# ಪಶು ವೈದ್ಯಾಧಿಕಾರಿ ನೇಮಕಾತಿ ಅಕ್ರಮ: CID ಕಚೇರಿಗೆ ಹಾಜರಾದ IAS ಅಧಿಕಾರಿ ಜ್ಞಾನೇಂದ್ರ ಕುಮಾರ್

- Link: https://hosakannada.com/news/pashu-veterinary-officer-recruitment-scam-ias-officer-jnanendra-kumar-cid-inquiry/
- Published: 2026-08-28T12:37:36+00:00
- Author: ಹೊಸಕನ್ನಡ ನ್ಯೂಸ್

**ಬೆಂಗಳೂರು: **ಪಶು ವೈದ್ಯಾಧಿಕಾರಿಗಳ ನೇಮಕಾತಿ ಅಕ್ರಮಕ್ಕೆ ಸಂಬಂಧಿಸಿದ ತನಿಖೆ ಚುರುಕುಗೊಂಡಿರುವ
ಬೆನ್ನಲ್ಲೇ, ಕಳೆದ ಕೆಲ ದಿನಗಳಿಂದ ಪತ್ತೆಯಾಗದೆ ಇದ್ದ IAS ಅಧಿಕಾರಿ ಜ್ಞಾನೇಂದ್ರ ಕುಮಾರ್ ಅವರು 
ಬೆಂಗಳೂರಿನ CID ಕಚೇರಿಗೆ ಹಾಜರಾಗಿದ್ದಾರೆ.

Sponsored

> [ತರಾತುರಿ AEE ನೇಮಕಾತಿ: ಪ್ರಿಯಾಂಕ್ ಖರ್ಗೆ ವಿರುದ್ಧ ಕುಮಾರಸ್ವಾಮಿ ವಾಗ್ದಾಳಿ](https://hosakannada.com/news/24-aee-recruitment-allegation-kumaraswamy-demands-priyank-kharge-resignation/)
> Advertisement
> Advertisement

ನೇಮಕಾತಿ ಅಕ್ರಮ ಪ್ರಕರಣದ ತನಿಖೆ ನಡೆಸುತ್ತಿರುವ CID ಅಧಿಕಾರಿಗಳು ಜ್ಞಾನೇಂದ್ರ ಕುಮಾರ್ ಅವರ ವಿಚಾರಣೆಗೆ
ಮುಂದಾಗಿದ್ದಾರೆ. ಇದಕ್ಕೂ ಮುನ್ನ ಅವರ ಬೆಂಗಳೂರಿನ ನಿವಾಸಕ್ಕೆ ತೆರಳಿದ್ದ ತನಿಖಾಧಿಕಾರಿಗಳು ಶೋಧ 
ನಡೆಸಿದ್ದರು. ಆದರೆ ಆ ವೇಳೆ ಅಧಿಕಾರಿ ಮನೆಯಲ್ಲಿ ಇರಲಿಲ್ಲ. ಹೀಗಾಗಿ ವಿಚಾರಣೆಗೆ ಹಾಜರಾಗುವಂತೆ ಸೂಚಿಸಿ
ನಿವಾಸದ ಬಾಗಿಲಿಗೆ ನೋಟಿಸ್ ಅಂಟಿಸಲಾಗಿತ್ತು.

ಇದಾದ ಬಳಿಕ ಜ್ಞಾನೇಂದ್ರ ಕುಮಾರ್ ಅವರು CID ಕಚೇರಿಗೆ ಆಗಮಿಸಿದ್ದು, ನೇಮಕಾತಿ ಪ್ರಕ್ರಿಯೆಗೆ ಸಂಬಂಧಿಸಿದಂತೆ
ಅಧಿಕಾರಿಗಳು ಹಲವು ವಿಚಾರಗಳ ಕುರಿತು ಮಾಹಿತಿ ಪಡೆಯುತ್ತಿದ್ದಾರೆ. ನೇಮಕಾತಿಯಲ್ಲಿ ನಡೆದಿದೆಯೆನ್ನಲಾದ
ಅಕ್ರಮ, ಹಣದ ವಹಿವಾಟು ಹಾಗೂ ಸಂಬಂಧಪಟ್ಟ ವ್ಯಕ್ತಿಗಳ ಪಾತ್ರದ ಬಗ್ಗೆ ವಿಚಾರಣೆ ನಡೆಯುತ್ತಿದೆ.

> [ತರಾತುರಿ AEE ನೇಮಕಾತಿ: ಪ್ರಿಯಾಂಕ್ ಖರ್ಗೆ ವಿರುದ್ಧ ಕುಮಾರಸ್ವಾಮಿ ವಾಗ್ದಾಳಿ](https://hosakannada.com/news/24-aee-recruitment-allegation-kumaraswamy-demands-priyank-kharge-resignation/)

ಈ ಪ್ರಕರಣದ ತನಿಖೆಯಲ್ಲಿ ED ಕೂಡ ಸಕ್ರಿಯವಾಗಿರುವುದರಿಂದ ಜ್ಞಾನೇಂದ್ರ ಕುಮಾರ್ ಅವರ CID ವಿಚಾರಣೆ
ಮಹತ್ವ ಪಡೆದುಕೊಂಡಿದೆ. ಅಧಿಕಾರಿಗಳ ವಿಚಾರಣೆಯಲ್ಲಿ ಅವರು ನೀಡುವ ಮಾಹಿತಿ ಪ್ರಕರಣದ ಮುಂದಿನ ತನಿಖೆಗೆ
ಪ್ರಮುಖ ಸುಳಿವು ನೀಡುವ ಸಾಧ್ಯತೆಯಿದೆ.

ಪ್ರಕರಣಕ್ಕೆ ಸಂಬಂಧಿಸಿದಂತೆ CID ಅಧಿಕಾರಿಗಳು ದಾಖಲೆಗಳು ಮತ್ತು ಹಣಕಾಸಿನ ವಹಿವಾಟು ಸೇರಿದಂತೆ ಹಲವು
ಆಯಾಮಗಳಲ್ಲಿ ತನಿಖೆ ಮುಂದುವರಿಸಿದ್ದಾರೆ. ವಿಚಾರಣೆ ಪೂರ್ಣಗೊಂಡ ಬಳಿಕ ಪ್ರಕರಣದಲ್ಲಿ ಇನ್ನಷ್ಟು ಬೆಳವಣಿಗೆಗಳು
ಹೊರಬರುವ ನಿರೀಕ್ಷೆಯಿದೆ.

Advertisement