# ಶೌಚಾಲಯ ಮಾಡಲು ಜಾತಿ ಕೇಳಿದ ಅಧಿಕಾರಿಗಳು –  ಶಾಸಕರ ಎದುರು ಮಹಿಳೆ ಕಣ್ಣೀರು

- Link: https://hosakannada.com/news/officials-asked-for-caste-details-for-toilet-construction-woman-breaks-down-in-tears-before-mla/
- Published: 2026-10-05T09:41:29+00:00
- Author: ಹೊಸಕನ್ನಡ ನ್ಯೂಸ್

ಶೌಚಾಲಯ ಮಾಡಿಕೊಡಿ ಎಂದು ಮಹಿಳೆಯೊಬ್ಬರು ತುಂಬಿದ ಸಭೆಯಲ್ಲಿ ಕಣ್ಣೀರಿಟ್ಟಿರುವ ಘಟನೆ ಚಿಕ್ಕಮಗಳೂರು
ಜಿಲ್ಲೆ ಶೃಂಗೇರಿ ತಾಲೂಕಿನ ಗಂಡಘಟ್ಟ ಗ್ರಾಮ ಪಂಚಾಯಿತಿ ವ್ಯಾಪ್ತಿಯ ಚಿಮ್ಮೆ ಗ್ರಾಮದಲ್ಲಿ ನಡೆದಿದೆ.

Sponsored

ಶೃಂಗೇರಿ ತಾಲೂಕಿನ ಕಿಗ್ಗಾ ಗ್ರಾಮದಲ್ಲಿ ನಡೆದ ಜನಸೇವಾ ಕಾರ್ಯಕ್ರಮದಲ್ಲಿ ಮಹಿಳೆಯೊಬ್ಬರು ತುಂಬಿದ
ಸಭೆಯಲ್ಲಿ ಶಾಸಕರ ಎದುರು ಶೌಚಾಲಯ ಮಾಡಿಸಿ ಕೊಡಿ ಎಂದರೆ ಅಧಿಕಾರಿಗಳು ನೀವು ಎಸ್ಸಿ-ಎಸ್ಟಿ ಸಮುದಾಯಕ್ಕೆ
ಸೇರಿದ್ದೀರಾ ಎಂದು ಪ್ರಶ್ನಿಸುತ್ತಾರೆ. ಇಲ್ಲ ನಾನು ಬ್ರಾಹ್ಮಣ ಸಮುದಾಯಕ್ಕೆ ಸೇರಿದ ಮಹಿಳೆ ಎಂದರೆ
ನೀವು ಎಸ್ಸಿ-ಎಸ್ಟಿ ಸಮುದಾಯಕ್ಕೆ ಸೇರಿದ್ದರೆ ಏನೋ ಮಾಡಬಹುದಿತ್ತು. ಆದರೆ, ಜನರಲ್ ಕೆಟಗರಿಗೆ ಸೇರುತ್ತೀರಾ
ಎಂದು ಹೇಳಿದ್ದಾರೆ. ಅಧಿಕಾರಿಗಳ ಈ ಮಾತು ನೊಂದ ಮಹಿಳೆಗೆ ಮತ್ತಷ್ಟು ಬೇಸರ ತರಿಸಿ ಶೌಚಾಲಯಕ್ಕೂ ಜಾತಿ
ಬೇಕಾ? ಎಂದು ತುಂಬಿದ ಸಭೆಯಲ್ಲಿ ಗೋಳಾಡಿದ್ದಾರೆ. 

Advertisement

Advertisement

ಮಹಿಳೆಯ ಕಣ್ಣೀರು ಕಂಡು ಶಾಸಕ ರಾಜೇಗೌಡ ಅಧಿಕಾರಿಗಳಿಗೆ ಮಹಿಳೆಗೆ ಶೌಚಾಲಯ ನಿರ್ಮಿಸಿಕೊಡುವಂತೆ ಸೂಚಿಸಿದ್ದಾರೆ.
ಅದರಂತೆ, ಭಾನುವಾರ ತಾಲೂಕು ಮಟ್ಟದ ಕೆಲ ಅಧಿಕಾರಿಗಳು ಚಿಮ್ಮೆ ಗ್ರಾಮಕ್ಕೆ ಭೇಟಿ ನೀಡಿ ಶೌಚಾಲಯ ನಿರ್ಮಿಸಿಕೊಡಲು
ಮಹಿಳೆಗೆ ಇರುವ ತಾಂತ್ರಿಕ ಸಮಸ್ಯೆಗಳ ಕುರಿತು ಪರಿಶೀಲನೆ ನಡೆಸಿ ಶೀಘ್ರದಲ್ಲೇ ಶೌಚಾಲಯ ನಿರ್ಮಿಸಿ 
ಕೊಡುವ ಭರವಸೆ ನೀಡಿದ್ದಾರೆ.

Advertisement