# ನರ್ಸ್‌ ನಿರ್ಲಕ್ಷ್ಯ; 6 ತಿಂಗಳ ಮಗುವಿನ ಕೈ ಬೆರಳು ಕಟ್‌

- Link: https://hosakannada.com/news/nurses-negligence-6-month-old-babys-finger-cut/
- Published: 2026-02-25T14:05:04+00:00
- Author: ಹೊಸಕನ್ನಡ ನ್ಯೂಸ್

ಬೆಂಗಳೂರು: ಅನಾರೋಗ್ಯದ ಕಾರಣ ಆಸ್ಪತ್ರೆಗೆ ದಾಖಲಾಗಿದ್ದ 6 ತಿಂಗಳ ಮಗುವಿನ ಬೆರಳನ್ನೇ ನರ್ಸ್‌ ಕತ್ತರಿಸಿರುವ
ಘಟನೆ ಬೆಂಗಳೂರಿನ ಇಂದಿರಾ ನಗರದಲ್ಲಿ ನಡೆದಿದೆ.

Sponsored

ಮಗುವಿಗೆ ಜ್ವರ ಮತ್ತು ಕಫ ಇದ್ದು, ಚಿನ್ಮಯ್‌ ಮಿಷನ್‌ ಆಸ್ಪತ್ರೆಗೆ ಮಗುವನ್ನು ಫೆ.19 ರಂದು ಪೋಷಕರು
ದಾಖಲು ಮಾಡಿದ್ದರು. ಫೆ.24 ರ ವರರೆಗೆ ಮಗುವಿಗೆ ನಿರಂತರ ಚಿಕಿತ್ಸೆ ನೀಡಲಾಗಿತ್ತು. ಆದರೆ ನಿನ್ನೆ
ಡ್ರಿಪ್ಸ್‌ಗೆ ಹಾಕಿದ್ದ ಡ್ರೆಸ್ಸಿಂಗ್‌ ತೆಗೆಯುವ ಸಂದರ್ಭದಲ್ಲಿ ನರ್ಸ್‌ ನಿರ್ಲಕ್ಷ್ಯದ ಕಾರಣದಿಂದ
ಮಗುವಿನ ಎಡಗೈ ಕಿರುಬೆರಳಿನ ಅರ್ಧ ಭಾಗವನ್ನೇ ಕತ್ತರಿಸಿದ್ದಾರೆ. ಗಂಭೀರ ಗಾಯಗೊಂಡ ಮಗು ನರಳಾಡುತ್ತಿದ್ದು,
ಈ ಕುರಿತು ಪೊಲೀಸರಿಗೆ ದೂರು ದಾಖಲಾಗಿದೆ.

Advertisement

Advertisement

ತಂದೆ ವಿಜಯ್‌ ಕುಮಾರ್‌ ವೈದ್ಯರು, ಸಿಬ್ಬಂದಿ ಮತ್ತು ಆಸ್ಪತ್ರೆಯ ಆಡಳಿತ ಮಂಡಳಿ ವಿರುದ್ಧ ಕಾನೂನು
ಕ್ರಮ ಕೈಗೊಳ್ಳುವಂತೆ ಆಗ್ರಹ ಮಾಡಿದ್ದಾರೆ.

ಘಟನೆ ನಡೆದ ನಂತರ ತುರ್ತು ಚಿಕಿತ್ಸಾ ಘಟಕಕ್ಕೆ ಮಗುವನ್ನು ಕರೆದುಕೊಂಡು ಹೋಗಲಾಗಿದ್ದು, ಗಾಯಕ್ಕೆ 
ಡ್ರೆಸ್ಸಿಂಗ್‌ ಮಾಡಲಾಗಿದೆ. ಹೀಗಿದ್ದರೂ ಯಾವುದೇ ದೊಡ್ಡ ಗಾಯವಾಗಿಲ್ಲ. ಮಗು ಚಿಕ್ಕದಾಗಿರುವ ಕಾರಣ
ಗಾಯ ಅದಾಗೇ ಗುಣವಾಗುತ್ತದೆ ಎಂದು ಹೇಳಿದ್ದಾರೆ. ಆದರೆ ಮಗುವಿನ ಅರ್ಧ ಬೆರಳು ಕಟ್‌ ಆಗಿದೆ ಎಂದು ತಂದೆ
ವಿಜಯ್‌ಕುಮಾರ್‌ ದೂರಿದ್ದಾರೆ.

Advertisement