# ಉರಿ ಬಿಸಿಲಿನಿಂದ ದಣಿದ ಜೀವಗಳಿಗೆ ಪುಟ್ಟ ಬಾಲಕ ಮಾಡಿದ ದೊಡ್ಡ ಕಾರ್ಯ!

- Link: https://hosakannada.com/news/summer-and-water-and-boy/
- Published: 2022-05-05T15:35:52+00:00
- Author: ಹೊಸಕನ್ನಡ ನ್ಯೂಸ್

ಕಷ್ಟ ಎಂದವನ ಹೆಗಲಿಗೆ ಹೆಗಲಾಗುವವನೇ ನಿಜವಾದ ಮಾನವ.ಇಂತಹ ಉರಿಬಿಸಿಲಿನಲ್ಲಿ ಸೋತು ಬಾಯಾರಿಕೆಯಲ್ಲಿ
ದಣಿದವರಿಗೆ ಒಂಚೂರು ನೀರು ನೀಡಿದರೆ ಅವರ ಆಶೀರ್ವಾದಕ್ಕಿಂತ ಉತ್ತಮ ಬೇರೊಂದಿಲ್ಲ ಅಲ್ವಾ!?.ಹೌದು. 
ಇಂತಹ ಒಂದು ಉತ್ತಮ ಕೆಲಸ ಮಾಡಿ ಈ ಪುಟ್ಟ ಬಾಲಕನಿಗೆ ದೊರೆತ ಬ್ಲೆಸಿಂಗ್ ನೋಡಿ.

Sponsored

ಸಹಾಯ ಮಾಡಬೇಕೆಂದರೆ ವಯಸ್ಸಿನ ಅವಶ್ಯಕತೆಯಿರುವುದಿಲ್ಲ ಎಂಬುದಕ್ಕೆ ಈ ವಿಡಿಯೋ ಉದಾಹರಣೆಯಂತಿದ್ದು,
ಈ ಬಾಲಕನ ಕಾರ್ಯ ಇಂದಿನ ಪೀಳಿಗೆಗೆ ಮಾದರಿ ಎಂಬಂತಿದೆ. ದುಡ್ಡಿದ್ದರೆ ಸ್ವಲ್ಪವೂ ದಾನ ಮಾಡದೆ, ಸ್ವಾರ್ಥಕ್ಕಾಗಿ
ಬದುಕುವ ಕೆಲವು ಜನರ ಮಧ್ಯೆ ಬಾಲಕನ ಮಾನವೀಯ ಕಾರ್ಯ ಮೆಚ್ಚುವಂತದ್ದೇ.ಅಷ್ಟಕ್ಕೂ ಆ ಪುಟ್ಟ ಬಾಲಕನ ದೊಡ್ಡ
ಕೆಲಸ ನೀವೇ ನೋಡಿ.

Advertisement

Advertisement

ಅಯಾನ್ ಎಂಬ ಪುಟ್ಟ ಬಾಲಕ ಬೀದಿ ಬದಿ ತರಕಾರಿ, ಹಣ್ಣು ಹೂವುಗಳನ್ನು ಮಾರಾಟ ಮಾಡಿ ಜೀವನ ಸಾಗಿಸುವ ಜನರಿಗೆ
ನೀರಿನ ಬಾಟಲಿಯನ್ನು ನೀಡಿದ್ದಾನೆ.ಈ ಮೂಲಕ ದಾಹ ನೀಗಿಸಿ ಮಾನವೀಯತೆ ಮೆರೆದಿದ್ದಾರೆ.ಬಾಲಕನ ಈ ಕಾರ್ಯಕ್ಕೆ
ಮನಸೋತ ಅಜ್ಜಿಯೊಬ್ಬರು ಆತನಿಗೆ ಆಶೀರ್ವಾದವನ್ನು ಸಹ ಮಾಡಿದ್ದು,ಈ ದೃಶ್ಯವೂ ವಿಡಿಯೋದಲ್ಲಿ ಸೆರೆಯಾಗಿದೆ.

ಇನ್ನು ಐಎಎಸ್‌ ಅಧಿಕಾರಿ ಅವನೀಶ್‌ ಎಂಬವರು ಈ ವಿಡಿಯೋವನ್ನು ತಮ್ಮ ಟ್ವಿಟರ್‌ ಖಾತೆಯಲ್ಲಿ ಶೇರ್‌ 
ಮಾಡಿಕೊಂಡಿದ್ದು, 2 ಗಂಟೆಯಲ್ಲಿ 20 ಸಾವಿರಕ್ಕೂ ಹೆಚ್ಚು ಮಂದಿ ವೀಕ್ಷಿಸಿದ್ದಾರೆ. ಜೊತೆಗೆ ಮೆಚ್ಚುಗೆ
ಸೂಚಿಸಿ ಕಮೆಂಟ್‌ ಜೊತೆಗೆ ಲೈಕ್‌ಗಳನ್ನು ಸಹ ಮಾಡಿದ್ದಾರೆ.

> Your Small Kindness Can Make Someone's Day Special.❤️ [pic.twitter.com/ln8HYxqz9U](https://t.co/ln8HYxqz9U)
> — Awanish Sharan 🇮🇳 (@AwanishSharan) [May 1, 2022](https://x.com/AwanishSharan/status/1520607125432844288?ref_src=twsrc%5Etfw)

Advertisement