# ಸಿಬ್ಬಂದಿಗಳಿಗೆ ಕನ್ನಡ ಕಲಿಸಲು ಮುಂದಾದ SBI

- Link: https://hosakannada.com/news/sbi-to-teach-kannada-to-staff/
- Published: 2025-05-23T23:00:30+00:00
- Author: ಹೊಸಕನ್ನಡ ನ್ಯೂಸ್

Bengaluru: ರಾಜ್ಯದಲ್ಲಿ ಎಸ್‌ಬಿಐ ಅಧಿಕಾರಿಯೊಬ್ಬರು ಕನ್ನಡದಲ್ಲಿ ಮಾತನಾಡಲು ನಿರಾಕರಿಸಿದ ಘಟನೆಯ
ಬಳಿಕ ಎಸ್‌ಬಿಐ ತನ್ನ ಸಿಬ್ಬಂದಿಗೆ ಕನ್ನಡ ಕಲಿಕೆಯನ್ನು ಪ್ರಾರಂಭಿಸಿದೆ. ಕರ್ನಾಟಕದಲ್ಲಿ ಸ್ಥಳೀಯ 
ಭಾಷೆಯಾದ ಕನ್ನಡದ ಮಹತ್ವವನ್ನು ಒತ್ತಿಹೇಳುವ ಸಲುವಾಗಿ ಈ ಕ್ರಮ ಕೈಗೊಳ್ಳಲಾಗಿದೆ ಎಂದು ಬ್ಯಾಂಕ್‌ನ
ಅಧಿಕೃತ ಪತ್ರವೊಂದರಲ್ಲಿ ತಿಳಿಸಲಾಗಿದೆ.

Sponsored

ಎಸ್‌ಬಿಐ ತನ್ನ ಸುತ್ತೋಲೆಯಲ್ಲಿ, ಕರ್ನಾಟಕದಲ್ಲಿ ಕನ್ನಡ ಭಾಷೆಯಲ್ಲಿ ಸಂವಹನ ಮಾಡದ ಸಿಬ್ಬಂದಿ ಮತ್ತು
ಅಧಿಕಾರಿಗಳಿಗಾಗಿ ಕನ್ನಡ ಕಲಿಕಾ ತರಗತಿಗಳನ್ನು ಆರಂಭಿಸುವುದಾಗಿ ಘೋಷಿಸಿದೆ. ಈ ತರಗತಿಗಳು ಮೇ 28ರಂದು
ಆರಂಭವಾಗಲಿದ್ದು, ಡಿಜಿಎಂ, ಎಜಿಎಂ ಮತ್ತು ಇತರ ಹಿರಿಯ ಅಧಿಕಾರಿಗಳಿಗೆ ಕನ್ನಡದಲ್ಲಿ ಮಾತನಾಡುವ ಕೌಶಲ್ಯವನ್ನು
ಕಲಿಸುವ ವಿಶೇಷ ತರಬೇತಿಯನ್ನು ಒಳಗೊಂಡಿರುತ್ತವೆ. ಈ ಕಾರ್ಯಕ್ರಮವು ಪ್ರತಿ ಬುಧವಾರ ನಡೆಯಲಿದ್ದು, 
ತರಬೇತಿಯು ಎಲ್ಲಾ ಸಿಬ್ಬಂದಿಗೆ ಕಡ್ಡಾಯಗೊಳಿಸಲಾಗಿದೆ ಎಂದು ಸುತ್ತೋಲೆಯಲ್ಲಿ ಉಲ್ಲೇಖಿಸಲಾಗಿದೆ.

Advertisement

Advertisement

ಬ್ಯಾಂಕಿನ ಈ ಕ್ರಮವನ್ನು ಕೆಲವು ಕನ್ನಡಿಗರು ಸ್ವಾಗತಿಸಿದ್ದಾರೆ. “ಎಸ್‌ಬಿಐನ ಈ ಪ್ರಯತ್ನವು ಪ್ರಶಂಸನೀಯ.
ಕನ್ನಡಿಗರಾದ ನಾವು ಇದನ್ನು ಗೌರವಿಸುತ್ತೇವೆ” ಎಂದು ಎಕ್ಸ್ ಬಳಕೆದಾರರೊಬ್ಬರು ಪ್ರತಿಕ್ರಿಯಿಸಿದ್ದಾರೆ.
ಆದರೆ, ಇನ್ನೊಬ್ಬರು “ಇದೆಲ್ಲ ಪಕ್ಕಾ ಡ್ರಾಮಾ, ನಮಗೆ ಕನ್ನಡಿಗರನ್ನೇ ನೇಮಿಸಿ” ಎಂದು ಮತ್ತೊಬ್ಬರು
ಆಕ್ಷೇಪ ವ್ಯಕ್ತಪಡಿಸಿದ್ದಾರೆ.

Advertisement