# ‘ಹನಿ’ ಯ ಆಸೆಗಾಗಿ ಪಾಕಿಸ್ತಾನದ ಸುಂದರ ಹುಡುಗಿಗೆ ಮಿಲಿಟರಿಯ ಗೌಪ್ಯ ಮಾಹಿತಿ ಕೊಟ್ಟ ಯೋಧ ಅರೆಸ್ಟ್

- Link: https://hosakannada.com/news/pakistan-military-soldier-arrest/
- Published: 2022-05-22T10:30:35+00:00
- Author: ಹೊಸಕನ್ನಡ ನ್ಯೂಸ್

ಪಾಕಿಸ್ತಾನದ ಗುಪ್ತಚರ ಸಂಸ್ಥೆ ಐಎಸ್‌ಐಗಾಗಿ ಬೇಹುಗಾರಿಕೆ ನಡೆಸುತ್ತಿದ್ದ ಭಾರತೀಯ ಸೇನಾ ಸಿಬ್ಬಂದಿ
ಪ್ರದೀಪ್ ಕುಮಾರ್‌ನನ್ನು ರಾಜಸ್ಥಾನ ಪೊಲೀಸರು ಶನಿವಾರ ಬಂಧಿಸಿದ್ದಾರೆ. ಪೊಲೀಸರ ಪ್ರಕಾರ, ಮೂರು ವರ್ಷಗಳ
ಹಿಂದೆ ನೇಮಕಗೊಂಡಿದ್ದ ಮತ್ತು ಅತ್ಯಂತ ಸೂಕ್ಷ್ಮವಾದ ಜೋಧ್‌ಪುರ ರೆಜಿಮೆಂಟ್‌ನಲ್ಲಿ ನೇಮಕಗೊಂಡ ಕುಮಾರ್,
ಇಂಟರ್-ಸರ್ವೀಸಸ್ ಇಂಟೆಲಿಜೆನ್ಸ್ (ಐಎಸ್‌ಐ) ಯ ಮಹಿಳಾ ಏಜೆಂಟ್‌ನಿಂದ ಹನಿ-ಟ್ರ್ಯಾಪ್ ಆಗಿದ್ದ.

Sponsored

ಮಿಲಿಟರಿ ಮತ್ತು ಕಾರ್ಯತಂತ್ರದ ಮಹತ್ವದ ಗೌಪ್ಯ ಮಾಹಿತಿಯನ್ನು ಪಾಕಿಸ್ತಾನಕ್ಕೆ ಕಳುಹಿಸಲಾಗಿದೆ ಎಂದು
ಪೊಲೀಸರು ನಂಬಿದ್ದಾರೆ. ಆರು ತಿಂಗಳ ಹಿಂದೆ ಸಾಮಾಜಿಕ ಜಾಲತಾಣಗಳ ಮೂಲಕ ಸಂಪರ್ಕಕ್ಕೆ ಬಂದಿದ್ದರು. 
ಮಹಿಳೆ ತನ್ನನ್ನು ಮಧ್ಯಪ್ರದೇಶದ ನಿವಾಸಿ ಛದಮ್ ಎಂದು ಪರಿಚಯಿಸಿಕೊಂಡಿದ್ದಾಳೆ. ಮದುವೆಯ ನೆಪದಲ್ಲಿ
ಭಾರತೀಯ ಸೇನೆಗೆ ಸಂಬಂಧಿಸಿದ ಗೌಪ್ಯ ದಾಖಲೆಗಳನ್ನು ಕೇಳಿದಳು. ತಾನು ಬೆಂಗಳೂರಿನ ಕಂಪನಿಯೊಂದರಲ್ಲಿ
ಕೆಲಸ ಮಾಡುತ್ತಿದ್ದೆ ಎಂದು ಪ್ರದೀಪ್ ಕುಮಾರ್‌ಗೆ ಮಹಿಳೆ ನಂಬಿಸಿದ್ದಾಳೆ.

Advertisement

Advertisement

ಬೇಹುಗಾರಿಕೆ ಆರೋಪದ ಮೇಲೆ ಕುಮಾರ್ ಅವರನ್ನು ವಶಕ್ಕೆ ತೆಗೆದುಕೊಳ್ಳಲಾಗಿದೆ ಎಂದು ಗುಪ್ತಚರ ವಿಭಾಗದ
ಡಿಜಿ ಉಮೇಶ್ ಮಿಶ್ರಾ ತಿಳಿಸಿದ್ದಾರೆ. ಅವರನ್ನು ವಿಚಾರಣೆ ನಡೆಸಲಾಗುತ್ತಿದೆ ಎಂದು ಮಿಶ್ರಾ ಹೇಳಿದ್ದಾರೆ.

Advertisement
