# ಆಸ್ಪತ್ರೆಯಲ್ಲಿದ್ದ ಪದ್ಮಶ್ರೀ ಪುರಸ್ಕೃತೆ ಕಮಲಾ ಪೂಜಾರಿಯಿಂದ ನೃತ್ಯ ಮಾಡಿಸಿದ ಸಾಮಾಜಿಕ ಕಾರ್ಯಕರ್ತೆ !!!

- Link: https://hosakannada.com/news/padma-shri-kamala-pujari-forced-to-dance-in-scb-hospital/
- Published: 2022-09-02T16:45:33+00:00
- Author: Mallika

ಪದ್ಮಶ್ರೀ ಪುರಸ್ಕೃತೆ ಕಮಲಾ ಪೂಜಾರಿ ಅವರು ಕಟಕ್‌ನ ಆಸ್ಪತ್ರೆಯಿಂದ ಬಿಡುಗಡೆಯಾಗುವ ಸಂದರ್ಭದಲ್ಲಿ
ನೃತ್ಯ ಮಾಡಿಸಲಾಗಿದೆ ಎಂದು ಆರೋಪಿಸಲಾಗಿದೆ. ಈ ಬಗ್ಗೆ ಪರಾಜ ಬುಡಕಟ್ಟು ಸಮುದಾಯದ ಸದಸ್ಯರು, ಸಾಮಾಜಿಕ
ಕಾರ್ಯಕರ್ತೆಯೊಬ್ಬರ ವಿರುದ್ಧ ಕ್ರಮಕ್ಕೆ ಆಗ್ರಹಿಸಿದ್ದಾರೆ.

Sponsored

ಅನಾರೋಗ್ಯಕ್ಕೆ ಒಳಗಾಗಿ ಆಸ್ಪತ್ರೆಗೆ ದಾಖಲಾಗಿರುವ ಪದ್ಮಶ್ರೀ ಪುರಸ್ಕೃತೆಯೋರ್ವರಿಂದ ಬಲವಂತವಾಗಿ 
ನೃತ್ಯ ಮಾಡಿಸಿದ ಘಟನೆಯೊಂದು ಒಡಿಶಾದಲ್ಲಿ ನಡೆದಿದೆ.

Advertisement

Advertisement

ಈ ವೀಡಿಯೋ ವೈರಲ್ ಆಗಿದ್ದು, ಈ ವೀಡಿಯೋ ನೋಡಿದವರು ನೃತ್ಯ ಮಾಡುತ್ತಿರುವವರು ಕಮಲಾ ಪೂಜಾರಿ ಎಂದು 
ಗುರುತು ಹಿಡಿದಿದ್ದಾರೆ‌. ಹೌದು, ಸರ್ಕಾರಿ ಆಸ್ಪತ್ರೆಯೊಂದರ ಐಸಿಯುದಲ್ಲಿ ವೃದ್ಧೆಯೊಬ್ಬರು ನರ್ತಿಸುವ
ವಿಡಿಯೋ ಸಾಮಾಜಿಕ ಮಾಧ್ಯಮಗಳಲ್ಲಿ ಹರಿದಾಡತೊಡಗಿತ್ತು. ಅದನ್ನು ಗಮನಿಸಿದ ಕೆಲವರು, ನರ್ತಿಸುತ್ತಿರುವ
ವೃದ್ಧೆ ಕಮಲಾ ಪೂಜಾರಿ ಎಂದು ಗುರುತು ಹಿಡಿದಿದ್ದಾರೆ. ಇವರ ಜತೆ ಸಾಮಾಜಿಕ ಕಾರ್ಯಕರ್ತೆ ಮಮತಾ ಬೆಹೆರಾ
ಇದ್ದು, ಜೊತೆಗೆ ನರ್ತಿಸಿರುವುದು ಕಂಡು ಬಂದಿದೆ.

ಕಮಲಾ ಅವರು ಕಿಡ್ನಿ ಸಮಸ್ಯೆಗೆ ಸಂಬಂಧಿಸಿದಂತೆ ಕಟಕ್‌ನ ಎಸ್‌ಸಿಬಿ ವೈದ್ಯಕೀಯ ಕಾಲೇಜು ಮತ್ತು ಆಸ್ಪತ್ರೆಗೆ
ದಾಖಲಾಗಿದ್ದರು. ಸೋಮವಾರ ಅವರು ಆಸ್ಪತ್ರೆಯಿಂದ ಬಿಡುಗಡೆಯಾಗಿದ್ದು, ಆಗ ಈ ಘಟನೆ ನಡೆದಿದೆ ಎನ್ನಲಾಗಿದೆ.
ಕಮಲಾ ಅವರನ್ನು ವಿಶೇಷ ಕ್ಯಾಬಿನ್‌ನಲ್ಲಿ ದಾಖಲಿಸಲಾಗಿದ್ದು, ಐಸಿಯುದಲ್ಲಿ ಅಲ್ಲ ಎಂದು ಆಸ್ಪತ್ರೆ 
ಅಧಿಕಾರಿಗಳು ತಿಳಿಸಿದ್ದಾರೆ.

“ನನಗೆ ನರ್ತಿಸಲು ಇಷ್ಟವಿರಲಿಲ್ಲ. ನನಗೆ ಒತ್ತಾಯ ಮಾಡಲಾಯಿತು. ಹಾಗಿದ್ದರೂ ಅವರು (ಮಮತಾ ಬೆಹೆರಾ)
ನನ್ನ ಮಾತನ್ನು ಕೇಳಲೇ ಇಲ್ಲ. ನನಗೆ ಅನಾರೋಗ್ಯ ಇತ್ತು. ಮತ್ತು ಬಹಳ ಸುಸ್ತು ಕೂಡ ಆಗಿತ್ತು” ಎಂದು
ಕಮಲಾ ಪೂಜಾರಿ ಅವರು ತಮ್ಮ ಕೊರಾಪುಟ್ ಜಿಲ್ಲೆಯಲ್ಲಿ ಸುದ್ದಿ ವಾಹಿನಿಗಳಿಗೆ ತಿಳಿಸಿದ್ದಾರೆ.

ಸಾವಯವ ಕೃಷಿಯನ್ನು ಪ್ರಚಾರ ಮಾಡುತ್ತಿರುವ ಮತ್ತು ಭತ್ತ ಸೇರಿದಂತೆ ವಿವಿಧ ಬೆಳೆಗಳ 100ಕ್ಕೂ ಹೆಚ್ಚು
ವೈವಿಧ್ಯಮಯ ದೇಸಿ ತಳಿಗಳನ್ನು ಕಾಪಾಡಿಕೊಂಡು ಬರುತ್ತಿರುವ ಸಾಧನೆಗಾಗಿ 2019ರಲ್ಲಿ ಕಮಲಾ ಪೂಜಾರಿ 
ಅವರಿಗೆ ಪದ್ಮಶ್ರೀ ಪುರಸ್ಕಾರ ನೀಡಲಾಗಿತ್ತು.

> [VIDEO] Padma Shri Kamala Pujari was 'forced to dance' in ICU of SCB hospital;
> she says it further deteriorated her condition – [https://t.co/TVoXRhF8YU](https://t.co/TVoXRhF8YU)
> [#Odisha](https://x.com/hashtag/Odisha?src=hash&ref_src=twsrc%5Etfw) [pic.twitter.com/5WqM6MYp76](https://t.co/5WqM6MYp76)
> — OTV (@otvnews) [September 2, 2022](https://x.com/otvnews/status/1565610781584117760?ref_src=twsrc%5Etfw)

ಈ ಕೃತ್ಯದ ಹಿಂದೆ ಯಾವುದೇ ಕೆಟ್ಟ ಉದ್ದೇಶ ಇರಲಿಲ್ಲ. ಕಮಲಾ ಅವರಲ್ಲಿದ್ದ ಆಲಸ್ಯವನ್ನು ತೊಲಗಿಸುವ 
ಬಯಕೆಯೊಂದಿಗೆ ಈ ರೀತಿ ಮಾಡಿದ್ದಾಗಿ ಮಮತಾ ಬೆಹೆರಾ ಅವರು ಸಮರ್ಥಿಸಿಕೊಂಡಿದ್ದಾರೆ.

> Collector & DM visited SCB Medical College today to ascertain the health conditions
> of Padmashree Kamala Pujari and interacted with her & discussed with attending
> doctors. Dr Abinash Rout, AO of SCB was present during this visit. [pic.twitter.com/qedUbcgOtg](https://t.co/qedUbcgOtg)
> — DM Kataka (@KatakaDM) [August 27, 2022](https://x.com/KatakaDM/status/1563427938166779905?ref_src=twsrc%5Etfw)

ಸಾಮಾಜಿಕ ಕಾರ್ಯಕರ್ತೆ ಮಮತಾ ವಿರುದ್ಧ ಕ್ರಮ ಕೈಗೊಳ್ಳುವಲ್ಲಿ ರಾಜ್ಯ ಸರ್ಕಾರ ವಿಫಲವಾದರೆ ತನ್ನ ಸದಸ್ಯರು
ಬೀದಿಗಿಳಿದು ಹೋರಾಟ ನಡೆಸಲಿದ್ದಾರೆ. ಎಂದು ‘ಪರಾಜ ಸಮಾಜ’ ಆದಿವಾಸಿ ಸಮುದಾಯ ಸಂಸ್ಥೆಯ ಅಧ್ಯಕ್ಷ ಹರೀಶ್
ಮುಡುಲಿ ಅವರು ಎಚ್ಚರಿಕೆ ನೀಡಿದ್ದಾರೆ.

Advertisement