# ಗಿಫ್ಟ್ ಕೂಪನ್ ಆಸೆಗೆ ಬಿದ್ದು 65 ಸಾವಿರ ರೂಪಾಯಿ ಕಳೆದುಕೊಂಡ ಕುರಿಗಾಹಿ

- Link: https://hosakannada.com/news/shepherd-loss-65thousands-from-lucky-ticket/
- Published: 2022-08-13T14:02:41+00:00
- Author: ನಿಶ್ಮಿತಾ ಎನ್.

ತುಮಕೂರು: ಗಿಫ್ಟ್ ಕೂಪನ್ ಆಸೆಯಿಂದ ಕುರಿಗಾಹಿಯೊಬ್ಬರು 65 ಸಾವಿರ ರೂಪಾಯಿಯನ್ನು ಕಳೆದುಕೊಂಡ ಘಟನೆ
ನಡೆದಿದೆ.

Sponsored

ಮಧುಗಿರಿ ತಾಲೂಕು ದೊಡ್ಡೇರಿಯ ರಂಗನಾಥ್​  ಎಂಬುವವರೇ ಈ ವಂಚನೆಗೆ ಒಳಗಾದವರು. ಪ್ರತಿಷ್ಠಿತ ಕಂಪನಿಗಳ
ಹೆಸರಲ್ಲಿ ಬರುವ ಗಿಫ್ಟ್​ ಕೂಪನ್​ ಆಸೆಗಾಗಿ   ಇದ್ದ ಹಣವನ್ನೂ ಕಳೆದುಕೊಂಡಿದ್ದಾರೆ. ಇವರಿಗೆ ಗಿಫ್ಟ್​
ಕಾರ್ಡ್​ನ ಸ್ಕ್ರಾಚ್​ ಮಾಡಿದ ವೇಳೆ 12.50 ಲಕ್ಷ ರೂ. ನಗದು ಬಹುಮಾನ ಬಂದಿದ್ದು, ಇದನ್ನು ಪಡೆಯುವ
ಆಸೆಗೆ ಈವರೆಗೆ 65 ಸಾವಿರ ರೂ. ಕಳೆದುಕೊಂಡಿದ್ದಾರೆ.

Advertisement

Advertisement

ರಂಗನಾಥ್​ ಅವರ ಮನೆ ವಿಳಾಸಕ್ಕೆ ಪ್ರತಿಷ್ಠಿತ ಕಂಪನಿಯೊಂದರ ಹೆಸರಲ್ಲಿ ಕೂಪನ್​ ಬಂದಿದ್ದು, ನಂತರ 
ಮೊಬೈಲ್​ ಸಂಖ್ಯೆ [9355059216](https://hosakannada.com/news/shepherd-loss-65thousands-from-lucky-ticket/9355059216)
ನಿಂದ ಕರೆ ಮಾಡಿ ‘ನಿಮಗೆ ಕೂಪನ್​ ಮೂಲಕ ಬಂದಿರುವ 12.50 ಲಕ್ಷ ರೂಪಾಯಿ ವರ್ಗಾಯಿಸಲು ಜಿಎಸ್​ಟಿ ಹಣ
ಪಾವತಿಸಬೇಕು. ಆಗ ನಿಮಗೆ ಹಣ ವರ್ಗಾಯಿಸಲು ಸಾಧ್ಯ’ವೆಂದು ಪುಸಲಾಯಿಸಲಾಗಿದೆ.

ಅದನ್ನು ನಂಬಿ ದೇವನಹಳ್ಳಿಯ ಎಸ್​ಬಿಎಂ ಶಾಖೆ ಖಾತೆ ಸಂಖ್ಯೆ [38500334422](https://hosakannada.com/news/shepherd-loss-65thousands-from-lucky-ticket/38500334422)
ಹಾಗೂ [36049406861](https://hosakannada.com/news/shepherd-loss-65thousands-from-lucky-ticket/36049406861)
ಗಳಿಗೆ ಹಂತ ಹಂತವಾಗಿ ಒಟ್ಟು 50,000 ರೂಪಾಯಿಯನ್ನು ರಂಗನಾಥ್​ ವರ್ಗಾಯಿಸಿದ್ದಾರೆ. ಆ ಬಳಿಕ 15,000
ರೂಪಾಯಿಯನ್ನು ಯುಪಿಐ ಟ್ರಾನ್ಸ್​ಫರ್​ ಮಾಡಿದ್ದಾರೆ.

ಸಿಕ್ಕಿದ್ದೇ ಚಾನ್ಸ್ ಅಂದುಕೊಂಡು ಇಷ್ಟಕ್ಕೆ ಸುಮ್ಮನಾಗದ ವಂಚಕರು, ಬೇರೆ ಬೇರೆ ಸಂಖ್ಯೆಯಿಂದ ಕರೆ 
ಮಾಡಿ ಹಣಕ್ಕಾಗಿ ಬೇಡಿಕೆ ಇಟ್ಟಿದ್ದಾರೆ. ಕೊನೆಗೆ ರಂಗನಾಥ್​ ಗೆ ಮೋಸದ ಜಾಲ ತಿಳಿದು ಬಂದಿದೆ. ಬಳಿಕ
ಸೈಬರ್​ ಕ್ರೈಂ ಠಾಣೆ ಮೆಟ್ಟಿಲೇರಿದ್ದು, ಪ್ರಕರಣ ದಾಖಲಿಸಿದ್ದಾರೆ.

Advertisement