# ಪುತ್ತೂರು: ಖಾಲಿ ಮನೆಗೆ ಬೆಂಕಿ, ಹತ್ತು ಲಕ್ಷ ನಷ್ಟ, ಕಳವು ಶಂಕೆ

- Link: https://hosakannada.com/news/puttur-fire-in-an-empty-house-loss-of-ten-lakh-suspicion-of-theft/
- Published: 2026-10-14T09:06:36+00:00
- Author: ಹೊಸಕನ್ನಡ ನ್ಯೂಸ್

ಪುತ್ತೂರು: ಕಸಬಾ ಗ್ರಾಮದ ಮುಖ್ಯ ರಸ್ತೆಯಲ್ಲಿರುವ ಕಾಸರಗೋಡಿನಲ್ಲಿ ವಾಸವಿರುವ ರಶ್ಮಿ ಬಿ ಭಟ್‌ ಅವರಿಗೆ
ಸೇರಿದ ಖಾಲಿ ಮನೆಯೊಂದಕ್ಕೆ ಬೆಂಕಿ ತಗುಲಿ ಸುಮಾರು ಹತ್ತು ಲಕ್ಷ ರೂ. ನಷ್ಟ ಸಂಭವಿಸಿರುವ ಘಟನೆ ಬೆಳಕಿಗೆ
ಬಂದಿದೆ. ಮನೆಯಲ್ಲಿದ್ದ ಸುಮಾರು ಮುವತ್ತು ಸಾವಿರ ಮೌಲ್ಯದ ವಸ್ತುಗಳು ಕಳುವಾಗಿರುವ ಶಂಕೆ ವ್ಯಕ್ತವಾಗಿದ್ದು,
ಪುತ್ತೂರು ನಗರ ಪೊಲೀಸ್‌ ಠಾಣೆಗೆ ದೂರು ನೀಡಲಾಗಿದೆ.

Sponsored

ಮನೆಯ ಹಿಂಭಾಗದಲ್ಲಿದ್ದ ಎರಡು ಬೆಡ್‌ರೂಂಗಳು, ಎರಡು ಬಾತ್‌ರೂಂ ಗಳು ಹಾಗೂ ತೆರೆದ ಹಾಲ್‌ನಂತಿರುವ 
ಛಾವಣಿ ಬೆಂಕಿಯಿಂದ ಸುಟ್ಟು ಕರಕಲಾಗಿದೆ. ಅಲ್ಲದೆ ಮನೆಯ ಹಿಂಭಾಗದ ಅಡುಗೆಮನೆಯ ಬಾಗಿಲಿನ ಕೆಳಭಾಗದ 
ಹಲಗೆಯನ್ನು ತೆಗೆದಿರುವುದು, ವಿದ್ಯುತ್‌ ಸ್ವಿಚ್‌ ಬೋರ್ಡ್‌ಗಳನ್ನು ಜಖಂಗೊಳಿಸಿ ವೈರ್‌ಗಳನ್ನು ಕೊಂಡೊಯ್ದಿರುವುದು
ಗಮನಕ್ಕೆ ಬಂದಿದೆ. ಐದು ಸೀಲಿಂಗ್‌ ಫ್ಯಾನ್‌ಗಳು, ಎರಡು ದೊಡ್ಡ ದೀಪಗಳು, ಆರತಿ ಸಾಮಾಗ್ರಿಗಳು ಹಾಗೂ
ಎರಡು ಹಿತ್ತಾಳೆಯ ತಟ್ಟೆಗಳು ಕಾಣೆಯಾಗಿದೆ. ಮನೆಯಲ್ಲಿ ದುರಸ್ತಿಗೆಂದು ಇಟ್ಟಿದ್ದ ಫ್ರಿಡ್ಜ್‌ ಮತ್ತು
ಮೈಕ್ರೋವೇವ್‌ಗಳನ್ನು ಕಳಚಿ ಪರಿಶೀಲಿಸಿರುವ ಗುರುತುಗಳೂ ಪತ್ತೆಯಾಗಿದೆ.

Advertisement

Advertisement

ಪೊಲೀಸರು ಸಮಗ್ರ ತನಿಖೆ ನಡೆಸಿ ಸೂಕ್ತ ಕಾನೂನು ಕ್ರಮ ಕೈಗೊಳ್ಳುವಂತೆ ರಶ್ಮಿ ಬಿ ಭಟ್‌ ಅವರು ಪೊಲೀಸರಿಗೆ
ನೀಡಿದ ದೂರಿನಲ್ಲಿ ಮನವಿ ಮಾಡಿದ್ದಾರೆ.

Advertisement