಕೊಂಡರು

Advertisement

Advertisement

ಗೃಹಪ್ರವೇಶಕ್ಕೆ ಬರುವ ಅತಿಥಿಗಳು ಸೆಲ್ಫಿ ತೆಗೆಸಿಕೊಳ್ಳುವುದು ಸಾಮಾನ್ಯ. ಈ ವಿಚಾರವೇ ಶಿಕ್ಷಕಿಗೆ
ಸೆಲ್ಫಿ ಸ್ಪಾಟ್ ಐಡಿಯಾ ಬಂದಿದೆ. ಸ್ಕೌಟ್ಸ್ ಗೈಡ್ ಕೊಪ್ಪಳ ವಿಭಾಗದ ಪ್ರಮುಖರಾಗಿರುವ ಅವರಿಗೆ ಸಹಜವಾಗಿ
ದೇಶದ ಬಗ್ಗೆ ಅಪಾರ ಭಕ್ತಿ. ಹೀಗಾಗಿಯೇ ಗೃಹಪ್ರವೇಶದಂತಹ ವೈಯಕ್ತಿಕ ಕಾರ್ಯಕ್ರಮವನ್ನೇ ದೇಶಭಕ್ತಿಯ 
ಸಂದೇಶ ಸಾರುವ ವೇದಿಕೆಯನ್ನಾಗಿ ಮಾಡಿರುವುದು ಮೆಚ್ಚುಗೆಗೆ ಪಾತ್ರವಾಗಿದೆ.

Advertisement
