# KTPP Bill: ಕೆಟಿಪಿಪಿ ಮಸೂದೆಯನ್ನು 3ನೇ ಬಾರಿ ರಾಜ್ಯಪಾಲರಿಗೆ ಕಳುಹಿಸಿದ ರಾಜ್ಯ ಸರ್ಕಾರ – ಮುಂದಿನ ನಡೆ ಏನು?

- Link: https://hosakannada.com/news/state-government-sends-ktpp-bill-to-governor-for-the-3rd-time-what-is-the-next-step/
- Published: 2025-05-27T14:50:51+00:00
- Author: ಹೊಸಕನ್ನಡ ನ್ಯೂಸ್

KTPP Bill: ಸರ್ಕಾರಿ ಕಾಮಗಾರಿಗಳ ಗುತ್ತಿಗೆಯಲ್ಲಿ ಮುಸ್ಲಿಮರಿಗೆ ಶೇ.4ರಷ್ಟು ಮೀಸಲಾತಿ ನೀಡುವ ಕರ್ನಾಟಕ
ಸಾರ್ವಜನಿಕ ಸಂಗ್ರಹಣೆಯಲ್ಲಿ ಪಾರದರ್ಶಕತೆ (ತಿದ್ದುಪಡಿ) ವಿಧೇಯಕ-2025 (ಕೆಟಿಪಿಪಿ ಮಸೂದೆ) ರಾಜ್ಯ
ಸರ್ಕಾರ ಮೂರನೇ ಬಾರಿಗೆ ರಾಜಭವನಕ್ಕೆ ರವಾನಿಸಿದೆ. ಸರ್ಕಾರವು ನಿರ್ದಿಷ್ಟ ವಿವರಣೆಗಳೊಂದಿಗೆ ಮೇ 22ರಂದು
ಮಸೂದೆಯನ್ನು ರಾಜ್ಯಪಾಲ ಥಾವರ್‌ಚಂದ್ ಗೆಹೋಟ್ ಅವರಿಗೆ ವಾಪಸ್ ಕಳುಹಿಸಿದೆ. ಸಿಎಂ ಸಿದ್ದರಾಮಯ್ಯ ಭಾನುವಾರ
ರಾಜ್ಯಪಾಲರನ್ನು ಭೇಟಿಯಾದಾಗ ಈ ವಿಷಯ ಪ್ರಸ್ತಾಪಿಸಿದ್ದಾರೆ ಎಂದು ವರದಿಯಾಗಿದೆ.

Sponsored

ಈ ಮೀಸಲಾತಿ ನೀಡುವುದರ ಹಿಂದಿನ ತಾರ್ಕಿಕತೆ ಹಾಗೂ ಕಾನೂನುಬದ್ಧತೆಯನ್ನು ಖುದ್ದು ಸಿಎಂಶಛ ಸಿದ್ದರಾಮಯ್ಯ
ಅವರೇ ವಿವರಣೆ ನೀಡಿದ್ದಾರೆ ಎಂದು ತಿಳಿದುಬಂದಿದೆ. ಈ ವಿಧೇಯಕವನ್ನು ಮುಸ್ಲಿಂ ತುಷ್ಟೀಕರಣಕ್ಕಾಗಿ 
ಕಾಂಗ್ರೆಸ್ ತಂದಿದೆ ಎಂದು ಬಿಜೆಪಿ ಆರೋಪಿಸುತ್ತಿದೆ. 2023ರಲ್ಲಿ ರಾಷ್ಟ್ರಪತಿಗಳ ಒಪ್ಪಿಗೆಗಾಗಿ 10
ವಿಧೇಯಕಗಳನ್ನು ತಮಿಳುನಾಡು ರಾಜ್ಯಪಾಲ ಆರ್.ಎನ್.ರವಿ ಅವರು ಕಾಯ್ದಿರಿಸಿದ್ದ ನಿರ್ಧಾರವು “ಕಾನೂನುಬಾಹಿರ”
ಮತ್ತು “ತಪ್ಪು” ಎಂದು ಏಪ್ರಿಲ್ 7ರಂದು ಸುಪ್ರೀಂ ಕೋರ್ಟ್ ತೀರ್ಪು ನೀಡಿತ್ತು. ಈ ಹಿನ್ನೆಲೆಯಲ್ಲಿ
ಗೆಹ್ಲೋಟ್ ಅವರ ಈ ವಿಧೇಯಕದ ಬಗೆಗಿನ ಮುಂದಿನ ನಿರ್ಧಾರ ಬಹಳ ಮಹತ್ವದ್ದಾಗಿದೆ.

Advertisement

Advertisement

Advertisement