# Chikkodi: ಬಾಲಕಿ ಮೇಲೆ ಸ್ವಾಮೀಜಿ ಅತ್ಯಾಚಾರ ಪ್ರಕರಣ – ಇಡೀ ಮಠವನ್ನೇ ಧ್ವಂಸಗೊಳಿಸಿದ ತಾಲೂಕು ಆಡಳಿತ!!

- Link: https://hosakannada.com/news/swamiji-rape-case-on-girl-taluk-administration-destroys-entire-mutt/
- Published: 2025-05-29T17:53:02+00:00
- Author: ಹೊಸಕನ್ನಡ ನ್ಯೂಸ್

Chikkodi: ಮೇಖಳಿ ಗ್ರಾಮದ ರಾಮ ಮಂದಿರ ಮಠದ ಲೋಕೇಶ್ವರ ಎಂಬ ಕಪಟಿ ಸ್ವಾಮೀಜಿಯು ತನ್ನ ಮಠದಲ್ಲಿದ್ದ
ಅಪ್ರಾಪ್ತ ಬಾಲಕಿ ಮೇಲೆ ಅತ್ಯಾಚಾರ ಎಸಗಿದ ಪ್ರಕರಣ ರಾಜ್ಯದ್ಯಂತ ಸಂಚಲನ ಸೃಷ್ಟಿಸಿತ್ತು. ಬಳಿಕ ಸ್ವಾಮೀಜಿಯನ್ನು
ಅರೆಸ್ಟ್ ಕೂಡ ಮಾಡಲಾಗಿತ್ತು. ಇದೀಗ ತಾಲೂಕಾಡಳಿತವು ಈ ಕಪಟಿ ಸ್ವಾಮೀಜಿಯ ಮಠವನ್ನು ಸಂಪೂರ್ಣ ಧ್ವಂಸಗೊಳಿಸಿದೆ.

Sponsored

ಹೌದು, ಮಠದ ಸ್ವಾಮೀಜಿಗೆ ಅಪ್ರಾಪ್ತ ಬಾಲಕಿಯ ಮೇಲೆ ಲೈಂಗಿಕ ದೌರ್ಜನ್ಯ ಎಸಗಿದ ಆರೋಪದಡಿ ಜೈಲು ಶಿಕ್ಷೆಯಾಗುತ್ತಿದ್ದಂತೆ,
ರಾಯಬಾಗ ತಹಶೀಲ್ದಾರ್ ನೇತೃತ್ವದಲ್ಲಿ ತೆರವು ಕಾರ್ಯಾಚರಣೆ ನಡೆಸಲಾಗಿದೆ. ಮೇಖಳಿ ಗ್ರಾಮದ ಸರ್ವೇ ನಂ.
225ರಲ್ಲಿ 8 ಎಕರೆ ಸರ್ಕಾರಿ ಜಮೀನನ್ನು ಲೋಕೇಶ್ವರ ಸ್ವಾಮೀಜಿ ಅತಿಕ್ರಮಣ ಮಾಡಿ, 8 ವರ್ಷಗಳ ಹಿಂದೆ
ಈ ಮಠವನ್ನು ಕಟ್ಟಿದ್ದರು. ಆದರೆ, ಈ ಜಮೀನು ಗೋಮಾಳ ಜಮೀನಾಗಿದ್ದು, ಇದರಲ್ಲಿ ಯಾವುದೇ ನಿರ್ಮಾಣಕ್ಕೆ
ಅವಕಾಶವಿಲ್ಲ. ಈ ಅನಧಿಕೃತ ನಿರ್ಮಾಣದ ಜೊತೆಗೆ, ಸ್ವಾಮೀಜಿಯ ದುಷ್ಕೃತ್ಯದ ಆರೋಪವು ಅಧಿಕಾರಿಗಳಿಗೆ 
ತಕ್ಷಣ ಕ್ರಮ ಕೈಗೊಳ್ಳಲು ಕಾರಣವಾಯಿತು.

Advertisement

Advertisement

ರಾಯಬಾಗ ತಾಲೂಕಾಡಳಿತವು ಮೂರು ಜೆಸಿಬಿಗಳನ್ನು ಬಳಸಿ, ಮಠದ ಕಟ್ಟಡವನ್ನು ಸಂಪೂರ್ಣವಾಗಿ ಕೆಡವಿತು. 
ಈ ಕಾರ್ಯಾಚರಣೆಯನ್ನು ತಹಶೀಲ್ದಾರ್ ನೇತೃತ್ವದಲ್ಲಿ ನಡೆಸಲಾಗಿದ್ದು, ಸ್ಥಳೀಯ ಪೊಲೀಸ್ ಇಲಾಖೆಯ ಸಹಕಾರವೂ
ಇದಕ್ಕೆ ದೊರೆತಿತು. ಕಾರ್ಯಾಚರಣೆಯ ಸಂದರ್ಭದಲ್ಲಿ, ಮಠದ ಒಳಗೆ ತಲವಾರು, ಕೊಡಾಲಿ ಮತ್ತು ಜಂಬಿಯಾದಂತಹ
ಹಲವು ಆಯುಧಗಳು ಸಿಕ್ಕಿವೆ.

Advertisement