# Oil: ತೈಲದ ಮೇಲೆ ಭಾರೀ ವಿನಾಯ್ತಿ ಘೋಷಿಸಿದ ರಷ್ಯಾ – ಭಾರತದಲ್ಲಿ ಪೆಟ್ರೋಲ್, ಡೀಸೆಲ್ ಬೆಲೆಯಲ್ಲಿ ಮಹತ್ವದ ಬದಲಾವಣೆ

- Link: https://hosakannada.com/news/oil-russia-announces-huge-discount-on-oil-significant-change-in-petrol-diesel-prices-in-india/
- Published: 2025-11-08T09:19:26+00:00
- Author: Mallika

Oil: ಭಾರತವು 2022ರಿಂದ ರಷ್ಯಾದೊಂದಿಗೆ ತೈಲ ಒಪ್ಪಂದ ಮಾಡಿಕೊಂಡು, ಕಚ್ಚಾತೈಲವನ್ನು ಆಮದು ಮಾಡಿಕೊಳ್ಳುತ್ತಿದೆ.
ಭಾರತಕ್ಕೆ ತೈಲ ಪೂರೈಸುವಲ್ಲಿ ರಷ್ಯಾ ದೇಶದ್ದೇ ಸಿಂಹ ಪಾಲು. ಆದರೆ ಇದು ಇದೀಗ ಅಮೆರಿಕಾದ ಕೆಂಗಣ್ಣಿಗೆ
ಗುರಿಯಾಗಿದ್ದು, ಭಾರತ ರಷ್ಯಾದಿಂದ ತೈಲ ಆಮದನ್ನು ನಿಲ್ಲಿಸಬೇಕು ಎಂದು ಡೊನಾಲ್ಡ್ ಟ್ರಂಪ್ ಆಗ್ರಹಿಸಿ
ಭಾರತದ ಮೇಲೆ 50 ಶೇಕಡದಷ್ಟು ಸುಂಕವನ್ನು ಕೂಡ ಹೇರಿದ್ದಾರೆ. ಆದರೆ ಭಾರತ ಇದು ಯಾವುದಕ್ಕೂ ಸೊಪ್ಪು
ಹಾಕದೆ ರಷ್ಯಾದೊಂದಿಗಿನ ತನ್ನ ಸಂಬಂಧವನ್ನು ಮುಂದುವರಿಸುತ್ತಿದೆ. ಇದರ ನಡುವೆ ರಷ್ಯಾವು ತೈಲದ ಮೇಲೆ
ಭಾರಿ ವಿನಾಯಿತಿಯನ್ನು ಘೋಷಿಸಿದೆ.

Sponsored

ಹೌದು, ಉದ್ಯಮದ ಮೂಲಗಳನ್ನು ಉಲ್ಲೇಖಿಸಿ ET ವರದಿಯೊಂದು, ಡಿಸೆಂಬರ್ ವಿತರಣೆಗೆ ಈ ಕಚ್ಚಾ ತೈಲವು ಬ್ರೆಂಟ್
ಕಚ್ಚಾ ತೈಲಕ್ಕೆ ಹೋಲಿಸಿದರೆ ಪ್ರತಿ ಬ್ಯಾರೆಲ್‌ಗೆ $2-$4 ವರೆಗೆ ರಿಯಾಯಿತಿಯನ್ನು ನೀಡುತ್ತಿದೆ ಎಂದು
ಹೇಳಿದೆ, ಇದು ಹಿಂದಿನ ವರ್ಷಗಳಿಗೆ ಹೋಲಿಸಿದರೆ ಗಮನಾರ್ಹ ರಿಯಾಯಿತಿಯಾಗಿದೆ. ರಷ್ಯಾದ ಪ್ರಮುಖ ತೈಲ
ಕಂಪನಿಗಳಾದ ರೋಸ್ನೆಫ್ಟ್ ಮತ್ತು ಲುಕೋಯಿಲ್ ಮೇಲೆ ಅಮೆರಿಕ ಕಠಿಣ ಹೊಸ ನಿರ್ಬಂಧಗಳನ್ನು ವಿಧಿಸಿರುವುದರಿಂದ
ಈ ರಿಯಾಯಿತಿ ಇತ್ತೀಚೆಗೆ ಹೆಚ್ಚಾಗಿದೆ.

Advertisement

Advertisement

ಈ ರಿಯಾಯಿತಿ ಸ್ಥಿತಿಯು ರಷ್ಯಾ ತನ್ನ ತೈಲ ಮಾರಾಟದ ಮೇಲೆ ಈಗಾಗಲೇ ಹೆಚ್ಚುತ್ತಿರುವ ಒತ್ತಡದ ನಡುವೆಯೂ
ಹೆಚ್ಚುವರಿ ಆರ್ಥಿಕ ಸವಾಲುಗಳನ್ನು ಎದುರಿಸುತ್ತಿದೆ ಎಂದರ್ಥ. ರಷ್ಯಾ ತನ್ನ ತೈಲ ಆದಾಯದ ಮೇಲೆ ಹೆಚ್ಚು
ಅವಲಂಬಿತವಾಗಿದೆ ಮತ್ತು ಕಡಿಮೆ ಬೆಲೆಗೆ ಕಚ್ಚಾ ತೈಲವನ್ನು ಮಾರಾಟ ಮಾಡುವುದರಿಂದ ಅದರ ಬಜೆಟ್ ಸಂಪನ್ಮೂಲಗಳು
ಕುಗ್ಗಬಹುದು. ಈ ಪ್ರವೃತ್ತಿ ರಷ್ಯಾದ ಹಣಕಾಸು ಮೂಲಸೌಕರ್ಯವನ್ನು ದುರ್ಬಲಗೊಳಿಸಬಹುದು ಎಂದು ವಿಶ್ಲೇಷಕರು
ಎಚ್ಚರಿಸಿದ್ದಾರೆ.

Advertisement