# ನೂತನ OnePlus Buds Pro 2 ಇಯರ್‌ಬಡ್ಸ್ ಬಿಡುಗಡೆ | ನೀರು ಮತ್ತು ಧೂಳು ನಿರೋಧಕ, ಅತ್ಯಂತ ಆಕರ್ಷಕ !!

- Link: https://hosakannada.com/news/oneplus-buds-pro-2-earbuds-launched-in-india/
- Published: 2023-02-08T12:24:58+00:00
- Author: ವಿದ್ಯಾ ಗೌಡ

ಭಾರತದ ಮಾರುಕಟ್ಟೆಯಲ್ಲಿ ಒನ್ ಪ್ಲಸ್ ಕಂಪೆನಿಯ OnePlus Buds Pro 2 ಎಂಬ ಇಯರ್‌ಬಡ್ಸ್ ಬಿಡುಗಡೆಯಾಗಲಿದೆ.
ಇದು ಉತ್ತಮ ಫೀಚರ್ಸ್ ನೊಂದಿಗೆ ಗ್ರಾಹಕರಿಗೆ ಕೈಗೆಟಕುವ ಬೆಲೆಯಲ್ಲಿ ಲಭ್ಯವಾಗಲಿದೆ. ಇದರ ವೈಶಿಷ್ಟ್ಯದ
ಕಂಪ್ಲೀಟ್‌ ಡಿಟೇಲ್ಸ್‌ ಇಲ್ಲಿದೆ

Sponsored

ಫೀಚರ್ಸ್​​ :

Advertisement

Advertisement

ಒನ್‌ಪ್ಲಸ್‌ ಬಡ್ಸ್‌ ಪ್ರೊ 2 ಇಯರ್‌ಬಡ್ಸ್‌ ಡಾಲ್ಬಿ ಅಟ್ಮಾಸ್ ಆಡಿಯೋ ಬೆಂಬಲ ಹೊಂದಿದ್ದು, ಡೈನಾಡಿಯೊ
ಟ್ಯೂನಿಂಗ್ ಫೀಚರ್ಸ್‌ ಅನ್ನು ಒಳಗೊಂಡಿದೆ. ಈ ಇಯರ್ ಬಡ್ಸ್ 11 ಎಂಎಂ ಡೈನಾಮಿಕ್ ಡ್ರೈವರ್ ಮತ್ತು 
6 ಎಂಎಂ ಪ್ಲ್ಯಾನರ್ ಡಯಾಫ್ರಾಮ್‌ನ ಜೊತೆಗೆ ಅನಾವರಣಗೊಂಡಿದೆ. ಹಾಗೂ ತಲ್ಲೀನಗೊಳಿಸುವ ವರ್ಚುವಲ್ ಸರೌಂಡ್
ಸೌಂಡ್ ಅನುಭವಕ್ಕಾಗಿ ಸ್ಪೇಷಿಯಲ್ ಆಡಿಯೊ ಬೆಂಬಲದೊಂದಿಗೆ ಬಂದಿರುವ ಈ ಸಾಧನವು AI ಶಬ್ದ-ಕಡಿತ ವೈಶಿಷ್ಟ್ಯವನ್ನು
ಸಹ ಹೊಂದಿವೆ.

ಇಯರ್ ಬಡ್ಸ್ ನ ವಿಶೇಷತೆ ?

ವಾಲ್ಯೂಮ್, ಟ್ರ್ಯಾಕ್ ಚೇಂಜರ್​ ಜೊತೆಗೆ ಕರೆ ಸ್ವೀಕರಿಸುವ ಮತ್ತು ಕಟ್​ ಮಾಡುವಂತಹ ಅವಕಾಶವಿದೆ. 
ಅಲ್ಲದೆ,​ ಸಂಪರ್ಕ ಆಯ್ಕೆಗಳಲ್ಲಿ LHDC, AAC, SBC, ಮತ್ತು LC3 ಆಡಿಯೊ ಕೊಡೆಕ್‌ಗಳಿಗೆ ಬೆಂಬಲದೊಂದಿಗೆ
ಬ್ಲೂಟೂತ್ ವರ್ಷನ್​ 5.3 ನ ಕನೆಕ್ಟಿವಿಟಿ ಆಯ್ಕೆಯನ್ನು ಹೊಂದಿದ್ದು, ಆಂಡ್ರಾಯ್ಡ್‌ ಮತ್ತು ಐಓಎಸ್‌
ಆಪರೇಟಿಂಗ್ ಸಿಸ್ಟಮ್‌ಗಳಲ್ಲಿ ಕಾರ್ಯನಿರ್ವಹಿಸಲಿದೆ. ಇದಿಷ್ಟೇ ಅಲ್ಲದೆ, ಈ ಇಯರ್ ಬಡ್ಸ್ ವಾಟರ್​​
ಪ್ರೂಫ್​ ಆಗಿದ್ದು, IP55 ರೇಟಿಂಗ್‌ನೊಂದಿಗೆ ಪ್ರೀಮಿಯಂ ಇನ್‌ ಇಯರ್ ವಿನ್ಯಾಸ ಮತ್ತು ಕೇಸ್‌ನೊಂದಿಗೆ
ಬಿಡುಗಡೆಯಾಗಿದ್ದು, ನೀರು ಮತ್ತು ಧೂಳು ನಿರೋಧಕವಾಗಿದೆ. ಇಯರ್‌ಬಡ್‌ಗಳು ಡ್ಯುಯಲ್ ಕನೆಕ್ಷನ್‌ ಫೀಚರ್ಸ್​​
ಅನ್ನು ಹೊಂದಿದೆ. ಹಾಗಾಗಿ ವಿವಿಧ ಡಿವೈಸ್​ಗಳೊಂದಿಗೆ ವೇಗದಲ್ಲಿ ಕನೆಕ್ಟ್​​ ಆಗುತ್ತದೆ.

ಇನ್ನೂ, ಇದರ ಬ್ಯಾಟರಿ ಬಗ್ಗೆ ಹೇಳಬೇಕಾದರೆ, ಒನ್‌ಪ್ಲಸ್ ಬಡ್ಸ್ ಪ್ರೋ 2 ಇಯರ್​​ಬಡ್ಸ್​ ಅನ್ನು ಒಮ್ಮೆ
ಫುಲ್​ ಚಾರ್ಜ್​ ಮಾಡಿದ್ರೆ ಸಾಕು 39 ಗಂಟೆಗಳ ಕಾಲ ನಿರಂತರವಾಗಿ ಬಳಸಬಹುದು. ಈ ಸಾಧನವು ಡ್ಯುಯಲ್ 
ಕನೆಕ್ಷನ್‌, 9 ಗಂಟೆಗಳ ಬ್ಯಾಟರಿ ಬ್ಯಾಕಪ್ ನೀಡುವ 520mAh ಬ್ಯಾಟರಿ, Qi ವಾಯರ್‌ಲೆಸ್ ಚಾರ್ಜಿಂಗ್
ಸೌಲಭ್ಯಗಳನ್ನು ಹೊಂದಿದೆ.

ಅಲ್ಲದೆ ಈ ಇಯರ್ ಬಡ್ ನಿಮ್ಮ ಆರೋಗ್ಯದ ಕಾಳಜಿ ಕೂಡ ಮಾಡುತ್ತದೆ. ಹೇಗೆ ಅಂತೀರಾ? ಈ ಇಯರ್ ಬಡ್ ಸರ್ವಿಕಲ್
ಸ್ಪಿನ್ ಆರೋಗ್ಯ ಸಂಬಂಧಿ ಮೇಲ್ವಿಚಾರಣೆ ಮಾಡುತ್ತದೆ. ಈ ಸೌಲಭ್ಯ ಬೇಕಾದಲ್ಲಿ ಕಲರ್‌ ಓಎಸ್‌ 11.0 
ಚಾಲಿತ ಸ್ಮಾರ್ಟ್‌ಫೋನ್‌ ಅನ್ನು ಬಳಸಿಕೊಂಡು ಈ ಇಯರ್​ಬಡ್ಸ್​ ಅನ್ನು ಬಳಸಬೇಕು. ಇದರಿಂದ ನಿಮ್ಮ ಆರೋಗ್ಯದ
ಮಾಹಿತಿಯನ್ನು ತಿಳಿಯಬಹುದು.

ಬೆಲೆ ಮತ್ತು ಲಭ್ಯತೆ :

ಭಾರತದಲ್ಲಿ OnePlus Buds Pro 2 ಇಯರ್‌ಬಡ್ಸ್‌ಗಳನ್ನು 11,999 ರೂ.ಬೆಲೆಯಲ್ಲಿ ಪರಿಚಯಿಸಲಾಗಿದ್ದು,
ಗ್ರಾಹಕರಿಗೆ ಅಬ್ಸಿಡಿಯನ್ ಬ್ಲಾಕ್ ಮತ್ತು ಆರ್ಬರ್ ಗ್ರೀನ್ ಎಂಬ ಎರಡು ಬಣ್ಣದ ಆಯ್ಕೆಗಳಲ್ಲಿ ಲಭ್ಯವಾಗಲಿದೆ.
ಈ ಸಾಧನ ಇದೇ ಫೆಬ್ರವರಿ 14 ರಂದು ಗ್ರಾಹಕರಿಗೆ ಲಭ್ಯವಾಗಲಿದೆ. ಪ್ರೀ-ಬುಕ್ಕಿಂಗ್‌ಗೆ ಬರಲಿರುವ OnePlus
ಇಂಡಿಯಾ ಅಧಿಕೃತ ಸೈಟ್, Amazon India, Flipkart, Myntra, OnePlus ಸ್ಟೋರ್ ಮತ್ತು ಇತರ ಆಯ್ದ
ಪಾಲುದಾರ ಅಂಗಡಿಗಳಲ್ಲಿ ಖರೀದಿಸಬಹುದು ಎಂದು ಕಂಪೆನಿ ತಿಳಿಸಿದೆ.

OnePlus Buds Pro 2 ಸಾಧನದ ಜೊತೆಗೆ ನಿರ್ಮಿಸಲಾದ OnePlus Buds Pro 2R ಎಂಬ ಇಯರ್‌ಬಡ್ಸ್ ನ 
ವಿಶೇಷ ಮಾದರಿಯನ್ನೂ ಘೋಷಿಸಲಾಗಿದ್ದು, ಇದರ ಬೆಲೆ 9,999 ರೂ. ಆಗಿದೆ. OnePlus Buds Pro 2R ಮುಂದಿನ
ಮಾರ್ಚ್‌ನಲ್ಲಿ ಖರೀದಿಗೆ ಲಭ್ಯವಿರುತ್ತದೆ ಎಂದು ಕಂಪೆನಿ ಹೇಳಿದೆ.

Advertisement