# Puducherry: ಪ್ರೇಮಿಗಳ ದಿನಕ್ಕೆ ಭರ್ಜರಿ ಆಫರ್ – ಒಂದು ಫುಲ್ ಬಾಟಲ್ ಖರೀದಿಸಿದರೆ ಮತ್ತೊಂದು ಫ್ರೀ

- Link: https://hosakannada.com/news/puducherry-great-offer-for-valentines-day-buy-one-full-bottle-get-another-free/
- Published: 2026-02-12T22:25:44+00:00
- Author: ಹೊಸಕನ್ನಡ ನ್ಯೂಸ್

Puducherry: ಫೆಬ್ರವರಿ 14ರಂದು ಇಡೀ ಜಗತ್ತಿನಾದ್ಯಂತ ಪ್ರೇಮಿಗಳ ದಿನವನ್ನು ಆಚರಿಸಲಾಗುತ್ತದೆ. 
ಆರಂಭದಲ್ಲಿ ಇದಕ್ಕೆ ತನ್ನದೇ ಆದ ಮಹತ್ವವಿದ್ದರೂ ಕೂಡ, ಇಂದಿನ ದಿನಗಳಲ್ಲಿ ಈ ಪ್ರೇಮಿಗಳ ದಿನ ತನ್ನ
ಮಹತ್ವವನ್ನು ಕಳೆದುಕೊಳ್ಳುತ್ತಿದೆ. ಯುವ ಜನಾಂಗ ಆಧುನಿಕತೆಗೆ ತಮ್ಮನ್ನು ತೆರೆದುಕೊಂಡು ಮಾರ್ಡನ್ 
ಶೈಲಿಯಲ್ಲಿ ಈ ದಿನವನ್ನು ಆಚರಿಸಿಕೊಳ್ಳುತ್ತಾರೆ. ಕೆಲವರು ಮಿತಿಮೀರಿ ವರ್ತಿಸುವುದು ಉಂಟು. ಈ ರೀತಿಯ
ಘಟನೆಗಳಿಗೆ ನಮ್ಮ ಸುತ್ತಮುತ್ತಲಿನವರು ಪ್ರೋತ್ಸಾಹ ನೀಡುತ್ತಿರುವುದು ವಿಷಾದ ಸಂಗತಿಯೇ ಹೌದು. ಇದೀಗ
ಅಂತದ್ದೇ ಒಂದು ವಿಚಾರವನ್ನು ನಾವು ಹೇಳ ಹೊರಟಿದ್ದು, ಪ್ರೇಮಿಗಳ ದಿನ ಒಂದು ಫುಲ್ ಬಾಟಲ್ ಖರೀದಿಸಿದರೆ
ಮತ್ತೊಂದು ಫ್ರೀ ಕೊಡುವುದಾಗಿ ಮದ್ಯದ ಅಂಗಡಿಗಳು ಹೇಳಿಕೊಂಡಿವೆ 

Sponsored

ಹೌದು, ಖಾಸಗಿ ಮದ್ಯದಂಗಡಿಗಳು ಪ್ರೇಮಿಗಳ ದಿನದ ಸಂದರ್ಭದಲ್ಲಿ ಪ್ರೇಮಿಗಳನ್ನು ಗುರಿಯಾಗಿಸಿಕೊಂಡು 
ಭರ್ಜರಿ ಆಫರ್‌ಗಳನ್ನು ಘೋಷಿಸಿವೆ. “ಒಂದು ಖರೀದಿಸಿ, ಒಂದು ಉಚಿತ” ಎಂಬಂತಹ ಆಫರ್‌ಗಳೊಂದಿಗೆ ಗ್ರಾಹಕರನ್ನು
ಆಕರ್ಷಿಸಲು ಅವರು ಪ್ರಯತ್ನಿಸಿದ್ದಾರೆ ಎಂದು ವರದಿಯಾಗಿದೆ. ಅಂದ ಹಾಗೆ ಈ ರೀತಿ ಅಂಗಡಿಗಳು ಆಫರ್ ನೀಡಿರುವುದು
ಪುದುಚೇರಿಯಲ್ಲಿ.

Advertisement

Advertisement

ಯಸ್, ಪುದುಚೇರಿಯಲ್ಲಿ ಕಡಿಮೆ ಬೆಲೆಯಲ್ಲಿ ಮತ್ತು ಉತ್ತಮ ಗುಣಮಟ್ಟದಲ್ಲಿ ವಿದೇಶಿ ಮದ್ಯ ಲಭ್ಯವಿರುವುದರಿಂದ,
ಇತರ ರಾಜ್ಯಗಳು ಮತ್ತು ವಿದೇಶಗಳಿಂದ ಹೆಚ್ಚಿನ ಸಂಖ್ಯೆಯ ಪ್ರವಾಸಿಗರು ಇಲ್ಲಿಗೆ ಬರುತ್ತಾರೆ. ವಿಶೇಷವಾಗಿ
ವಾರಾಂತ್ಯಗಳು ಮತ್ತು ವಿಶೇಷ ದಿನಗಳಲ್ಲಿ ಮದ್ಯ ಮಾರಾಟ ಗಮನಾರ್ಹವಾಗಿ ಹೆಚ್ಚಾಗುತ್ತದೆ. ಇದೀಗ ಕೆಲವು
ಅಂಗಡಿಗಳು ಪ್ರೇಮಿಗಳ ದಿನಕ್ಕೂ ಕೂಡ ಈ ರೀತಿಯ ವಿಚಿತ್ರ ಆಫರ್ ನೀಡಿವೆ.

ಈ ವಿಷಯ ಅಬಕಾರಿ ಇಲಾಖೆಯ ಗಮನಕ್ಕೆ ಬಂದಿದೆ. ತಕ್ಷಣವೇ ಕಾರ್ಯಪ್ರವೃತ್ತರಾದ ತಹಶೀಲ್ದಾರ್ ರಾಜೇಶ್‌ಕಣ್ಣ
ನೇತೃತ್ವದಲ್ಲಿ ಕರುವಾಡಿಕುಪ್ಪಂ ಪ್ರದೇಶದ ಖಾಸಗಿ ಮದ್ಯದಂಗಡಿಗಳ ಮೇಲೆ ಅನಿರೀಕ್ಷಿತ ತಪಾಸಣೆ ನಡೆಸಲಾಗಿದೆ.
ತಪಾಸಣೆಯ ಸಮಯದಲ್ಲಿ, ರಿಯಾಯಿತಿ ಬೆಲೆಗಳು ಮತ್ತು ಉಚಿತ ಕೊಡುಗೆಗಳ ನೆಪದಲ್ಲಿ ಮದ್ಯವನ್ನು ಮಾರಾಟ 
ಮಾಡುತ್ತಿರುವುದು ಕಂಡುಬಂದಿದೆ. ಇದು ಅಬಕಾರಿ ನಿಯಮಗಳಿಗೆ ವಿರುದ್ಧವಾಗಿದೆ ಎಂದು ಅಧಿಕಾರಿಗಳು ಸ್ಪಷ್ಟಪಡಿಸಿದ್ದಾರೆ.
ಅಲ್ಲದೆ ಮದ್ಯ ಮಾರಾಟದ ಮೇಲೆ ವಿಶೇಷ ಬೆಲೆಗಳು ಮತ್ತು ಉಚಿತ ಕೊಡುಗೆಗಳನ್ನು ನೀಡುವುದು ಕಾನೂನಿಗೆ 
ವಿರುದ್ಧವಾಗಿದೆ ಮತ್ತು ಅಂತಹ ಕೊಡುಗೆಗಳನ್ನು ತಕ್ಷಣವೇ ನಿಲ್ಲಿಸುವಂತೆ ಅಂಗಡಿ ಮಾಲೀಕರಿಗೆ ಎಚ್ಚರಿಕೆ
ನೀಡಿದ್ದಾರೆ. ಅಧಿಕಾರಿಗಳು ಎಚ್ಚರಿಸಿದ ನಂತರ ಸಂಬಂಧಪಟ್ಟ ಅಂಗಡಿಗಳು ತಮ್ಮ ಕೊಡುಗೆಗಳನ್ನು ತಕ್ಷಣವೇ
ಹಿಂತೆಗೆದುಕೊಂಡವು. ಅನಿರೀಕ್ಷಿತ ತಪಾಸಣೆಯ ನಂತರ ಮದ್ಯದ ಅಂಗಡಿಗಳ ಮಾಲೀಕರು ಚಿಂತೆಗೀಡಾಗಿದ್ದಾರೆ.

Advertisement