# ಸರ್ಕಾರದಿಂದ ಸಿಗದ ಗ್ರೀನ್ ಸಿಗ್ನಲ್ ಇಂದು ಎಸ್.ಎಸ್.ಎಲ್.ಸಿ ಫಲಿತಾಂಶ ಪ್ರಕಟವಿಲ್ಲ!!!ಒಂದೆರಡು ದಿನಗಳ ಬಳಿಕ ಫಲಿತಾಂಶಕ್ಕೆ ದಿನ ನಿಗದಿಯಾಗುವ ಸಾಧ್ಯತೆ

- Link: https://hosakannada.com/news/sslc-result-postponed/
- Published: 2021-08-06T19:27:01+00:00
- Author: ಹೊಸಕನ್ನಡ ನ್ಯೂಸ್

ರಾಜ್ಯಾದ್ಯಂತ ವಿದ್ಯಾರ್ಥಿಗಳು ಬಹಳ ನಿರೀಕ್ಷೆಯಿಂದ ಕಾಯುತ್ತಿರುವ ಎಸ್ಎಸ್ ಎಲ್ ಸಿ ಪರೀಕ್ಷೆಯ ಫಲಿತಾಂಶ
ಪ್ರಕಟಕ್ಕೆ ಇಂದು ದಿನ ನಿಗದಿಯಾಗಿತ್ತಾದರೂ ಕೊನೇ ಕ್ಷಣದಲ್ಲಿ ಫಲಿತಾಂಶ ಪ್ರಕಟಕ್ಕೆ ಬ್ರೇಕ್ ಬಿದ್ದಿದ್ದು
ಈ ಮೂಲಕ ನಿರೀಕ್ಷೆಯಲ್ಲಿದ್ದ ವಿದ್ಯಾರ್ಥಿಗಳಿಗೆ ನಿರಾಸೆ ಮೂಡಿದೆ.

Sponsored

ಸದ್ಯ ಪರೀಕ್ಷೆಯ ಮೌಲ್ಯಮಾಪನ ಪೂರ್ಣಗೊಂಡಿದ್ದು,ಇಂದೇ ಫಲಿತಾಂಶ ಪ್ರಕಟವಾಗುತ್ತದೆ ಎಂದು ಸುದ್ದಿ ಎಲ್ಲೆಡೆ
ಹರಡಿತ್ತು. ಆದರೆ ಈಗ ಸರ್ಕಾರದಿಂದ ಯಾವುದೇ ಅನುಮತಿ ದೊರೆಯದ ಕಾರಣ ಹಾಗೂ ಈ ಬಗ್ಗೆ ಶಿಕ್ಷಣ ಇಲಾಖೆ
ಎಲ್ಲಿಯೂ ಪ್ರಕಟಣೆ ನೀಡದ ಕಾರಣ ಇಂದು ಫಲಿತಾಂಶ ಪ್ರಕಟವಾಗುವುದಿಲ್ಲ ,ಇನ್ನೆರಡು ದಿನಗಳೊಳಗಾಗಿ ಫಲಿತಾಂಶ
ಪ್ರಕಟಿಸುತ್ತೇವೆ ಎಂದು ಇಲಾಖೆ ತಿಳಿಸಿದೆ.

Advertisement

Advertisement

ಪ್ರಸ್ತುತ ಬೊಮ್ಮಾಯಿ ಸರ್ಕಾರದ ನೂತನ ಸಚಿವರ ಖಾತೆ ಪಟ್ಟಿಯ ಹಂಚಿಕೆ ಪ್ರಕ್ರಿಯೆಯೂ ನಡೆಯುತ್ತಿದ್ದು,
ಇಂದು ಸಂಜೆಯ ವೇಳೆಗೆ ಎಲ್ಲವೂ ಕಾರ್ಯರೂಪಕ್ಕೆ ಬರಲಿದೆ. ಆದುದರಿಂದ ನೂತನ ಶಿಕ್ಷಣ ಸಚಿವರ ನೇಮಕವಾದ
ಕೂಡಲೇ ಈ ಬಗ್ಗೆ ಅಧಿಕಾರಿ ವರ್ಗದೊಂದಿಗೆ ಸಮಾಲೋಚಿಸಿ ಫಲಿತಾಂಶ ಪ್ರಕಟಕ್ಕೆ ದಿನ ನಿಗದಿ ಪಡಿಸಲಾಗುವುದು
ಎಂದು ತಿಳಿದುಬಂದಿದೆ.

Advertisement
