# Oneplus Earbuds: ಒನ್​ಪ್ಲಸ್​ ಕಂಪೆನಿ ಲಾಂಚ್ ಮಾಡಿದೆ ಹೊಸ ಇಯರ್​ಬಡ್ಸ್​ ! ಖಂಡಿತ ಇಷ್ಟ ಪಡ್ತೀರ!

- Link: https://hosakannada.com/news/oneplus-buds-pro-2r-earbuds/
- Published: 2023-02-10T13:01:54+00:00
- Author: ವಿದ್ಯಾ ಗೌಡ

ಮಾರುಕಟ್ಟೆಯಲ್ಲಿ ಸ್ಮಾರ್ಟ್ ಫೋನ್ ಗಳು ಹೆಚ್ಚು ಬೇಡಿಕೆಯಲ್ಲಿವೆ. ಸದ್ಯ ಇಯರ್​ಬಡ್ಸ್​ ಗಳು ಕೂಡ 
ತಮ್ಮ ಸ್ಥಾನವನ್ನು ಗಳಿಸಿಕೊಂಡಿದೆ. ಒನ್​ಪ್ಲಸ್​ ಕಂಪೆನಿಯು ಹೊಸ ಇಯರ್​ಬಡ್ಸ್​ ಲಾಂಚ್ ಮಾಡುತ್ತಿದ್ದು,
ಈಗಾಗಲೇ ಭಾರತದ ಮಾರುಕಟ್ಟೆಯಲ್ಲಿ ಒನ್ ಪ್ಲಸ್ ಕಂಪೆನಿಯ OnePlus Buds Pro 2 ಎಂಬ ಇಯರ್‌ಬಡ್ಸ್ 
ಫೆಬ್ರವರಿ 14 ರಂದು ಬಿಡುಗಡೆಗೆ ಸಜ್ಜಾಗಿದೆ. ಇದೀಗ OnePlus Buds Pro 2 ಸಾಧನದ ಜೊತೆಗೆ ನಿರ್ಮಿಸಲಾದ
OnePlus Buds Pro 2R ಎಂಬ ಇಯರ್‌ಬಡ್ಸ್ ನ ವಿಶೇಷ ಮಾದರಿಯನ್ನು ಘೋಷಿಸಲಾಗಿದ್ದು, ಶೀಘ್ರದಲ್ಲೇ 
ಈ ಡಿವೈಸ್ ಬಿಡುಗಡೆಯಾಗಲಿದೆ ಎಂದು ಕಂಪನಿ ತಿಳಿಸಿದೆ. ಹಾಗಿದ್ರೆ ಇದರ ಫೀಚರ್ಸ್ ಹೇಗಿದೆ ನೋಡೋಣ.

Sponsored

OnePlus Buds Pro 2R ಫೀಚರ್ಸ್ :

Advertisement

Advertisement

ಈ ಇಯರ್ ಬಡ್ಸ್ ವೈರ್​ಲೆಸ್​ ಚಾರ್ಜಿಂಗ್ ಮತ್ತು ಹೆಡ್​ ಟ್ರ್ಯಾಕಿಂಗ್​ ಫೀಚರ್​ ಎಂಬ ಸ್ಪೆಷಲ್ ಫೀಚರ್
ಅನ್ನು ಒಳಗೊಂಡಿದೆ. ಈ ಇಯರ್‌ಬಡ್‌ಗಳು ಗ್ಲೋಸಿ ಸ್ಟೆಮ್ ಮತ್ತು ಮೇಲ್ಭಾಗದಲ್ಲಿ ಮ್ಯಾಟ್ ಫಿನಿಶ್‌ 
ಆಯ್ಕೆಯೊಂದಿಗೆ ಕಾಣಿಸಿಕೊಂಡಿದ್ದು, ಡ್ಯುಯಲ್-ಟೋನ್ ವಿನ್ಯಾಸವನ್ನು ಹೊಂದಿದೆ. OnePlus Buds Pro
2R ಗುಣಮಟ್ಟದ ಆಡಿಯೋ, ಡೈನಾಡಿಯೋ ಟ್ಯೂನಿಂಗ್, ಅಡಾಪ್ಟಿವ್ ನಾಯ್ಸ್ ಕ್ಯಾನ್ಸಲಿಂಗ್ ಫೀಚರ್ಸ್‌ ಸೇರಿದಂತೆ
ಉತ್ತಮ ಫೀಚರ್ಸ್​ಗಳನ್ನು ಒಳಗೊಂಡಿದೆ.

ಕೆಲವು ಫೀಚರ್ ಗಳು OnePlus Buds Pro 2 ಇಯರ್ ಬಡ್ ನಲ್ಲಿರುವಂತದ್ದೇ ಆಗಿದ್ದು, ಆದರೆ ಇನ್ನು ಕೆಲವೊಂದು
ವಿಶೇಷ ಫೀಚರ್ ಗಳು ಇದರಲ್ಲಿವೆ. ​​OnePlus Buds Pro 2R ನಲ್ಲಿ 11 mm ಮತ್ತುmm ಗಾತ್ರದ ಡ್ಯುಯಲ್
ಡ್ರೈವರ್‌ ಆಯ್ಕೆಯನ್ನು ನೀಡಲಾಗಿದೆ. ಇವು 48 ಡಿಬಿವರೆಗೆ ಅಡಾಪ್ಟಿವ್ ಆಕ್ಟಿವ್ ನಾಯ್ಸ್ ಕ್ಯಾನ್ಸಲೇಶನ್(
ANC) ಫೀಚರ್ಸ್‌ ಅನ್ನು ಅಳವಡಿಸಲಿದ್ದು, ಇದರಿಂದ ಕಾಲ್​​ನಲ್ಲಿ ಮಾತನಾಡುವಾಗ ಹೊರಗಿನ ಶಬ್ದದಿಂದ 
ತೊಂದರೆ ಉಂಟಾಗಲ್ಲ.

ಸುತ್ತಮುತ್ತಲಿನ ಶಬ್ದಗಳನ್ನು ಆಲಿಸಲು ಟ್ರಾನ್ಸ್ಪರೆನ್ಸಿ ಮೋಡ್ ಆಯ್ಕೆ ಇದ್ದು, ಬಡ್ಸ್ ಗಳು ಎಲ್​
ಹೆಚ್​ಡಿಸಿ 5.0 ಆಡಿಯೋ ಕೋಡೆಕ್ ಮತ್ತು ಗೇಮಿಂಗ್‌ಗಾಗಿ 54ms ಕಡಿಮೆ ಲೇಟೆನ್ಸಿಯನ್ನು ಬೆಂಬಲಿಸುತ್ತವೆ.
ಇದರಿಂದ ಬಳಕೆದಾರರು ಅತ್ಯುತ್ತಮವಾದ ಗೇಮಿಂಗ್‌ ಅನುಭವವನ್ನು ಪಡೆಯಬಹುದು.

​ಬ್ಯಾಟರಿ ಸಾಮರ್ಥ್ಯ :

OnePlus Buds Pro 2R​ ಇಯರ್‌ಬಡ್ಸ್‌ ಅನ್ನು ಒಮ್ಮೆ ಫುಲ್ ಚಾರ್ಜ್ ಮಾಡಿದ್ರೆ ಸಾಕು 39 ಗಂಟೆಗಳವರೆಗೆ
ನಿರಂತರವಾಗಿ ಬಳಸಬಹುದು. ಈ ಡಿವೈಸ್​ನಲ್ಲಿ ನಾಯ್ಸ್​ ಕ್ಯಾನ್ಸಲಿಂಗ್ ಫೀಚರ್​ ಅನ್ನು ಆಫ್​ ಮಾಡಿ 
ಬಳಸಿದ್ರೆ 9 ಗಂಟೆಗಳ ಕಾಲ ಹೆಚ್ಚುವರಿಯಾಗಿ ಬಳಸಬಹುದು. ಹಾಗೇ ಎಎನ್​ಸಿ ಫೀಚರ್ ಅನ್ನು ಆನ್​ ಮಾಡಿದ್ರೆ
ಈ ಬಡ್ಸ್​​ಗಳು 6 ಗಂಟೆಗಳವರೆಗೆ ಪ್ಲೇ ಬ್ಯಾಕ್​ ಟೈಮ್​ ಅನ್ನು ನೀಡುತ್ತದೆ ಎಂದು ಕಂಪೆನಿ ಹೇಳಿದೆ.

ಬೆಲೆ ಮತ್ತು ಲಭ್ಯತೆ :

OnePlus Buds Pro 2R​ ಇಯರ್‌ಬಡ್ಸ್‌ ಭಾರತದ ಮಾರುಕಟ್ಟೆಯಲ್ಲಿ ಶೀಘ್ರದಲ್ಲೇ ಬಿಡುಗಡೆಯಾಗಲಿದ್ದು,
ಇದರ ಬೆಲೆ 9,999 ರೂ. ಆಗಿದೆ. ಹಾಗೆಯೇ OnePlus Buds Pro 2R ಮುಂದಿನ ಮಾರ್ಚ್‌ನಲ್ಲಿ ಖರೀದಿಗೆ
ಲಭ್ಯವಿರುತ್ತದೆ ಎಂದು ಕಂಪೆನಿ ಹೇಳಿದೆ. ಈ ಇಯರ್ ಬಡ್ಸ್ ಬಿಳಿ ಮತ್ತು ಕಪ್ಪು ಬಣ್ಣಗಳಲ್ಲಿ ಗ್ರಾಹಕರಿಗೆ
ಖರೀದಿಗೆ ಲಭ್ಯವಾಗಲಿದೆ.

Advertisement