# ಬೆಂಗಳೂರಿನಲ್ಲಿ PMJ ಜುವೆಲ್ಲರ್ಸ್‌ನಿಂದ ವಿಶ್ವದ ಅತಿದೊಡ್ಡ ಆಭರಣ ಪ್ರದರ್ಶನ ಉದ್ಘಾಟನೆ: ನಟ ರಿಷಬ್ ಶೆಟ್ಟಿ ಭಾಗಿ

- Link: https://hosakannada.com/news/pmj-jewellers-inaugurates-worlds-largest-jewellery-exhibition-in-bengaluru-actor-rishab-shetty-to-participate/
- Published: 2026-03-09T16:38:16+00:00
- Author: ಹೊಸಕನ್ನಡ ನ್ಯೂಸ್

ಬೆಂಗಳೂರು: ದಕ್ಷಿಣ ಭಾರತದ ಪ್ರತಿಷ್ಠಿತ ಆಭರಣ ಸಂಸ್ಥೆಯಾದ PMJ ಜುವೆಲ್ಲರ್ಸ್, ಅಂತರಾಷ್ಟ್ರೀಯ ಮಹಿಳಾ
ದಿನಾಚರಣೆಯ ಅಂಗವಾಗಿ ಬೆಂಗಳೂರಿನಲ್ಲಿ ‘ವಿಶ್ವದ ಅತಿದೊಡ್ಡ ಆಭರಣ ಪ್ರದರ್ಶನ’ವನ್ನು ಆಯೋಜಿಸಿದೆ. 
ನಗರದ ರೆಸಿಡೆನ್ಸಿ ರಸ್ತೆಯಲ್ಲಿರುವ ದ ರಿಟ್ಜ್-ಕಾರ್ಲ್ಟನ್ ಹೋಟೆಲ್‌ನಲ್ಲಿ ನಡೆಯುತ್ತಿರುವ ಈ ಅದ್ಧೂರಿ
ಪ್ರದರ್ಶನಕ್ಕೆ ಭಾನುವಾರ ಚಾಲನೆ ನೀಡಲಾಯಿತು.

Sponsored

ಸ್ಯಾಂಡಲ್‌ವುಡ್‌ನ ಖ್ಯಾತ ನಟ ಮತ್ತು ನಿರ್ದೇಶಕ ರಿಷಬ್ ಶೆಟ್ಟಿ, ಮೈಸೂರು ರಾಜಮನೆತನದ ಕಾಮಾಕ್ಷಿ 
ದೇವಿ ಹಾಗೂ ಕರ್ನಾಟಕ ಮಹಿಳಾ ಕಾಂಗ್ರೆಸ್ ಅಧ್ಯಕ್ಷೆ ಸೌಮ್ಯ ರೆಡ್ಡಿ ಅವರು ಜ್ಯೋತಿ ಬೆಳಗುವ ಮೂಲಕ 
ಪ್ರದರ್ಶನವನ್ನು ಉದ್ಘಾಟಿಸಿದರು. ಈ ಸಂದರ್ಭದಲ್ಲಿ ಮಾತನಾಡಿದ ರಿಷಬ್ ಶೆಟ್ಟಿ, “ಮಹಿಳೆಯರು ನಮ್ಮ 
ಬದುಕಿನ ಬೆನ್ನೆಲುಬು. ಅವರಿಗೆ ಈ ವಿಶೇಷ ದಿನದಂದು ಶುಭಾಶಯ ಕೋರುತ್ತಾ, ಇಂತಹ ಅದ್ಭುತ ಆಭರಣ ಪ್ರದರ್ಶನಕ್ಕೆ
ಸಾಕ್ಷಿಯಾಗುತ್ತಿರುವುದು ಸಂತೋಷ ತಂದಿದೆ,” ಎಂದರು.

Advertisement

Advertisement

**ಪ್ರದರ್ಶನದ ವಿಶೇಷತೆಗಳು**

**ಮೊನೋಗ್ರಾಫ್ ಕಲೆಕ್ಷನ್**
 ಅತ್ಯಂತ ಅಪರೂಪದ ಜೆಮ್ ಸ್ಟೋನ್‌ಗಳು ಮತ್ತು ಅತ್ಯಾಧುನಿಕ ಕರಕುಶಲತೆಯಿಂದ
ಕೂಡಿದ ಈ ವಿಶೇಷ ಸರಣಿಯು ಪ್ರದರ್ಶನದ ಪ್ರಮುಖ ಆಕರ್ಷಣೆಯಾಗಿದೆ.

![](https://hosakannada.com/wp-content/uploads/2026/03/IMG-20260309-WA0067-1024x682.
jpg)

**ವಿವಿಧ ವಿನ್ಯಾಸಗಳು**
 ಮದುವೆ, ಹಬ್ಬ ಮತ್ತು ದೈನಂದಿನ ಬಳಕೆಗೆ ಸೂಕ್ತವಾದ ವಜ್ರ, ಚಿನ್ನ ಮತ್ತು
ನವರತ್ನಗಳ ಸಾವಿರಾರು ವಿಶಿಷ್ಟ ವಿನ್ಯಾಸಗಳನ್ನು ಇಲ್ಲಿ ಪ್ರದರ್ಶಿಸಲಾಗಿದೆ.

ವಿಶೇಷ ಆಫರ್‌ಗಳು
 ಪ್ರದರ್ಶನದ ಅವಧಿಯಲ್ಲಿ ಖರೀದಿಸುವ ಗ್ರಾಹಕರಿಗೆ ಎಕ್ಸ್‌ಕ್ಲೂಸಿವ್ ರಿಯಾಯಿತಿ 
ಮತ್ತು ಕೊಡುಗೆಗಳನ್ನು ನೀಡಲಾಗುತ್ತಿದೆ.

**ಕರ್ನಾಟಕದಲ್ಲಿ ವಿಸ್ತರಣೆ**
 PMJ ಜುವೆಲ್ಲರ್ಸ್ ಸಂಸ್ಥೆಯು ಕರ್ನಾಟಕದಲ್ಲಿ ತನ್ನ ಮಾರುಕಟ್ಟೆಯನ್ನು
ವಿಸ್ತರಿಸುತ್ತಿದ್ದು, ಪ್ರಸ್ತುತ ಬೆಂಗಳೂರಿನಲ್ಲಿ 8 ಹಾಗೂ ಒಟ್ಟು 9 ಮಳಿಗೆಗಳನ್ನು ಹೊಂದಿದೆ. ಮುಂಬರುವ
ಯುಗಾದಿ ಹಬ್ಬದಂದು ಹುಬ್ಬಳ್ಳಿಯಲ್ಲಿ ಹೊಸ ಮಳಿಗೆ ಆರಂಭವಾಗಲಿದ್ದು, ಶೀಘ್ರದಲ್ಲೇ ಮೈಸೂರು, ಶಿವಮೊಗ್ಗ,
ಉಡುಪಿ ಮತ್ತು ದಾವಣಗೆರೆ ನಗರಗಳಿಗೂ ಸಂಸ್ಥೆಯು ಕಾಲಿಡಲಿದೆ ಎಂದು ಮ್ಯಾನೇಜ್‌ಮೆಂಟ್ ತಿಳಿಸಿದೆ.

ಈ ಪ್ರದರ್ಶನವು ಇಂದಿನಿಂದ (ಭಾನುವಾರದಿಂದ) ಎರಡು ದಿನಗಳ ಕಾಲ ನಡೆಯಲಿದ್ದು, ಆಭರಣ ಪ್ರಿಯರು ಭೇಟಿ
ನೀಡಿ ಕಲೆಕ್ಷನ್‌ಗಳನ್ನು ವೀಕ್ಷಿಸಬಹುದಾಗಿದೆ.

ಸ್ಥಳ: ದ ರಿಟ್ಜ್-ಕಾರ್ಲ್ಟನ್ ಹೋಟೆಲ್, ಬೆಂಗಳೂರು.

ಸಮಯ: ಬೆಳಗ್ಗೆ 10:00 ರಿಂದ ರಾತ್ರಿ 8:00 ರವರೆಗೆ.

Advertisement