# Passport : ಪಾಸ್‌ಪೋರ್ಟ್‌ ಪಡೆಯುವವರಿಗೆ ಸಿಹಿ ಸುದ್ದಿ!

- Link: https://hosakannada.com/news/passport-verification-facility-will-be-fully-automated/
- Published: 2023-02-16T16:59:49+00:00
- Author: ವಿದ್ಯಾ ಗೌಡ

ಆಧುನಿಕ ಯುಗದಲ್ಲಿ ಎಲ್ಲವೂ ಕ್ಷಣ ಮಾತ್ರದಲ್ಲಿ ಕೈಸೇರುತ್ತದೆ. ತಂತ್ರಜ್ಞಾನ ಬದಲಾದಂತೆ ಎಲ್ಲವೂ ಬದಲಾಗುತ್ತಿವೆ.
ದಿನೇ ದಿನೇ ಹಲವು ವಿಚಾರಗಳಲ್ಲಿ ಬದಲಾವಣೆ ಆಗುತ್ತಿವೆ. ಸದ್ಯ ಪಾಸ್ಪೋರ್ಟ್ ಪಡೆಯುವಲ್ಲಿಯೂ ಕೆಲವು
ಬದಲಾವಣೆಗಳು ಆಗಿವೆ. ವಿದೇಶಕ್ಕೆ ಪ್ರಯಾಣಿಸಬೇಕು ಅಂದ್ರೆ ಪಾಸ್ ಪೋರ್ಟ್ ಅಗತ್ಯವಾಗಿದೆ. ಈ ಹಿಂದೆ
ಪಾಸ್ ಪೋರ್ಟ್ ಪಡೆಯಲು ಸಾಕಷ್ಟು ಕಷ್ಟಬೇಕಿತ್ತು. ಹಲವು ವಿಧಾನಗಳ ಮೋರೆ ಹೋಗಬೇಕಿತ್ತು. ಆನಂತರ ತಂತ್ರಜ್ಞಾನ
ಬದಲಾದಂತೆ ಈ ಪ್ರಕ್ರಿಯೆ ಇನ್ನಷ್ಟು ಸರಳವಾಯಿತು. ಇನ್ಮುಂದೆ ಇನ್ನೂ ಸುಲಭವಾಗಲಿದೆ. ಹೇಗೆ? ಅಂದ್ರೆ
ಇನ್ಮುಂದೆ ಪಾಸ್‌ಪೋರ್ಟ್‌ ಪರಿಶೀಲನೆ ಸೌಲಭ್ಯ ಸಂಪೂರ್ಣ ಸ್ವಯಂಚಾಲಿತವಾಗಲಿದೆ.

Sponsored

ಇದರಿಂದ ಪಾಸ್‌ಪೋರ್ಟ್ ಪಡೆಯಲು ಅಧಿಕ ಸಮಯ ಕಾಯುವ ಅಗತ್ಯವಿಲ್ಲ. 15 ದಿನಗಳ ಬದಲಾಗಿ ಕೇವಲ 5 ದಿನಗಳಲ್ಲಿ
ಪಾಸ್‌ಪೋರ್ಟ್‌ ನಿಮ್ಮ ಕೈಸೇರಲಿದೆ. ಹೆಚ್ಚಿದ್ದ ಸಮಯ ಕಡಿಮೆ ಆಗಿದ್ದು, ವಿದೇಶಕ್ಕೆ ತೆರಳುವವರಿಗೆ
ಇದು ಸಿಹಿ ಸುದ್ದಿಯೇ ಸರಿ. ಈ ಪಾಸ್‌ಪೋರ್ಟ್ ಪರಿಶೀಲನೆಯು ಪ್ರಸ್ತುತ ದೆಹಲಿಯಲ್ಲಿ ಸಂಪೂರ್ಣ ಸ್ವಯಂಚಾಲಿತವಾಗಿದೆ.

Advertisement

Advertisement

ನೀವು ಭಾರತೀಯ ಪ್ರಜೆಯಾಗಿದ್ದು, ಪಾಸ್‌ಪೋರ್ಟ್ ಪಡೆಯಲು ಬಯಸಿದರೆ, ಇದಕ್ಕೆ ಆನ್‌ಲೈನ್‌ ಮೂಲಕ ಅರ್ಜಿ
ಸಲ್ಲಿಸಬಹುದಾಗಿದೆ.

ಪಾಸ್‌ಪೋರ್ಟ್‌ ಗೆ ಆನ್‌ಲೈನ್‌ನಲ್ಲಿ ಅರ್ಜಿ ಸಲ್ಲಿಸುವುದು ಹೇಗೆ?

• ಮೊದಲು ಪಾಸ್‌ಪೋರ್ಟ್ ಸೇವಾ ಆನ್‌ಲೈನ್ ಪೋರ್ಟಲ್‌ನಲ್ಲಿ ನೋಂದಾಯಿಸಬೇಕು.
 • ಇದಾದ ನಂತರ ಪೋರ್ಟಲ್‌ನಲ್ಲಿ
ಲಾಗಿನ್ ಆಗಿರಿ. • GEP ಲಿಂಕ್‌ಗಾಗಿ ಹಿನ್ನೆಲೆ ಪರಿಶೀಲನೆಗೆ ಅಪ್ಸ್ ಅನ್ನು ಕ್ಲಿಕ್ ಮಾಡಿ. • ಫಾರ್ಮ್‌ನಲ್ಲಿ
ಮಾಹಿತಿಯನ್ನು ಭರ್ತಿ ಮಾಡಿ, ಸಬ್ಮಿಟ್ ಮಾಡಿ. • ಅಲ್ಲಿ ಪೇ ಮತ್ತು ಶೆಡ್ಯೂಲ್ ನೇಮಕಾತಿಯ ಲಿಂಕ್ ಇರುತ್ತದೆ
ಅದರ ಮೇಲೆ ಕ್ಲಿಕ್ ಮಾಡಿ, ಅಪಾಯಿಂಟ್‌ಮೆಂಟ್ ಬುಕ್ ಮಾಡಲು ಬಯಸುವ ಸ್ಥಳವನ್ನು ಆಯ್ಕೆಮಾಡಿರಿ ಹಾಗೂ
ಆನ್‌ಲೈನ್ ಪಾವತಿ ಮಾಡಿರಿ. • ನಂತರ ಪ್ರಿಂಟ್ ಅಪ್ಲಿಕೇಶನ್ ರಶೀದಿ ಆಯ್ಕೆಯ ಮೇಲೆ ಕ್ಲಿಕ್ ಮಾಡಿ ಆಗ
ಪ್ರಿಂಟರ್‌ನಿಂದ ಅಪ್ಲಿಕೇಶನ್‌ನ ಪ್ರಿಂಟ್ ಸಿಗುತ್ತದೆ. • ಮೊಬೈಲ್‌ಗೆ ಅಪಾಯಿಂಟ್‌ಮೆಂಟ್ ಸಂದೇಶ ಬರುತ್ತದೆ.
ಅದನ್ನು ಸೇವ್ ಮಾಡಿರಿ.

Advertisement