# ವಿದ್ಯಾರ್ಥಿನಿಯರ ಜೊತೆ ಡ್ಯಾಂನಲ್ಲಿ ಪ್ರಿನ್ಸಿಪಾಲ್ ಸ್ನಾನ!!

- Link: https://hosakannada.com/news/principal-bathes-in-dam-with-female-students/
- Published: 2026-08-24T10:58:03+00:00
- Author: ಹೊಸಕನ್ನಡ ನ್ಯೂಸ್

ಸರ್ಕಾರಿ ಶಾಲೆಯ ಪ್ರಿನ್ಸಿಪಾಲ್‌ ಲಾಲ್‌ಚಂದ್‌ ಮೀನಾ ಅವರು 200ಕ್ಕೂ ಹೆಚ್ಚು ವಿದ್ಯಾರ್ಥಿಗಳನ್ನು
ಡ್ಯಾಂಗೆ ಕರೆದೊಯ್ದು, ವಿದ್ಯಾರ್ಥಿನಿಯರೊಂದಿಗೆ ನೀರಿಗೆ ಇಳಿದು ಸ್ನಾನ ಮಾಡಿರುವ ಘಟನೆಯೊಂದು ರಾಜಸ್ಥಾನದ
ಅಲ್ವಾರ್‌ನಲ್ಲಿ ನಡೆದಿದೆ. ಇದರ ವಿಡಿಯೋ ವೈರಲ್‌ ಆಗಿದೆ. 

Sponsored

ವಿಡಿಯೋ ವೈರಲ್ ಆಗುತ್ತಿದ್ದಂತೆ ಶಾಲೆಯ ಪ್ರಿನ್ಸಿಪಾಲ್‌ ಲಾಲ್‌ಚಂದ್‌ ಮೀನಾ ಅವರ ವರ್ತನೆ ಇದೀಗ ಭಾರಿ
ವಿವಾದಕ್ಕೆ ಕಾರಣವಾಗಿದೆ. 11 ಮತ್ತು 12ನೇ ತರಗತಿಯ ವಿದ್ಯಾರ್ಥಿನಿಯರೊಂದಿಗೆ ಡ್ಯಾಂಗೆ ಇಳಿದು ಈಜುತ್ತಿದ್ದ
ದೃಶ್ಯಗಳಿರುವ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್‌ ಆದ ಹಿನ್ನೆಲೆಯಲ್ಲಿ ಶಿಕ್ಷಣ ಇಲಾಖೆ ಕ್ರಮ
ಕೈಗೊಂಡಿದೆ. ಸುರಕ್ಷತಾ ನಿಯಮ ಉಲ್ಲಂಘನೆ ಹಾಗೂ ಅನುಚಿತ ವರ್ತನೆ ಆರೋಪದ ಹಿನ್ನೆಲೆಯಲ್ಲಿ ಶಿಕ್ಷಣ 
ಇಲಾಖೆ ಅವರನ್ನು ಅಮಾನತುಗೊಳಿಸಿ, ಪ್ರಕರಣದ ಕುರಿತು ಇಲಾಖಾ ತನಿಖೆಗೆ ಆದೇಶಿಸಿದೆ.  

Advertisement

Advertisement

ಈ ಘಟನೆ ಆಗಸ್ಟ್‌ 15ರಂದು ನಡೆದಿರುವುದಾಗಿ ಅಧಿಕಾರಿಗಳು ತಿಳಿಸಿದ್ದಾರೆ. ಸ್ವಾತಂತ್ರ್ಯ ದಿನಾಚರಣೆ
ಮುಗಿದ ಬಳಿಕ ಪ್ರಿನ್ಸಿಪಾಲ್‌ 200ಕ್ಕೂ ಹೆಚ್ಚು ವಿದ್ಯಾರ್ಥಿಗಳನ್ನು ಶಾಲೆಯಿಂದ ಸುಮಾರು ಎರಡು ಕಿಲೋಮೀಟರ್‌
ದೂರದಲ್ಲಿರುವ ಭರಾಜ್‌ ಡ್ಯಾಂಗೆ ಕರೆದೊಯ್ದಿದ್ದರು. ವಿದ್ಯಾರ್ಥಿಗಳಿಗೆ ಈಜು ಕಲಿಸುವ ಉದ್ದೇಶದಿಂದ
ಅವರನ್ನು ಅಲ್ಲಿಗೆ ಕರೆದೊಯ್ಯಲಾಗಿತ್ತು ಎಂದು ಕೆಲವು ವರದಿಗಳು ತಿಳಿಸಿವೆ. ಆದರೆ, ವಿದ್ಯಾರ್ಥಿಗಳನ್ನು
ಡ್ಯಾಂನ ನೀರಿಗೆ ಇಳಿಸುವ ವೇಳೆ ಸೂಕ್ತ ಸುರಕ್ಷತಾ ಕ್ರಮಗಳನ್ನು ಕೈಗೊಂಡಿರಲಿಲ್ಲ ಎಂಬ ಆರೋಪಗಳು ಕೇಳಿಬಂದಿವೆ.

ಅಲ್ಲದೆ ವಿದ್ಯಾರ್ಥಿನಿಯರೊಂದಿಗೆ ಪ್ರಿನ್ಸಿಪಾಲ್‌ ನೀರಿಗೆ ಇಳಿದ ದೃಶ್ಯಗಳನ್ನು ಕೆಲವರು ವಿಡಿಯೋ 
ಮಾಡಿದ್ದಾರೆ ಎನ್ನಲಾಗಿದೆ. ಆ ವಿಡಿಯೋದಲ್ಲಿ ಅವರು ವಿದ್ಯಾರ್ಥಿನಿಯರ ಸಮ್ಮುಖದಲ್ಲಿ ಬಟ್ಟೆಯಿಲ್ಲದೆ
ನೀರಿನಲ್ಲಿ ಕಾಣಿಸಿಕೊಂಡಿದ್ದಾರೆ ಎಂದು ಹಲವು ಮಾಧ್ಯಮ ವರದಿಗಳು ತಿಳಿಸಿವೆ.  ವೈರಲ್‌ ವಿಡಿಯೋ ಕುರಿತು
ಪೊಲೀಸರು ಕೂಡ ಪರಿಶೀಲನೆ ಆರಂಭಿಸಿದ್ದಾರೆ. ವಿಡಿಯೋ ನೈಜವೇ, ವಿದ್ಯಾರ್ಥಿಗಳನ್ನು ಡ್ಯಾಂಗೆ ಕರೆದೊಯ್ದ
ಸಂದರ್ಭವೇನು, ಅಲ್ಲಿ ಯಾವ ರೀತಿಯ ಸುರಕ್ಷತಾ ಕ್ರಮಗಳನ್ನು ಕೈಗೊಳ್ಳಲಾಗಿತ್ತು ಎಂಬುದರ ಕುರಿತು ಅಧಿಕಾರಿಗಳು
ತನಿಖೆ ನಡೆಸುತ್ತಿದ್ದಾರೆ.

Advertisement