# ವಿಶ್ವದ ಅತ್ಯಂತ ಸಣ್ಣ ನದಿ ಎಲ್ಲಿರೋದು ಗೊತ್ತೇ ? ಮನುಷ್ಯ ಹಾರಿ ದಾಟಬಹುದಾದಷ್ಟು ಕಿರಿದಾದ ನದಿ !! ಈ ನದಿ ಬಗ್ಗೆ ಕುತೂಹಲಕಾರಿ ವಿಷಯ ಇಲ್ಲಿದೆ

- Link: https://hosakannada.com/news/smallest-river-in-the-world/
- Published: 2022-02-06T11:43:20+00:00
- Author: ಹೊಸಕನ್ನಡ ನ್ಯೂಸ್

ನಿಮಗೆ ಗೊತ್ತಿದೆಯೇ ? ಪ್ರಪಂಚದ ಅತ್ಯಂತ ಕಿರಿದಾದ ನದಿ ಯಾವುದೆಂದು ? ಈ ನದಿ ಕಿರಿದಾದ ಕಾಲುವೆಯಂತೆ
ಕಾಣುತ್ತದೆ. ಈ ನದಿಯು ವಿಶ್ವದ ಅತೀ ಸಣ್ಣ ನದಿಯೆಂದು ಗುರುತಿಸಿಕೊಂಡಿದೆ. ಕೃಷಿ ಭೂಮಿಗಳಲ್ಲಿ ನೀರು
ಹಾಯಿಸಲು ಇರುವ ಸಣ್ಣ ಕಾಲುವೆಯಂತೆ ಕಾಣುತ್ತದೆ ಈ ನದಿ.

Sponsored

ಈ ನದಿಯ ಹೆಸರು ಹುಲೈ. ಇದು ಚೀನಾದ ಮಂಗೋಲಿಯಲ್ಲಿದೆ. ಈ ನದಿಯು 17 ಕಿ ಮೀ ನಷ್ಟು ಉದ್ದವಿದ್ದು, ಸರಾಸರಿ
ಅಗಲ ಕೇವಲ 15 ಸೆಂ.ಮೀ. ಒಂದು ಕಡೆ ನದಿಯು ಕೇವಲ 4 ಸೆಂ.ಮೀ ನಷ್ಟೇ ಅಗಲ ಇರುವುದು ಕಂಡುಬರುತ್ತದೆ.
ಚೀನಾದ ತಜ್ಞರ ಪ್ರಕಾರ ಕಳೆದ 10,000 ವರ್ಷಗಳಿಂದ ಈ ನದಿಯು ಹರಿಯುತ್ತಿದೆಯಂತೆ. ಈ ನದಿ ಕೆಲವೇ ಸೆಂ.
ಮೀ.ನಷ್ಟು ಅಗಲವಿದೆ. ಹಲವು ಕಡೆಗಳಲ್ಲಿ ಈ ನದಿಯನ್ನು ಹಾರಿ ದಾಟಬಹುದಾದಷ್ಟು ಸಣ್ಣದಾಗಿದೆ ಎಂಬುವುದು
ಇನ್ನೂ ವಿಶೇಷ.

Advertisement

Advertisement

‘ಬುಕ್ ಬ್ರಿಡ್ಜ್ ರಿವರ್’ ( ಪುಸ್ತಕ ಸೇತುವೆ ನದಿ) ಎಂದೂ ಕರೆಯುತ್ತಾರೆ ಹುಲೈ ನದಿಯನ್ನು. ಈ ಹೆಸರು
ಚೀನೀ ಜಾನಪದದಿಂದ ಬಂದಿದೆ. ಇದಕ್ಕೊಂದು ಹಿನ್ನೆಲೆ ಇದೆ ಅದೇನೆಂದರೆ, ಹುಡುಗನೋರ್ವನು ಹುಲೈ ನದಿಯನ್ನು
ದಾಟುವಾಗ ತನ್ನ ಪುಸ್ತಕವನ್ನು ಬೀಳಿಸಿದನು. ಅದು ಈ ನದಿಯ ಮೇಲೆ ಸೇತುವೆಯಂತೆ ಬಿದ್ದಿತ್ತು. ಈ ಪುಸ್ತಕ
ಸೇತುವೆಯ ಮೇಲಿನಿಂದ ಇರುವೆಗಳು ಹಾಗೂ ಇತರ ಸಣ್ಣ ಜೀವಿಗಳು ನದಿಯನ್ನು ದಾಟಿದವು‌. ಈ ಕಾರಣದಿಂದಾಗಿ
ಈ ನದಿಗೆ ಪುಸ್ತಕ ಸೇತುವೆ ನದಿ ಎಂದು ಹೆಸರಿಡಲಾಗಿದೆಯಂತೆ.

![](https://hosakannada.com/wp-content/uploads/2022/02/IMG_20220206_114707.jpg)

ಅಂತರ್ಜಲದಿಂದ ಹುಟ್ಟಿ ಹಿಗ್ಗಿನ್ಸ್ ಹುಲ್ಲುಗಾವಲಿನಲ್ಲಿ ಹರಿದು ದಲೈ ಲಾಮಾ ನೂರ್ ಸರೋವರವನ್ನು ಸೇರುತ್ತದೆ
ಈ ನದಿ. ಹುಲೈಯನ್ನು ನದಿಯೆಂದು ಪರಿಗಣಿಸುವ ಹಲವು ಭಿನ್ನಾಭಿಪ್ರಾಯಗಳಿವೆ. ನೀರಿನ ಹರಿವನ್ನು ನದಿಯೆಂದು
ಪರಿಗಣಿಸಲು ಅದರ ಗಾತ್ರಕ್ಕೆ ಯಾವುದೇ ಸಂಬಂಧವಿಲ್ಲ ಎಂಬ ವಾದವೂ ಇದೆ. ಹುಲೈಯು ನದಿಯ ಎಲ್ಲಾ ಲಕ್ಷಣಗಳನ್ನು
ಹೊಂದಿದೆ. ಅಷ್ಟು ಮಾತ್ರವಲ್ಲದೇ ಹುಲೈ ವರ್ಷವಿಡೀ ಹರಿಯುತ್ತದೆ ಎಂಬುದು ವಿಶೇಷ.

Advertisement