# Pradhan Mantri Shram Yogi Mandhan | 60 ವರ್ಷದ ಮೇಲಿನ ಕಾರ್ಮಿಕರಿಗಾಗಿಯೇ ಇರುವ ಈ ಯೋಜನೆಯಡಿ ಪಡೆಯಿರಿ ತಿಂಗಳಿಗೆ 3 ಸಾವಿರ ಪಿಂಚಣಿ!

- Link: https://hosakannada.com/news/pradhan-mantri-shram-yogi-mandhan/
- Published: 2023-02-10T20:39:14+00:00
- Author: ಕೆ. ಎಸ್. ರೂಪಾ

ಸರ್ಕಾರವು ಕಾರ್ಮಿಕರಿಗಾಗಿ ಹಲವಾರು ಯೋಜನೆಗಳನ್ನು ರೂಪಿಸುತ್ತಲೇ ಬಂದಿದ್ದು, ಆರ್ಥಿಕವಾಗಿ ಹಿಂದುಳಿದವರಿಗೆ
ಸಹಾಯ ಮಾಡುವುದೇ ಈ ಯೋಜನೆಗಳ ಗುರಿಯಾಗಿದೆ. ಅದರಂತೆ ಇದೀಗ ಸರ್ಕಾರವು 60 ವರ್ಷ ಮೇಲಿನ ಕಾರ್ಮಿಕರಿಗೆ
ಸಹಾಯ ಮಾಡಲೆಂದೆ ಹೊಸ ಪಿಂಚಣಿಯನ್ನು ಪರಿಚಯಿಸಿದೆ.

Sponsored

ಅದುವೇ ಕೇಂದ್ರ ಸರ್ಕಾರದ ಪ್ರಧಾನ ಮಂತ್ರಿ ಶ್ರಮ ಯೋಗಿ ಮಂಧನ್ ಯೋಜನೆ. ಈ ಯೋಜನೆಯಡಿ ಸರ್ಕಾರವು 60
ವರ್ಷ ವಯಸ್ಸಿನ ಕಾರ್ಮಿಕರಿಗೆ ಮಾಸಿಕ ಪಿಂಚಣಿ ನೀಡುತ್ತದೆ. ಈ ಯೋಜನೆಯಡಿ ಹೂಡಿಕೆ ಮಾಡುವ ಪ್ರತಿ ಕಾರ್ಮಿಕರು
60 ವರ್ಷಗಳನ್ನ ಪೂರೈಸಿದ ನಂತರ ಪ್ರತಿ ತಿಂಗಳು ರೂ.3,000 ಪಿಂಚಣಿ ಪಡೆಯಬಹುದು.

Advertisement

Advertisement

ಈ ಯೋಜನೆಗೆ ಸೇರಲು ನೀವು 18 ರಿಂದ 60 ವರ್ಷ ವಯಸ್ಸಿನವರಾಗಿರಬೇಕು. ಅಂದಹಾಗೆ ಈ ಯೋಜನೆಯು ಮಾಸಿಕ 
ಆದಾಯ 15,000 ರೂಪಾಯಿಗಿಂತ ಕಡಿಮೆ ಇರುವವರು, ಟೈಲರ್ಗಳು, ಚಮ್ಮಾರರು, ರಿಕ್ಷಾ ಚಾಲಕರು, ಮನೆಗೆಲಸದವರು
ಮುಂತಾದ ಅಸಂಘಟಿತ ವಲಯದಲ್ಲಿ ಕೆಲಸ ಮಾಡುವ ಕಾರ್ಮಿಕರು ಈ ಯೋಜನೆ ಲಾಭ ಪಡೆಯಬಹುದು. ಆದಾಯ ತೆರಿಗೆ 
ಪಾವತಿಸುವ ವ್ಯಕ್ತಿಗಳು ಈ ಯೋಜನೆಯನ್ನ ಪಡೆಯಲು ಸಾಧ್ಯವಿಲ್ಲ. EPFO, NPS, NSIC ಚಂದಾದಾರರು ಈ ಯೋಜನೆಯ
ಪ್ರಯೋಜನವನ್ನ ಪಡೆಯಲು ಸಾಧ್ಯವಿಲ್ಲ.

ಈ ಯೋಜನೆಗೆ ಆನ್ಲೈನ್ ಮತ್ತು ಆಫ್ಲೈನ್ನಲ್ಲಿ ಅರ್ಜಿ ಸಲ್ಲಿಸಬಹುದು. [www.maandhan.in](http://www.maandhan.in)
ಗೆ ಭೇಟಿ ನೀಡುವ ಮೂಲಕ ನೀವು ಈ ಯೋಜನೆಗೆ ಆನ್ಲೈನ್ನಲ್ಲಿ ಅರ್ಜಿ ಸಲ್ಲಿಸಬಹುದು . ಅರ್ಜಿ ನಮೂನೆಯನ್ನ
ಭರ್ತಿ ಮಾಡಲು, ಮೊಬೈಲ್ ಸಂಖ್ಯೆಗೆ  OTP ಬರುತ್ತದೆ. ಈ ಮೂಲಕ ಅರ್ಜಿ ಭರ್ತಿ ಗೊಳಿಸಬಹುದು. ಹಾಗೆಯೇ,
ಸಾಮಾನ್ಯ ಸೇವಾ ಕೇಂದ್ರಕ್ಕೆ ಹೋಗಿ ಆಫ್ಲೈನ್ ಅರ್ಜಿಯನ್ನು ನೀಡಬಹುದು.

ಈ ಯೋಜನೆಯನ್ನ ಪಡೆಯಲು ರೂ.55 ರಿಂದ ರೂ. 200 ಠೇವಣಿ ಇಡಬೇಕು. ಇದರಲ್ಲಿ ಶೇ 50ರಷ್ಟು ಫಲಾನುಭವಿಗಳು
ಹಾಗೂ ಶೇ 50ರಷ್ಟು ಸರ್ಕಾರದಿಂದ ವಂತಿಗೆ ಪಡೆಯಲಾಗುತ್ತದೆ. ಪಿಂಚಣಿದಾರರು ಮೃತ ಪಟ್ಟರೇ ಅವರ ಪತ್ನಿ
ಅಥವಾ ಪತಿ ಪಿಂಚಣಿ ಮೊತ್ತವನ್ನ ಪಡೆಯುತ್ತಾರೆ. ಈ ಸಂದರ್ಭದಲ್ಲಿ ಪ್ರತಿ ಪಿಂಚಣಿದಾರರು ವರ್ಷಕ್ಕೆ 
36,000 ರೂಪಾಯಿ ಪಿಂಚಣಿ ಪಡೆಯುತ್ತಾರೆ. ಈ ಯೋಜನೆಯನ್ನ ಪಡೆಯಲು ಆಧಾರ್ ಕಾರ್ಡ್, ಬ್ಯಾಂಕ್ ಖಾತೆಯನ್ನು
ಹೊಂದಿರಬೇಕು.

Advertisement