# ಪರೇಶ್‌ ಮೇಸ್ತ ಸಾವು ಪ್ರಕರಣ : ʼಸಿಬಿಐ ವರದಿಯನ್ನು ಒಪ್ಪಲ್ಲʼ – ಪ್ರಮೋದ್‌ ಮುತಾಲಿಕ್

- Link: https://hosakannada.com/news/pramod-muthalik-about-paramesh-mestha-death/
- Published: 2022-10-04T16:23:05+00:00
- Author: ನಿಶ್ಮಿತಾ ಎನ್.

2017ರ ಡಿಸೆಂಬರ್ 6ರಂದು ಹೊನ್ನಾವರದಲ್ಲಿ ನಡೆದ ಗಲಭೆಯೊಂದರಲ್ಲಿ ಮೀನುಗಾರ ಯುವಕ ಪರೇಶ್ ಮೇಸ್ತಾ 
ಅನುಮಾನಾಸ್ಪದವಾಗಿ ಸಾವಿಗೀಡಾಗಿದ್ದು, ಇದನ್ನು ಕೊಲೆ ಎಂದು ಬಿಂಬಿಸಲಾಗಿತ್ತು. ಈ ಸಾವಿನ ಪಟ್ಟವನ್ನು
ಬಿಜೆಪಿ ಮತ್ತು ಹಿಂದೂಪರ ಸಂಘಟನೆಗಳು ಅನ್ಯಕೋಮಿನವರ ತಲೆಗೆ ಕಟ್ಟಲಾಗಿತ್ತು. ಹಲವು ಬಗೆಯ ದೊಂಬಿಗಳು,
ಬಂದ್‌ ಗಳು ಮುಂತಾದವು ಸಂಭವಿಸಿದ್ದವು.

Sponsored

ಆದರೆ 5 ವರ್ಷದ ಸುದೀರ್ಘ ತನಿಖೆಯ ಬಳಿಕ ಸಿ ಬಿ ಐ ʼಇದು ಕೊಲೆಯಲ್ಲ, ಆಕಸ್ಮಿಕ ಸಾವುʼ ಎಂದು ವರದಿ 
ನೀಡಿ ನ್ಯಾಯಾಲಯಕ್ಕೆ ಸಲ್ಲಿಸಿದೆ. ಈ ಕುರಿತು ಹಲವರು ಬಿಜೆಪಿ ವಿರೋಧಿಗಳು ಬಿಜೆಪಿಯನ್ನು ಮತ್ತು ಹಿಂದೂ
ಪರ ಸಂಘಟನೆಗಳನ್ನು ವ್ಯಾಪಕ ಟೀಕೆಗೊಳಪಡಿಸುತ್ತಿದ್ದಾರೆ.

Advertisement

Advertisement

ಇದರ ಬೆನ್ನಲ್ಲೇ ಸಿ ಬಿ ಐ ನೀಡಿದ ವರದಿಯನ್ನು ಶ್ರೀ ರಾಮ ಸೇನೆಯ ಮುಖ್ಯಸ್ಥ ಪ್ರಮೋದ್‌ ಮುತಾಲಿಕ್‌
ಅಲ್ಲಗಳೆದಿದ್ದಾರೆ. ʼಪರೇಶ್ ಮೇಸ್ತ ನನ್ನು ನೂರಕ್ಕೆ ನೂರು ಕೊಲೆಗೆಯ್ಯಲಾಗಿದೆ. ಇದರಲ್ಲಿ ಅನುಮಾನವೇ
ಇಲ್ಲ. ಕೇಂದ್ರ ಸರ್ಕಾರ ಈ ಕೇಸನ್ನು ಮರು ತೆರೆಯಬೇಕು ಎಂದು ಅವರು ಆಗ್ರಹಿಸಿದ್ದಾರೆ.

ಈ ಬಗ್ಗೆ ಮಾಧ್ಯಮ ಪ್ರತಿನಿಧಿಗಳೊಂದಿಗೆ ಮಾತನಾಡಿದ ಅವರು, ʼಆ ಸಂದರ್ಭದಲ್ಲಿ ಅಧಿಕಾರದ ಗದ್ದುಗೆಯಲ್ಲಿದ್ದ
ಸಿದ್ದರಾಮಯ್ಯ ನೇತೃತ್ವದ ಕಾಂಗ್ರೆಸ್ ಸರ್ಕಾರವು ಪೂರಕ ಸಾಕ್ಷ್ಯಗಳನ್ನು ನಾಶ ಮಾಡಿದೆ. ಕೇಂದ್ರ ಸರ್ಕಾರ
ಈ ಪ್ರಕರಣವನ್ನು ಮರು ತೆರೆಯಬೇಕು. ಸಿಬಿಐ ನೀಡಿದ ವರದಿ ಮೋಸದ ವರದಿ. ಇದನ್ನು ಒಪ್ಪಲ್ಲʼ ಎಂದೂ ಹೇಳಿದ್ದಾರೆ.

Advertisement