# ರೇಬಿಸ್‌: ಕರ್ನಾಟಕ ದೇಶದಲ್ಲಿ ನಂ.2

- Link: https://hosakannada.com/news/rabies-karnataka-ranks-second-in-the-country/
- Published: 2026-07-09T09:30:02+00:00
- Author: ಹೊಸಕನ್ನಡ ನ್ಯೂಸ್

ಬೆಂಗಳೂರು: ರಾಜ್ಯದಲ್ಲಿ ರೇಬೀಸ್ ಪ್ರಕರಣಗಳು ಕಡಿಮೆಯಾಗಿದ್ದರೂ ರೇಬೀಸ್‌ನಿಂದ ಸಾವನ್ನಪ್ಪಿರುವವರ
ಪ್ರಮಾಣವು ಏರಿಕೆಯಾಗಿದೆ. 2022ರಲ್ಲಿ ರೇಬಿಸ್’ಗೆ 1 ಬಲಿಯಾಗಿದ್ದರೆ, 2024ರಲ್ಲಿ ಇದರ ಪ್ರಮಾಣ 42ಕ್ಕೆ
ತಲುಪಿದೆ.

Sponsored

ಕರ್ನಾಟಕದಲ್ಲಿ ಕಳೆದ 3 ವರ್ಷಗಳಲ್ಲಿ ರೇಬೀಸ್ ಪ್ರಕರಣಗಳ ಸಂಖ್ಯೆಯಲ್ಲಿ ಗಣನೀಯ ಇಳಿಕೆ ಕಂಡು ಬಂದಿದ್ದರೂ,
ಇದೇ ಅವಧಿಯಲ್ಲಿ ಸಾವಿನ ಸಂಖ್ಯೆಯಲ್ಲಿ ಭಾರೀ ಅಂಕಿ ಅಂಶದ ಏರಿಕೆ ಕಂಡು ಬಂದಿದೆ. ಇದರಿಂದಾಗಿ ಸಾವಿನ
ಪ್ರಮಾಣದಲ್ಲಿ ಕರ್ನಾಟಕ ದೇಶದಲ್ಲೇ ನಂ. 2 ರಾಜ್ಯವಾಗಿದೆ.

Advertisement

Advertisement

2025ರ ಅ. 5ರಂದು ಲೋಕಸಭೆಯಲ್ಲಿ ಮಂಡಿಸಲಾದ ಮಾಹಿತಿಯ ಪ್ರಕಾರ, ಕರ್ನಾಟಕದಲ್ಲಿ 2022ರಲ್ಲಿ 321, 
2023ರಲ್ಲಿ 267ಕ್ಕೆ, 2024ರಲ್ಲಿ 139ಕ್ಕೆ ಇಳಿಕೆಯಾಯಿತು. ಈ 3 ವರ್ಷಗಳ ಅವಧಿಯಲ್ಲಿ ವರದಿಯಾದ ಪ್ರಕರಣಗಳಲ್ಲಿ
ಶೇ.56.7ರಷ್ಟು ಗಣನೀಯ ಇಳಿಕೆ ಆಗಿದೆ. ಆದರೆ, ಪ್ರಕರಣ ಇಳಿಕೆಯಾಗಿದ್ದರೂ ಸಾವಿನ ಸಂಖ್ಯೆಯಲ್ಲಿ ಭಾರೀ
ಏರಿಕೆ ಕಂಡು ಬಂದಿದೆ. 2022ರಲ್ಲಿ ಕೇವಲ 1 ಸಾವು, 2023ರಲ್ಲಿ ಆ ಸಂಖ್ಯೆ 18, 2024ರಲ್ಲಿ 42ಕ್ಕೆ
ತಲುಪಿದೆ.

2024ರಲ್ಲಿ ಕರ್ನಾಟಕವು ಎರಡನೇ ಅತಿ ಹೆಚ್ಚು ರೇಬೀಸ್ ಸಾವು ದಾಖಲಿಸಿದ ರಾಜ್ಯವಾಗಿದೆ. ತಮಿಳುನಾಡು
43 ಸಾವುಗಳೊಂದಿಗೆ ಮೊದಲ ಸ್ಥಾನದಲ್ಲಿದೆ. ರೇಬೀಸ್‌ನ ಹೆಚ್ಚಿನ ಪ್ರಭಾವವಿರುವ ಇತರ ರಾಜ್ಯಗಳಲ್ಲಿ 
ಮೇಘಾಲಯ 13 ಸಾವುಗಳು, ಕೇರಳ 8 ಮತ್ತು ಗುಜರಾತ್ 7 ಸೇರಿವೆ. ಅಚ್ಚರಿಯೆಂದರೆ, ಉತ್ತರ ಪ್ರದೇಶ ಮತ್ತು
ಮಧ್ಯಪ್ರದೇಶ ಅತ್ಯಂತ ಹೆಚ್ಚಿನ ಪ್ರಕರಣಗಳ ಸಂಖ್ಯೆ ಹೊಂದಿದ್ದರೂ ಈ ರಾಜ್ಯಗಳು ಶೂನ್ಯ ರೇಬೀಸ್ ಸಾವು
ವರದಿ ಮಾಡಿವೆ. ಇದು ಉತ್ತಮ ವೈದ್ಯಕೀಯ ಸ್ಪಂದನೆಯನ್ನು ಅಥವಾ ವರದಿಯ ವ್ಯತ್ಯಾಸ ಅಥವಾ ಗಣಕ ದೋಷ ಆಗಿರಬಹುದು
ಎನ್ನಲಾಗಿದೆ.

Advertisement