# ಸ್ಕೂಲ್ ಹುಡುಗಿಯರಿಂದ ಜ್ಯುವೆಲ್ಲರಿ ಶಾಪ್ ದರೋಡೆಗೆ ಯತ್ನ – ಓನರ್ ಮೇಲೆ ಪೆಪ್ಪರ್ ಸ್ಪ್ರೇ ದಾಳಿ ಫೇಲ್ !!

- Link: https://hosakannada.com/news/school-girls-attempt-to-rob-jewelry-shop-pepper-spray-attack-on-owner-fails/
- Published: 2026-06-14T13:33:17+00:00
- Author: ಹೊಸಕನ್ನಡ ನ್ಯೂಸ್

ಜ್ಯುವೆಲರಿ ಶಾಪ್ ಗಳಲ್ಲಿ ಕಳ್ಳರು ತಮ್ಮ ಕೈಚಳಕ ತೋರಿಸುತ್ತಿರುವ ಪ್ರಕರಣಗಳು ದಿನ ಬೆಳಗ್ಗೆ ಬರುತ್ತಿವೆ.
ಓನರ್ ಮೇಲೆ ಪೇಪರ್ ಸ್ಪ್ರೇ ಹೊಡೆದು ಅಥವಾ ಇನ್ನಿತರ ಖತರ್ನಾಕ್ ಐಡಿಯಾಗಳನ್ನು ಬಳಸಿ ಚಿನ್ನದ ಅಂಗಡಿಗಳಿಗೆ
ಕನ್ನ ಹಾಕುತ್ತಿರುವುದನ್ನು ನಾವು ನೋಡುತ್ತಿದ್ದೇವೆ. ಅಂದ್ರೆ ಇದೀಗ ಬಿಹಾರದ ಪಾಟ್ನಾದಲ್ಲಿ ಸ್ಕೂಲ್
ಹುಡುಗಿಯರಿಬ್ಬರು ಜ್ಯುವೆಲ್ಲರಿ ಶಾಪಿಗೆ ಕನ್ನ ಹಾಕಲು ತೆರಳಿ, ತಮ್ಮ ಮೊದಲ ಪ್ರಯತ್ನದಲ್ಲಿ ವಿಫಲವಾಗಿರುವ
ಘಟನೆ ನಡೆದಿದೆ.

Sponsored

ದಿಘಾ ಪೊಲೀಸ್ ಠಾಣೆ ವ್ಯಾಪ್ತಿಯ ಕುರ್ಜಿಯ ‘ಮಾ ವೈಷ್ಣೋ ಜ್ಯುವೆಲ್ಲರ್ಸ್’ ಎಂಬ ಅಂಗಡಿಯಲ್ಲಿ ಈ ಘಟನೆ
ನಡೆದಿದೆ. ಹಣದ ಆಸೆಗೆ ಬಿದ್ದ ಇಬ್ಬರು ಅಪ್ರಾಪ್ತ ಶಾಲಾ ಬಾಲಕಿಯರು ಸಿನಿಮೀಯ ಶೈಲಿಯಲ್ಲಿ ಆಭರಣ ಅಂಗಡಿಯನ್ನು
ದರೋಡೆ ಮಾಡಲು ಹೋಗಿ ಪೊಲೀಸರ ಅತಿಥಿಯಾಗಿದ್ದಾರೆ.

Advertisement

Advertisement

ಶುಕ್ರವಾರ ಸಂಜೆ ಸುಮಾರು 5:30 ರ ಸುಮಾರಿಗೆ ಇಬ್ಬರು ಹುಡುಗಿಯರು ಮುಖಕ್ಕೆ ಮಾಸ್ಕ್ ಧರಿಸಿ ಗ್ರಾಹಕರಂತೆ
ಅಂಗಡಿಯನ್ನು ಪ್ರವೇಶಿಸಿದ್ದಾರೆ. ಅಂಗಡಿ ಮಾಲೀಕ ರಾಜೇಶ್ ಕುಮಾರ್ ಅವರಿಗೆ ಕಿವಿಯೋಲೆಗಳನ್ನು ತೋರಿಸುವಂತೆ
ಕೇಳಿದ್ದಾರೆ. ರಾಜೇಶ್ ಅವರು ಆಭರಣಗಳನ್ನು ತೋರಿಸಲು ಮುಂದಾದಾಗ, ಒಬ್ಬ ಹುಡುಗಿ ಇದ್ದಕ್ಕಿದ್ದಂತೆ 
ಅವರ ಮುಖಕ್ಕೆ ಪೇಪರ್ ಸ್ಪ್ರೇ ಹೊಡೆದಿದ್ದಾಳೆ. ಆದರೆ ಸಮಯಪ್ರಜ್ಞೆ ಮೆರೆದ ರಾಜೇಶ್ ತಕ್ಷಣವೇ ಅಲ್ಲಿಂದ
ತಪ್ಪಿಸಿಕೊಂಡು ಹೊರಗೆ ಓಡಿ ಬಂದು ಕೂಗಾಡಿದ್ದಾರೆ.

ರಾಜೇಶ್ ಅವರ ಕಿರುಚಾಟ ಕೇಳಿ ಸ್ಥಳೀಯರು ಜಮಾಯಿಸಿದ್ದಾರೆ. ಈ ವೇಳೆ ಒಬ್ಬ ಹುಡುಗಿ ಪರಾರಿಯಾಗುವಲ್ಲಿ
ಯಶಸ್ವಿಯಾದರೆ, ಮತ್ತೊಬ್ಬಳನ್ನು ಸಾರ್ವಜನಿಕರು ಹಿಡಿದು ಪೊಲೀಸರಿಗೆ ಒಪ್ಪಿಸಿದ್ದಾರೆ. ನಂತರ ಪೊಲೀಸರು
ನಡೆಸಿದ ಕಾರ್ಯಾಚರಣೆಯಲ್ಲಿ ತಪ್ಪಿಸಿಕೊಂಡಿದ್ದ ಇನ್ನೊಬ್ಬಳು ಕೂಡ ಸಿಕ್ಕಿಬಿದ್ದಿದ್ದಾಳೆ.ವಿಚಾರಣೆ
ವೇಳೆ ಇಬ್ಬರೂ ಹುಡುಗಿಯರು ಅಪ್ರಾಪ್ತ ವಯಸ್ಕರು ಎಂದು ತಿಳಿದುಬಂದಿದೆ. ಇಬ್ಬರನ್ನೂ ಸದ್ಯ ರಿಮಾಂಡ್
ಹೋಂಗೆ ಕಳುಹಿಸಲಾಗಿದೆ. 

[https://www.instagram.com/reel/DZhG2gySuuY/?igsh=MWV4cHd5MG9oaTZmcQ==](https://www.instagram.com/reel/DZhG2gySuuY/?igsh=MWV4cHd5MG9oaTZmcQ==)

Advertisement
