# ಲವರ್ ಗೆ ಬೈಕ್ ಕೊಡಿಸಲು ಫ್ರೆಂಡ್ ಮನೇಲಿ ಚಿನ್ನ ಕದ್ದ ವಿದ್ಯಾರ್ಥಿನಿ – ರೀಲ್ಸ್ ನಿಂದ ಬಯಲು

- Link: https://hosakannada.com/news/student-steals-gold-from-friend-to-give-bike-to-lover-reeels-reveal/
- Published: 2026-09-05T15:04:12+00:00
- Author: ಹೊಸಕನ್ನಡ ನ್ಯೂಸ್

ಪ್ರಿಯಕರನನ್ನು ಖುಷಿಪಡಿಸಲು ದುಬಾರಿ ಬೈಕ್ ಕೊಡಿಸುವ ಸಲುವಾಗಿ ತಂದೆಯ ಸ್ನೇಹಿತನ ಮನೆಯಲ್ಲೇ ಚಿನ್ನಾಭರಣ
ಕದ್ದು ಯುವತಿಯೊಬ್ಬಳು ಜೈಲು ಪಾಲಾಗಿರುವ ಘಟನೆ ತಮಿಳುನಾಡಿನ ಪೊಳ್ಳಾಚಿಯಲ್ಲಿ ನಡೆದಿದೆ. 

Sponsored

ಪೊಳ್ಳಾಚಿಯ ಸರ್ಕಾರಿ ಕಲಾ ಕಾಲೇಜಿನಲ್ಲಿ ದ್ವಿತೀಯ ವರ್ಷದ ಬಿ.ಕಾಮ್ ಓದುತ್ತಿರುವ 19 ವರ್ಷದ ಜಾಯ್
ಪ್ರಿನ್ಸಿ ಬಂದಿತ ವಿದ್ಯಾರ್ಥಿನಿ. ಪೊಳ್ಳಾಚಿ ಬಳಿಯ ಉಂಜವೇಲಂಪಟ್ಟಿ ನಿವಾಸಿ ಹಾಗೂ ಯುವತಿಯ ತಂದೆಯ
ಸ್ನೇಹಿತರಾದ ತಮಿಳುಸೆಲ್ವನ್ ಎಂಬುವವರ ದೂರಿನ ಆಧಾರದ ಮೇಲೆ ಪೊಳ್ಳಾಚಿ ಈಸ್ಟ್ ಪೊಲೀಸರು ಈ ಕ್ರಮ ಕೈಗೊಂಡಿದ್ದಾರೆ.

Advertisement

Advertisement

ಆಗಸ್ಟ್ 16 ರಂದು ಜಾಯ್ ಪ್ರಿನ್ಸಿ ತನ್ನ ಸ್ನೇಹಿತೆಯಾಗಿದ್ದ ತಮಿಳುಸೆಲ್ವನ್ ಅವರ ಮಗಳನ್ನು ಭೇಟಿಯಾಗಲು
ಅವರ ಮನೆಗೆ ಹೋಗಿದ್ದಳು. ಈ ವೇಳೆ ಯಾರಿಗೂ ತಿಳಿಯದಂತೆ ಬೀರು ತೆರೆದು ಸುಮಾರು 9 ಸವರನ್ ತೂಕದ ಚಿನ್ನಾಭರಣಗಳನ್ನು
ಕದ್ದುಕೊಂಡು ಪರಾರಿಯಾಗಿದ್ದಳು. ಬಳಿಕ ಮನೆಯಲ್ಲಿ ಚಿನ್ನಾಭರಣ ಕಾಣೆಯಾಗಿರುವುದು ಕಂಡುಬಂದಾಗ ತಮಿಳುಸೆಲ್ವನ್
ಅವರು ಪೊಲೀಸ್ ಠಾಣೆಗೆ ದೂರು ನೀಡಿದ್ದರು. 

**ಬೆಳಕಿಗೆ ಬಂದಿದ್ದು ಹೇಗೆ?**

ಬೈಕ್ ಖರೀದಿಸಿದ ಸಂಭ್ರಮದಲ್ಲಿ ಷೋರೂಂನಲ್ಲಿ ಮಾಡಿದ್ದ ರೀಲ್ಸ್ ಮತ್ತು ಫೋಟೋಗಳು ಸಾಮಾಜಿಕ ಜಾಲತಾಣಗಳಲ್ಲಿ
ವೈರಲ್ ಆದ ಬೆನ್ನಲ್ಲೇ ಈ ಕಳವು ಪ್ರಕರಣ ಬೆಳಕಿಗೆ ಬಂದಿದೆ. ಸದ್ಯ ಯುವತಿಯನ್ನು ಸ್ಥಳೀಯ ನ್ಯಾಯಾಲಯಕ್ಕೆ
ಹಾಜರುಪಡಿಸಲಾಗಿದ್ದು, ಕೊಯಂಬತ್ತೂರು ಕೇಂದ್ರ ಕಾರಾಗೃಹಕ್ಕೆ ರವಾನಿಸಲಾಗಿದೆ. ಇತ್ತ ಘಟನೆ ಬಳಿಕ ತಲೆಮರೆಸಿಕೊಂಡಿರುವ
ಪ್ರಿಯಕರ ಜನಗನ್ ಶಿವನಿಗಾಗಿ ಪೊಲೀಸರು ತೀವ್ರ ಶೋಧ ನಡೆಸುತ್ತಿದ್ದಾರೆ.

Advertisement