# ಫಿನಾಯಿಲ್ ಮಾರುತ್ತಾ ಪರಿಮಳ ಮೂಸುವಂತೆ ಹೇಳಿದರೆ ಎಚ್ಚರ | ಮೂರ್ಛೆ ತಪ್ಪಿಸಿ ಚಿನ್ನಾಭರಣ ಎಗರಿಸುತ್ತಾರೆ ಎಚ್ಚರ

- Link: https://hosakannada.com/news/phinaoil-and-jewelry/
- Published: 2021-08-03T19:14:00+00:00
- Author: Praveen Chennavara

ಫಿನಾಯಿಲ್ ಮಾರುವ ಸೋಗಿನಲ್ಲಿ ಬಂದು ಮೂರ್ಛೆ ತಪ್ಪಿಸಿ, ಚಿನ್ನಾಭರಣ ಕಳ್ಳತನ ಮಾಡುವ ಮಹಿಳೆಯರ ಗುಂಪೊಂದು
ಉಡುಪಿ ನಗರದಲ್ಲಿ ಸಕ್ರಿಯವಾಗಿದೆ ಎಂಬ ವದಂತಿ ಇದೀಗ ಹಬ್ಬಿದೆ.

Sponsored

ಈಗಾಗಲೇ ಈ ಫಿನಾಯಿಲ್ ಗ್ಯಾಂಗ್ ತನ್ನ ಕೈ ಚಳಕ ತೋರಿಸಿ ಹಲವು ಕಡೆ ಜನರನ್ನು ಯಾಮಾರಿಸಿ, ಅವರ ಬೆಲೆಬಾಳುವ
ವಸ್ತುಗಳನ್ನು ದೋಚಿದೆ ಎಂಬ ಸುದ್ದಿ ಜನರನ್ನು ಬೆಚ್ಚಿಬೀಳಿಸಿದೆ.

Advertisement

Advertisement

ಫಿನಾಯಿಲ್ ಮಾರಾಟ ಮಾಡಲು ಬರುವ ಈ ಮಹಿಳೆಯರ ಗ್ಯಾಂಗ್ ನಲ್ಲಿ ಐದರಿಂದ ಆರು ಮಂದಿ ಸದಸ್ಯರಿದ್ದು, ಆಯ್ದ
ಮನೆಗಳಿಗೆ ತೆರಳುವ ಈ ತಂಡ ಫಿನಾಯಿಲ್ ಮಾರಾಟ ಮಾಡುವವರಂತೆ ನಟಿಸುತ್ತದೆ.

ತಮ್ಮಲ್ಲಿ ವಿವಿಧ ನಮೂನೆಯ ಫಿನಾಯಿಲ್ ಇದೆ ಎಂದು ನಟಿಸುತ್ತಾ ಬಾಟಲಿಯಲ್ಲಿರುವ ಫಿನಾಯಿಲ್‌ನ ವಾಸನೆ
ತೋರಿಸುವ ನೆಪದಲ್ಲಿ ಮನೆಯವರಿಗೆ ತಮ್ಮ ದ್ರಾವಣ ಇರುವ ಬಾಟಲಿಯನ್ನು ಮೂಸುವಂತೆ ಪ್ರೇರೇಪಿಸುತ್ತಾರೆ.

ಈ ಬಾಟಲಿಯ ಪರಿಮಳ ಗ್ರಹಿಸುತ್ತಿದ್ದಂತೆ ಮನೆಯಲ್ಲಿದ್ದವರು ಮೂರ್ಛೆ ಹೋಗುತ್ತಾರೆ. ಈ ಸಂದರ್ಭ ಬಳಸಿಕೊಂಡು
ತಂಡ ಮನೆಯಲ್ಲಿರುವ ಚಿನ್ನದ ಆಭರಣಗಳನ್ನು ದೋಚಿ ಪರಾರಿಯಾಗುತ್ತದೆ ಎಂಬ ಮಾಹಿತಿ ಲಭ್ಯವಾಗಿದೆ.

Advertisement
