# KSRTC Staff: ಕೆ.ಎಸ್.ಆರ್.ಟಿ.ಸಿ ಸಿಬ್ಬಂದಿಯ ಸಮಯಪ್ರಜ್ಞೆ;ದಾರಿಮಧ್ಯೆ ಬಸ್ಸಿನಲ್ಲೇ ಗರ್ಭಿಣಿ ಮಹಿಳೆಗೆ ಹೆರಿಗೆ

- Link: https://hosakannada.com/news/punctuality-of-ksrtc-staff-pregnant-woman-gives-birth-in-bus-on-the-way/
- Published: 2023-05-16T09:53:57+00:00
- Author: ಕೆ. ಎಸ್. ರೂಪಾ

KSRTC Staff: ಕೆ.ಎಸ್.ಆರ್.ಟಿ.ಸಿ ಸಿಬ್ಬಂದಿಯ (KSRTC Staff) ಸಮಯಪ್ರಜ್ಞೆಯಿಂದ ಪ್ರಾಣಹಾನಿಯೊಂದು
ತಪ್ಪಿದ್ದು,ರಸ್ತೆ ಮಧ್ಯೆಯೇ ಪ್ರಸವ ವೇದನೆಗೊಳಗಾದ ಗರ್ಭಿಣಿ ಮಹಿಳೆಯೊಬ್ಬರಿಗೆ ಯಶಸ್ವಿ ಹೆರಿಗೆ ಮಾಡಿಸಿದ
ಮಹಿಳಾ ಸಿಬ್ಬಂದಿ ಪ್ರಶಂಸೆಗೆ ಪಾತ್ರರಾಗಿದ್ದಾರೆ.

Sponsored

ಚಿಕ್ಕಮಗಳೂರು ಘಟಕದ ಬಸ್ಸು ಇದಾಗಿದ್ದು, ಎಂದಿನಂತೆ ಬೆಂಗಳೂರು-ಚಿಕ್ಕಮಗಳೂರು ರಸ್ತೆಯಲ್ಲಿ ಸಂಚರಿಸುತ್ತಿತ್ತು.
ಬಸ್ಸು ಉದಯಪುರ ಕೃಷಿ ಕಾಲೇಜು ಬಳಿ ತಲುಪುತ್ತಿದ್ದಂತೆ ಬಸ್ಸಿನಲ್ಲಿದ್ದ ಬೆಂಗಳೂರಿನಿಂದ ಬೇಲೂರಿಗೆ
ಪ್ರಯಾಣಿಸುತ್ತಿದ್ದ ಗರ್ಭಿಣಿ ಮಹಿಳೆಯೊಬ್ಬರಿಗೆ ಹೆರಿಗೆ ನೋವು ಕಾಣಿಸಿಕೊಂಡಿದೆ ಎನ್ನಲಾಗಿದೆ.

Advertisement

Advertisement

ಕೂಡಲೇ ಬಸ್ಸಿನ ಸಿಬ್ಬಂದಿಗಳು ಆಸ್ಪತ್ರೆಗೆ ಸಾಗಿಸುವ ಯತ್ನ ನಡೆಸಿದ್ದು, ಆ ದಾರಿಯಲ್ಲಿ ಸುಮಾರು 10
ಕಿಲೋ ಮೀಟರ್ ದೂರಕ್ಕೆ ಯಾವುದೇ ಆಸ್ಪತ್ರೆ ಇಲ್ಲ ಎನ್ನುವುದು ಗಮನಕ್ಕೆ ಬರುತ್ತಿದ್ದಂತೆ ಬಸ್ಸು ರಸ್ತೆ
ಬದಿ ನಿಲ್ಲಿಸಿ ಎಲ್ಲಾ ಪ್ರಯಾಣಿಕರನ್ನು ಕೆಳಗಿಳಿಸಿದ ಮಹಿಳಾ ಸಿಬ್ಬಂದಿ ತಾನೇ ಮುಂದೆ ನಿಂತು ಗರ್ಭಿಣಿ
ಮಹಿಳೆಗೆ ಹೆರಿಗೆ ಮಾಡಿಸಿದ್ದಾರೆ.ಸದ್ಯ ಈ ವಿಚಾರ ಸುದ್ದಿಯಾಗಿದ್ದು, ಆಂಬುಲೆನ್ಸ್ ನಲ್ಲಿ ಹೆರಿಗೆ
ಆಗುವ ಸುದ್ದಿ ಕೇಳಿದ್ದ ಜನ ಬಸ್ಸಿನಲ್ಲಿ ಹೆರಿಗೆ ಮಾಡಿಸಿದ ಹಾಗೂ ಮಹಿಳಾ ಸಿಬ್ಬಂದಿಯ ಕಾರ್ಯಕ್ಕೆ 
ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.

ಇದನ್ನೂ ಓದಿ:[ಮಂಡ್ಯದಲ್ಲೊಂದು ಮಹಿಳೆಯ ಭೀಕರ ಕೊಲೆ, ಬೆಚ್ಚಿಬಿದ್ದ ಜನ, ಅತ್ಯಾಚಾರ ಮಾಡಿ ಕೊಲೆ ಶಂಕೆ!!!](https://hosakannada.com/2023/05/16/suspect-of-abuse-and-murder-of-a-woman-in-mandya/)

Advertisement
