# ಗೋಡಂಬಿ ಎಂದು ಔಡಲ ಕಾಯಿ ತಿಂದ 25 ಕ್ಕೂ ಹೆಚ್ಚು ಮಕ್ಕಳು

- Link: https://hosakannada.com/news/over-25-children-ate-castor-seeds-mistaking-them-for-cashews/
- Published: 2026-07-02T14:49:49+00:00
- Author: ಹೊಸಕನ್ನಡ ನ್ಯೂಸ್

ಗದಗ: ಶಾಲಾ ಆಟದ ಸಮಯದಲ್ಲಿ ಮಕ್ಕಳಿಬ್ಬರು ಗಿಡದಲ್ಲಿದ್ದ ಕಾಯಿಯನ್ನು ಗೋಡಂಬಿ ಬೀಜ ಎಂದು ಭಾವಿಸಿ 
ತಿಂದ ಪರಿಣಾಮ 25 ಕ್ಕೂ ಹೆಚ್ಚು ಪ್ರಾಥಮಿಕ ಶಾಲಾ ವಿದ್ಯಾರ್ಥಿಗಳು ತೀವ್ರವಾಗಿ ಅಸ್ವಸ್ಥಗೊಂಡಿರುವ
ಘಟನೆ ಗದಗ ತಾಲೂಕಿನ ಬೆಳಧಡಿ ತಾಂಡಾದಲ್ಲಿ ನಡೆದಿದೆ.

Sponsored

ಬೆಳಧಡಿ ತಾಂಡಾದ ಸರಕಾರಿ ಶಾಲೆಯಲ್ಲಿ ಶಾಲಾ ಆಟದ ಅವಧಿಯಲ್ಲಿ 2,3,4 ನೇ ತರಗತಿಯ ಮಕ್ಕಳು ಮೈದಾನದಲ್ಲಿ
ಆಟ ಆಡುತ್ತಿದ್ದರು, ಶಾಲೆಯ ಆವರಣದ ಪಕ್ಕದಲ್ಲಿಯೇ ಗಿಡವೊಂದು ಬಿಟ್ಟಿದ್ದ ಕಾಯಿಗಳನ್ನು ಗಮನಿಸಿದ ಮಕ್ಕಳು
ಅವುಗಳನ್ನು ಗೋಡಂಬಿ ಬೀಜ ಎಂದು ಭಾವಿಸಿ ತಿಂದಿದ್ದಾರೆ.

Advertisement

Advertisement

ಇದು ಒಬ್ಬರಿಂದ ಒಬ್ಬರಿಗೆ ವಿಷಯ ಮುಟ್ಟಿ ಒಟ್ಟು 25 ಕ್ಕೂ ಹೆಚ್ಚು ವಿದ್ಯಾರ್ಥಿಗಳು ಬೀಜಗಳನ್ನು ಕಿತ್ತು
ತಿಂದಿದಾರೆ. ಆದರೆ ಆ ಮಕ್ಕಳು ತಿಂದಿದ್ದು, ಗೋಡಂಬಿಯನ್ನಲ್ಲ, ಬದಲಿಗೆ ವಿಷಕಾರಿ ಅಂಶವಿರುವ ಔಡಳ ಕಾಯಿ(
Castor Seeds-ಹರಳೆಣ್ಣೆ ಕಾಯಿ) ಎಂದು ವರದಿಯಾಗಿದೆ.

ಬೀಜ ತಿಂದ ಕೆಲವೇ ನಿಮಿಷಗಳಲ್ಲಿ ಮಕ್ಕಳ ಆರೋಗ್ಯವು ಹೆಗೆಟ್ಟಿದ್ದು, ಒಂದಾದ ಮೇಲೊಂದರಂತೆ ಮಕ್ಕಳು 
ತೀವ್ರ ಹೊಟ್ಟೆನೋವು, ವಾಂತಿ, ಭೇದಿ ಹಾಗೂ ತಲೆಸುತ್ತುವಿಕೆ ಕಾಣಿಸಿದೆ. ಒಮ್ಮೆಲೆ ಇಷ್ಟೊಂದು ಮಕ್ಕಳು
ಅಸ್ವಸ್ಥಗೊಂಡಿರುವುದನ್ನು ಕಂಡ ಶಾಲಾ ಶಿಕ್ಷಕರು ಹಾಗೂ ಸ್ಥಳೀಯ ಗ್ರಾಮಸ್ಥರು ಆತಂಕಕ್ಕೆ ಒಳಗಾಗಿದ್ದು,
ಕೂಡಲೇ ಎಲ್ಲಾ ಮಕ್ಕಳನ್ನು ತಕ್ಷಣವೇ ಗದಗದ ಜಿಮ್ಸ್‌ ಜಿಲ್ಲಾಸ್ಪತ್ರೆಗೆ ದಾಖಲು ಮಾಡಿದ್ದಾರೆ. ಎಲ್ಲಾ
ವಿದ್ಯಾರ್ಥಿಗಳಿಗೆ ತುರ್ತು ಚಿಕಿತ್ಸಾ ವಿಭಾಗದಲ್ಲಿ ಸೂಕ್ತ ಚಿಕಿತ್ಸೆ ನೀಡಲಾಗುತ್ತಿದ್ದು, ಸದ್ಯಕ್ಕೆ
ಎಲ್ಲಾ ಮಕ್ಕಳು ಪ್ರಾಣಾಪಾಯದಿಂದ ಪಾರಾಗಿದ್ದಾರೆ ಎಂದು ವರದಿ ತಿಳಿಸಿದೆ.

 

Advertisement
