# Rakshith Shetty : ಕಿರಿಕ್ ಪಾರ್ಟಿ -2 ಯಾವಾಗ ಎಂಬ ಪ್ರಶ್ನೆಗೆ ನೇರ ಉತ್ತರ ನೀಡಿದ ರಕ್ಷಿತ್ ಶೆಟ್ಟಿ!!!

- Link: https://hosakannada.com/news/rakshith-shetty-film-updates/
- Published: 2023-02-01T12:14:32+00:00
- Author: ವಿದ್ಯಾ ಗೌಡ

ಸಿಂಪಲ್ ಸ್ಟಾರ್ ರಕ್ಷಿತ್ ಶೆಟ್ಟಿ ಮತ್ತು ರಶ್ಮಿಕಾ ಮಂದಣ್ಣ ಅಭಿನಯದ ಕಿರಿಕ್ ಪಾರ್ಟಿ ಸಿನಿಮಾ ಬಾಕ್ಸಾಫೀಸ್‌ನಲ್ಲಿ
ಧೂಳೆಬ್ಬಿಸಿತ್ತು. ಕಾಲೇಜು ಯುವಕರ ನೆಚ್ಚಿನ ಸಿನಿಮಾ ಆಗಿಬಿಟ್ಟಿತ್ತು. ಎಲ್ಲಾರ ಬಾಯಲ್ಲೂ ಆ ಸಿನಿಮಾ
ಹಾಡೇ ಗುನುಗುತ್ತಿತ್ತು. ಸಖತ್ ಸದ್ದು ಮಾಡಿರುವ ಈ ಸಿನಿಮಾ ಇತ್ತೀಚೆಗೆ 6 ವರ್ಷಗಳನ್ನು ಪೂರೈಸಿದೆ.
ಆದರೆ ಇದೀಗ ಅಭಿಮಾನಿಗಳು ಕಿರಿಕ್ ಪಾರ್ಟಿ -1 ಆಯ್ತು, ಕಿರಿಕ್ ಪಾರ್ಟಿ-2 ಯಾವಾಗ? ಅಂತ ಪ್ರಶ್ನೆ 
ಕೇಳ್ತಾ ಇದ್ದಾರೆ. ಸದ್ಯ ಈ ಪ್ರಶ್ನೆಗೆ ರಕ್ಷಿತ್ ಶೆಟ್ಟಿ ಪ್ರತಿಕ್ರಿಯೆ ನೀಡಿದ್ದು, ಅಭಿಮಾನಿಗಳಿಗೆ
ಸ್ಪಷ್ಟೀಕರಣ ನೀಡಿದ್ದಾರೆ.

Sponsored

‘ಕಿರಿಕ್ ಪಾರ್ಟಿ’ ನಂತರದ ರಕ್ಷಿತ್ ಶೆಟ್ಟಿಯ ‘777 ಚಾರ್ಲಿ’ ಸಿನಿಮಾ ಅದ್ಭುತ ಸಕ್ಸಸ್ ಕಂಡಿದ್ದು,
ಎಲ್ಲರ ಮನಗೆದ್ದಿರುವ ಚಿತ್ರವಾಗಿದೆ. ಸದ್ಯ ಅಭಿಮಾನಿಗಳ ಒಂದೇ ಪ್ರಶ್ನೆ ‘ಕಿರಿಕ್‌ ಪಾರ್ಟಿ-2′ ಯಾವಾಗ?
ಈ ಪ್ರಶ್ನೆ ರಕ್ಷಿತ್‌ ಶೆಟ್ಟಿ ಅವರಿಗೆ ಎಲ್ಲಿ ಹೋದರೂ ಎದುರಾಗುತ್ತಿತ್ತಂತೆ. ಹಾಗಾಗಿ ರಕ್ಷಿತ್‌ 
ಶೆಟ್ಟಿ ಟ್ವೀಟ್‌ ಮೂಲಕ ಸ್ಪಷ್ಟನೆ ನೀಡಿದ್ದು, ಸದ್ಯಕ್ಕೆ ‘ಕಿರಿಕ್‌ ಪಾರ್ಟಿ-2′ ಮಾಡುವ ಯಾವ ಯೋಚನೆ
ಇಲ್ಲ ಎಂದಿದ್ದು, ಜೊತೆಗೆ ತಮ್ಮ ಮುಂದಿನ ಚಿತ್ರಗಳ ಕುರಿತು ಅಪ್‌ಡೇಟ್ಸ್‌ ನೀಡಿದ್ದಾರೆ.

Advertisement

Advertisement

> My line ups are quite clear after SSE. i.e. RA, PK 1 and 2, M2M… these are the
> only four films which gives me sleepless nights. No KP2 as well… but I have different
> plans for KP2. Let’s see. Anything else u read on the internet isn’t true. Was
> never true… Love you all 🤗
> — Rakshit Shetty (@rakshitshetty) [January 30, 2023](https://x.com/rakshitshetty/status/1619925597815468032?ref_src=twsrc%5Etfw)

ರಕ್ಷಿತ್‌ ಶೆಟ್ಟಿ ನಟನೆಯ “ಸಪ್ತ ಸಾಗರದಾಚೆ ಎಲ್ಲೋ” ಸಿನಿಮಾ ಬಿಡುಗಡೆಯ ಹಂತಕ್ಕೆ ಬಂದಿದ್ದು, ಆ 
ಚಿತ್ರದ ನಂತರ ಹೊಂಬಾಳೆ ಫಿಲಂಸ್‌ ನಿರ್ಮಾಣದಲ್ಲಿ ಮೂಡಿಬರುವ “ರಿಚರ್ಡ್‌ ಆ್ಯಂಟನಿ” ಚಿತ್ರಕ್ಕೆ ರಕ್ಷಿತ್
ಬಣ್ಣ ಹಚ್ಚಲಿದ್ದಾರೆ. ಈ ಚಿತ್ರದ ನಟನೆ, ನಿರ್ದೇಶನದ ಜವಾಬ್ದಾರಿಯನ್ನು ರಕ್ಷಿತ್ ಶೆಟ್ಟಿ ಹೊತ್ತಿದ್ದು,
ಈಗಾಗಲೇ ಈ ಸಿನಿಮಾದ ಫ‌ಸ್ಟ್‌ಲುಕ್‌ ಟೀಸರ್‌ ಹಿಟ್‌ಲಿಸ್ಟ್‌ ಸೇರಿದೆ.

“ರಿಚರ್ಡ್‌ ಆ್ಯಂಟನಿ” ನಂತರ ರಕ್ಷಿತ್‌ “ಪುಣ್ಯಕೋಟಿ” ಮತ್ತು “ಎಂ2ಎಂ” (ಮಾರ್ನಿಂಗ್‌ ಟು ಮೋಕ್ಷ)
ಚಿತ್ರ ಮಾಡಲಿದ್ದಾರೆ. ಒಟ್ಟಾರೆ ರಕ್ಷಿತ್ ಸಾಲು ಸಾಲು ಸಿನಿಮಾದಲ್ಲಿ ಬ್ಯುಸಿಯಾಗಿದ್ದಾರೆ. ಈ ಎಲ್ಲಾ
ಸಿನಿಮಾಗಳ ನಂತರ “ಕಿರಿಕ್‌ ಪಾರ್ಟಿ-2” ಮಾಡಲಿದ್ದಾರೆ. ಈ ಚಿತ್ರವನ್ನು ವಿಭಿನ್ನ ರೀತಿಯಲ್ಲಿ ತೆರೆಗೆ
ತರಲಿದ್ದಾರೆ ಎಂದಿದ್ದಾರೆ.

ಇನ್ನು ಇದೀಗ ಬಿಡುಗಡೆಗೆ ಸಿದ್ಧವಾಗಿರುವ “ಸಪ್ತಸಾಗರದಾಚೆ ಎಲ್ಲೋ” ಚಿತ್ರ ಲವ್‌ಸ್ಟೋರಿಯಿಂದ ಕೂಡಿದೆ.
ಈ ಚಿತ್ರದಲ್ಲಿ ರಕ್ಷಿತ್‌ ಎರಡು ಶೇಡ್‌ನಲ್ಲಿ ಕಾಣಿಸಿಕೊಂಡಿದ್ದಾರೆ. ರಕ್ಷಿತ್‌ ತಮ್ಮದೇ ಬ್ಯಾನರ್‌ನಲ್ಲಿ
ನಿರ್ಮಿಸುತ್ತಿರುವ ಚಿತ್ರವಾಗಿದ್ದು, ಹೇಮಂತ್‌ ಕುಮಾರ್‌ ನಿರ್ದೇಶನ ಹಾಗೂ ಚಿತ್ರದ ನಾಯಕಿಯಾಗಿ ರುಕ್ಮಿಣಿ
ವಸಂತ್‌ ಬಣ್ಣ ಹಚ್ಚಿದ್ದಾರೆ.

Advertisement