# ಭಾರತಕ್ಕೆ ಬಂದಿಳಿದ 8 ಚೀತಾಗಳು  | ವಿಶೇಷ ಅತಿಥಿಗಳನ್ನು ರಾಷ್ಟ್ರೀಯ ಉದ್ಯಾನವನಕ್ಕೆ ಅರ್ಪಿಸಿದ ಪ್ರಧಾನಿ ಮೋದಿ

- Link: https://hosakannada.com/news/prime-minister-narendra-modi-relates-cheetahs-that-bought-from-namibia-at-kuno-national-park/
- Published: 2022-09-17T12:00:17+00:00
- Author: ಹೊಸಕನ್ನಡ ನ್ಯೂಸ್

ನವದೆಹಲಿ: ಭಾರತಕ್ಕೆ 8 ಚೀತಾಗಳನ್ನು ಕರೆತರಲಾಗಿದ್ದು, ಪ್ರಧಾನಿ ಮೋದಿ ತಮ್ಮ ಹುಟ್ಟು ಹಬ್ಬದಂದೇ 
ಉದ್ಯಾನವನಕ್ಕೆ ಬಿಡುಗಡೆ ಮಾಡುವ ಮೂಲಕ ಸ್ವಾಗತಿಸಿದರು.

Sponsored

ನಮೀಬಿಯಾದಿಂದ ವಿಶೇಷ ವಿಮಾನ ಮೂಲಕ ಕರೆತರಲಾದ 8 ಚೀತಾಗಳನ್ನು ಮಧ್ಯಪ್ರದೇಶದ ಕುನೋ ರಾಷ್ಟ್ರೀಯ ಉದ್ಯಾನವನಕ್ಕೆ
ಬಿಡುಗಡೆ ಮಾಡಿದ್ದಾರೆ. ಬೋನಿನ ಬಾಗಿಲುಗಳನ್ನು ಯಂತ್ರದ ಸಹಾಯದ ಮೂಲಕ ತೆರೆಯುವುದರೊಂದಿಗೆ ಪ್ರಧಾನಿ
ಮೋದಿ ಅವರು ಚೀತಾಗಳನ್ನು ಭಾರತದ ಮಣ್ಣಿಗೆ ಬಿಟ್ಟರು.

Advertisement

Advertisement

ಭಾರತದಲ್ಲಿ ಚೀತಾಗಳ ಸಂಖ್ಯೆಯನ್ನು ವೃದ್ಧಿಸುವ ನಿಟ್ಟಿನಲ್ಲಿ ನಮೀಬಿಯಾ ದೇಶದಿಂದ ಚೀತಾಗಳನ್ನು ಕರೆತರಲಾಗಿದೆ.
ಇದಕ್ಕಾಗಿ ನಮೀಬಿಯಾ ದೇಶದಿಂದ ಚೀತಾಗಳನ್ನು ಆಮದು ಮಾಡಿಕೊಳ್ಳಲು ಒಪ್ಪಂದ ಮಾಡಲಾಗಿತ್ತು. ಈ ಪ್ರಯತ್ನದ
ಫಲವಾಗಿ ಇದೀಗ ಭಾರತಕ್ಕೆ ಮೊದಲ ಹಂತದಲ್ಲಿ 8 ಚೀತಾಗಳು ಬಂದಿವೆ. ಸುಮಾರು 70 ವರ್ಷಗಳ ಹಿಂದೆ ಅಳಿದು
ಹೋಗಿದ್ದ ಚೀತಾ ಸಂತತಿ ಭಾರತಕ್ಕೆ ಮತ್ತೆ ಮರಳಿದೆ.

ನಮೀಬಿಯಾ ರಾಜಧಾನಿ ವಿಂಡ್ಹೋಕ್​ನಿಂದ ವಿಶೇಷವಾಗಿ ವಿನ್ಯಾಸಗೊಳಿಸಲಾದ ಬಿ747 ಜಂಬೋ ಜೆಟ್​ನಿಂದ 8 
ಚೀತಾಗಳನ್ನು ಕರೆತರಲಾಗಿದೆ. 8ರಲ್ಲಿ 5 ಚೀತಾ ಹೆಣ್ಣು ಮತ್ತು 3 ಚೀತಾ ಗಂಡು. ಭಾರತಕ್ಕೆ ಆಗಮಿಸಿದ
ಈ ವಿಶೇಷ ಅತಿಥಿಗಳನ್ನು ಪ್ರಧಾನಿ ಮೋದಿ ಅವರು ತಮ್ಮ ಹುಟ್ಟುಹಬ್ಬದಂದೇ ಮಧ್ಯಪ್ರದೇಶದ ಕುನೋ ರಾಷ್ಟ್ರೀಯ
ಉದ್ಯಾನವನಕ್ಕೆ ಅರ್ಪಿಸಿದ್ದಾರೆ.

> Prime Minister Narendra Modi releases the cheetahs that were brought from Namibia
> this morning, at Kuno National Park in Madhya Pradesh. [pic.twitter.com/dtW01xzElV](https://t.co/dtW01xzElV)
> — ANI (@ANI) [September 17, 2022](https://x.com/ANI/status/1571016505537753089?ref_src=twsrc%5Etfw)

Advertisement