# ಆರ್‌ಸಿಬಿ ಫ್ರಾಂಚೈಸಿ ಖರೀದಿಯಲ್ಲಿ ಮಹತ್ವದ ಬದಲಾವಣೆ, ಹೆಸರು ಬದಲಾಗಲಿದೆಯೇ?

- Link: https://hosakannada.com/news/significant-change-in-rcb-franchise-purchase-will-the-name-change/
- Published: 2026-03-18T10:18:04+00:00
- Author: ಹೊಸಕನ್ನಡ ನ್ಯೂಸ್

ರಾಯಲ್‌ ಚಾಲೆಂಜರ್ಸ್‌ ಬೆಂಗಳೂರು ಫ್ರಾಂಚೈಸಿಯ ಮಾರಾಟ ಪ್ರಕ್ರಿಯೆ ನಡೆಯುತ್ತಿದೆ. ಮಣಿಪಾಲ್‌ ಗ್ರೂಪ್‌ನ
ಅಧ್ಯಕ್ಷ ಡಾ.ರಂಜನ್‌ ಪೈ ಅವರು ಈ ಹಿಂದೆಯೇ ರಾಯಲ್‌ ಚಾಲೆಂಜರ್ಸ್‌ ಬೆಂಗಳೂರು ಫ್ರಾಂಚೈಸಿಯ ಖರೀದಿಗೆ
ಆಸಕ್ತಿಯನ್ನು ತೋರಿದ್ದರು. ಇದೀಗ ಅವರು ಅಮೆರಿಕದ ಕೆಕೆಆರ್‌ ಮತ್ತು ಸಿಂಗಾಪುರದ ಟೆಮಾಸೆಕ್‌ ಕಂಪನಿ
ಜೊತೆಗೂಡಿ ಆರ್‌ಸಿಬಿ ತಂಡವನ್ನು ಖರೀದಿ ಮಾಡಲು ಮುಂದಾಗಿದ್ದಾರೆ.

Sponsored

ಒಂದು ವೇಳೆ ಆರ್‌ಸಿಬಿ ಫ್ರಾಂಚೈಸಿಯು ಕನ್ನಡಿಗ ರಂಜನ್‌ ಪೈ ಅವರ ಪಾಲಾದರೆ ತಂಡದ ಹೆಸರಿನಲ್ಲಿ ಬದಲಾವಣೆ
ಆಗುವ ಸಾಧ್ಯತೆಯಿದೆ. ಈಗಿರುವ ಲೋಗೋ ಮತ್ತು ಹೆಸರು ಬದಲಾವಣೆ ಆಗಬಹುದು. ಏಕೆಂದರೆ ಆರ್‌ಸಿಬಿಗೆ ರಾಯಲ್‌
ಚಾಲೆಂಜರ್ಸ್‌ ಎಂಬ ಹೆಸರು ನೀಡಿದ್ದು ಮದ್ಯದ ಬ್ರಾಂಡ್‌ನ ಪ್ರಚಾರಕ್ಕೆ. ಹೀಗಾಗಿ ರಂಜನ್‌ ಪೈ ಆರ್‌ಸಿಬಿ
ಫ್ರಾಂಚೈಸಿಯನ್ನು ಖರೀದಿ ಮಾಡಿದರೆ ಮಹತ್ವದ ಬದಲಾವಣೆ ಕಂಡು ಬರುವುದು ಬಹತೇಕ ಖಚಿತ.

Advertisement

Advertisement

ಆರ್‌ಸಿಬಿ ಖರೀದಿ ಮಾಡಲು ರೇಸ್‌ನಲ್ಲಿರುವವರು ಸ್ಪೀಡನ್‌ ಮೂಲದ ಇಕ್ವಿಟಿ ಸಂಸ್ಥೆ ʼEQT’ ಮತ್ತು ಅಝೀಂ
ಪ್ರೇಮ್‌ಜಿ ಅವರ ʼಪ್ರೇಮ್‌ಜಿ ಇನ್ವೆಸ್ಟ್‌ʼ ಜಂಟಿಯಾಗಿ ಸುಮಾರು $2.1 ಬಿಲಿಯನ್‌ ಬಿಡ್‌ ಮಾಡಿದೆ 
ಎಂದು ವರದಿಯಾಗಿದೆ.

ಮಣಿಪಾಲ್‌ ಗ್ರೂಪ್‌ನ ಡಾ.ರಂಜನ್‌ ಪೈ ನೇತೃತ್ವದ ತಂಡದಲ್ಲಿ ಅಮೆರಿಕದ ಕೆಕೆಆರ್‌ ಮತ್ತು ಸಿಂಗಾಪುರದ
ಟೆಮಾಸಕ್‌ ಕಂಪನಿ ಕೂಡಾ ಇದೆ. RCB ಫ್ರಾಂಚೈಸಿಯ ಆರಂಭಿಕ ಬಿಡ್ಡಿಂಗ್ ಮೊತ್ತ ಸುಮಾರು $2 ಬಿಲಿಯನ್(
ಅಂದಾಜು ₹18,500 ಕೋಟಿ) ಎಂದು ಘೋಷಿಸಲಾಗಿದೆ. EQT ಮತ್ತು ಪ್ರೇಮ್‌ಜಿ ಇನ್ವೆಸ್ಟ್ ಕಂಪೆನಿಯು $2.1
ಬಿಲಿಯನ್ ಬಿಡ್ ಮಾಡಿದೆ ಎಂದು ವರದಿಯಾಗಿದೆ. ಇನ್ನು ರಂಜನ್ ಪೈ ಮತ್ತು ಕೆಕೆಆರ್ (KKR) ಕೂಡ ಇದೇ 
ಮೊತ್ತದ ಅಸುಪಾಸಿನಲ್ಲಿ ಬಿಡ್ ಸಲ್ಲಿಸಿರುವ ಸಾಧ್ಯತೆಯಿದೆ. ಹೀಗಾಗಿ ಅಂತಿಮವಾಗಿ ಆರ್​​ಸಿಬಿ ಯಾರ 
ಪಾಲಾಗಲಿದೆ ಎಂಬುದೇ ಈಗ ಕುತೂಹಲ.

Advertisement