# ಪವಿತ್ರಾ ಗೌಡಗೆ ಬ್ಯಾರಕ್ ಬದಲಾವಣೆಗೆ ಮನವಿ; ಆರೋಗ್ಯ ಸಮಸ್ಯೆ ಉಲ್ಲೇಖಿಸಿ ಕೋರ್ಟ್‌ಗೆ ಅರ್ಜಿ

- Link: https://hosakannada.com/news/pavithra-gowda-barrack-change-request-renukaswamy-case/
- Published: 2026-09-03T15:51:56+00:00
- Author: ಹೊಸಕನ್ನಡ ನ್ಯೂಸ್

**ಬೆಂಗಳೂರು**: ರೇಣುಕಾಸ್ವಾಮಿ ಕೊಲೆ ಪ್ರಕರಣದ ಎ1 ಆರೋಪಿ ಪವಿತ್ರಾ ಗೌಡ ಅವರನ್ನು ಬೇರೆ ಬ್ಯಾರಕ್‌ಗೆ
ಸ್ಥಳಾಂತರಿಸುವಂತೆ ಅವರ ಪರ ವಕೀಲರು ಬೆಂಗಳೂರಿನ 59ನೇ ಸಿಸಿಎಚ್‌ ಕೋರ್ಟ್‌ಗೆ ಮನವಿ ಸಲ್ಲಿಸಿದ್ದಾರೆ.

Sponsored

ಪ್ರಸ್ತುತ ಪವಿತ್ರಾ ಗೌಡ ಅವರನ್ನು 16ಕ್ಕೂ ಹೆಚ್ಚು ಆರೋಪಿಗಳು ಇರುವ ಬ್ಯಾರಕ್‌ನಲ್ಲಿ ಇರಿಸಲಾಗಿದೆ.
ಈ ಬ್ಯಾರಕ್‌ನಲ್ಲಿ ಸುಮಾರು 20ರಿಂದ 30 ಮಂದಿ ಆರೋಪಿಗಳಿದ್ದು, ಎರಡು ಶೌಚಾಲಯಗಳಿವೆ. ಅದರಲ್ಲಿ ಒಂದು
ಶೌಚಾಲಯ ದುರಸ್ತಿಯಲ್ಲಿರುವುದರಿಂದ ಸ್ವಚ್ಛತೆ ಹಾಗೂ ಆರೋಗ್ಯದ ಸಮಸ್ಯೆ ಎದುರಾಗಿದೆ ಎಂದು ವಕೀಲರು 
ಅರ್ಜಿಯಲ್ಲಿ ತಿಳಿಸಿದ್ದಾರೆ.

Advertisement

Advertisement

ಪವಿತ್ರಾ ಗೌಡ ಅವರಿಗೆ ಈಗಾಗಲೇ ಆರೋಗ್ಯ ಸಮಸ್ಯೆಗಳಿದ್ದು, ಬ್ಯಾರಕ್‌ನ ಪರಿಸ್ಥಿತಿಯಿಂದ ಅಲರ್ಜಿ ಹಾಗೂ
ಸೋಂಕಿನ ಸಮಸ್ಯೆ ಹೆಚ್ಚಾಗಿದೆ. ಹೀಗಾಗಿ ಅವರ ಆರೋಗ್ಯದ ದೃಷ್ಟಿಯಿಂದ ಬೇರೆ ಬ್ಯಾರಕ್‌ಗೆ ಸ್ಥಳಾಂತರಿಸುವಂತೆ
ವಕೀಲರು ಕೋರಿದ್ದಾರೆ. ಅರ್ಜಿಯನ್ನು ಪರಿಗಣಿಸಿದ ಕೋರ್ಟ್, ಈ ಕುರಿತು ಸೂಕ್ತ ಆದೇಶ ಹೊರಡಿಸುವುದಾಗಿ
ತಿಳಿಸಿದೆ.

Advertisement